رواية ( صدام وشيك) للكاتبة سلمي سمير.

 #صدام_وشيك

اقتباس

**************

جلست خلف مكتبها وخطت علي الروشته بعض اسماء الادوية ومدت يده بها اليه وقالت بجدية:

التزم بالتعليمات وخد العلاج في ميعاده، وبأذن الله هتتحسن  

اتفضل والف سلامه 

ابتسم بمكر وتناول منها الروشته، وبقصد لامست يده يداها ولف احد اصابعه باصبعها الاوسط وقال:

اوعدك انفذ التعليمات ، بس العلاج ناقص لانك مش كاتبة اسمك فيه وكده مفيش امل اخف

غامت عيناها بغضب وجذبت اصبعها من بين اصابعه وثارت عليه بحدة:

وبعدين معاك يا باشمهندس، ده اسلوب مش محترم، عيب جدا تعامل بيه زميله ليكي بالشكل ده

انا هتغاضي علي جرأتك معايا المرادى  لانك فعلًا مريض ومحتاج رعاية، بس لو حصل تاني منك اي تطاول هضطر اسفه ارفع الامر لمدير ادارة المشروع، 

هز راسه بتهكم ونهض من مقعده، توقعت ان يغادر لكنها اقترب منها وتفحصها بشمولية، وتعمق بالنظر الي عيناها العسلية الساحرة بسكون وقال بعد تنهيده حارقه:

لو قصدك المهندس هشام احب افهمك انه ميقدرش ياخد معايا أي اجراء، لاني المهندس المسؤول والتنفيذي عن المشروع 

ومش معني انه المدير  يبقي اعلي منه شأن، بالعكس المشروع مسوليتي انا، ولعمك انا اللي رفضت  المنصب لاني مش بحب الشغل الاداري، بحس بوجودى واهميتي في الموقع والعمل الفعلي 

يعني لجوءك  ليه احراج ليكي وليه ومش هيفيدك في شئ

ثم تنهد بقوة واكمل  معاقبًا:

ثم انا مش عارف انتِ زعلانه ليه من قولي الحقيقة، انا عارف تعبي ومصدر راحتي وبصرح ليكي لانك الطبيبة اللي بتعالجني واجب عليكي  توصفي لي العلاج اللي هيريحني

امسك يدها فجاة وحضنها بين كفاه وقال بعذوبة وحرارة:

انت دائي ودوائي ، انت سعدي وشقائي، اتت سقمي وشفائي

انت حزني وهنائي، فهل تكرمتي ومنحتي قلبي العاشق نعيم لقياكي والعيش في جنة عشقك الدافي 

جذبت يدها منها وقبل ان تثور عليها ضحك بشقاوة وقال:

علي فكرة انت سبب مرضي لو كنت قبلتي ارتباطنا مكنتش تعبت ولانفسيتي تعبت واثرت علي القولون العصبي، يعني انا قولت الحقيقة اوصفي نفسك ليا وانا اخف

ضغطت علي عظام فكها بغيظ وقالت بحدة:

اسفه يا باشمهندس ولخامس مره طلبك مرفوض، وبطريقتك ده انت كده بتجبرني علي اتخاذ قرار وحل جذري ضد جرائتك وتطاولك عليا ، لاما  نقلي من المشروع او تقديم استقالتي، مدام مصر علي مطاردتي

امسك ذراعها وقال بتصميم:

براحتك في  اللي عايزه تعمليه، لكني مش هياس من استجابتك لاني واثق في نفسي بان  الرجل الوحيد اللي هيقدر يسعدك، ولعلمك هشام مش مناسبك ليكي يا دوك،

وانا بحذرك يا هدير انك هتندمي لو صممتي علي خسرتي

وجذبها اليه وكاد يحتضنها الا انه انتبه لنفسي شاعرًا بانه تعدي حدوده معها وتهور  وابتعد عنها وعقب علي افعاله؛

اسف لتهوري معاكي، رغم اني نفسي اتهور بجد واخطفك لانك ملكي يا هدهد ومش هسمح تكوني لغيري  اوك

ترك يدها فجاة وغادر مسرعًا قبل إن تنفجر به ثورة غضبها التي تجسدت علي محياها،

جلست علي مقعدها تزفر بحده وغضب علي اسلوبه المستفز معها، ثم مسكت هاتفها واتصلت باحدهم وانتظرت الرد

اتاها الرد بصوت مرح قائلًا:

حبيبة قلبي والله انت بنت حلال مصفي، كنت لسه هتصل بيكي نخرج نتعشي بره ونغير المود

اخذت نفس عميق كي تنفس به عن غضبها وردت عليه قائلة:

تمام يا هشان موافقة، وكمان نفكر في حل لمطاردة المهندس اسامة، لانها زادت عن الحد ، وتطاول واتجرا عليا النهاردة

سمعت صوت زفير حاد ورد عليه بغضب وعصبيه:

لا هو بيحسب نفسه مين انا هوقفه عند حده، اصبري بس عليا  هكلمه واعرفه مقامه واخليه يبعد عنك بالحسنه والا

ردت عليه بضيق غير مصدقه رد فعله الغربب وقالت :

لاء مفيش داعي انا عنلت اللازم ووقته عند حده،  ثم انت تكلمه ليه وبصفة ايه انت مدير عليا وعليه وبس 

غمغم بريبة ، بعدما فهم مغزي حديثها وقال:

طيب تمام وانا واثق فيكي يا هديى سلام دلوقتي واعملي حسابك همر عليكي علي الساعه ٦  سلام يا حب 

تاففت هدير من اسلوبه المستفز البارد وكادت ترفض عرضه لكنها بذلك ستوضح له بانه تريد منه ان يجعل ارتباطهم رسمي،  رغم انه حقها لكنها تريد ان يؤكد هو رغبته في ذلك

رجعت بظهرها الي الخلف وتذكرت مشاكسه اسامه معها وتمنت ان يكون هشام الرزين بمثل تهوره واندفاعه بالتصريح بحبه اليه دون خجل، لتتنهد وتقول:

امتي يا هشام هتاخد الخطوة دي انا زهقت بقي 

****************

عاد اسامه الي غرفته فراي صديقة زكريا يحدث خطيبتها، فاغلق معها حتي يطمن عليه:

اقفلي دلوقتي يا دعاء اسامه رجع هطمن عليه وارجع اكلمها

لبت دعاء طلبه لكن قبل اغلاقها المكالمة  طلبت منه ان يرسل سلامها الي اسامة

نظر زكريا الي صديقة الذي تمدد علي الفراش بضيق وساله:

طمني الدكتورة قالتلك ايه، ولا كلامك معاها شفاك يا نمس

ارتسمت شبه ابتسامه حزينه علي ثغره واجابه:

الكلام معاها تعبني اكثر هدير بتحب هشام، سرقها بشياكته ومظهره المخادع لحقيقته الليئم انا لازم اكشفه ليه

ضغط زكريا علي كتفه بقوة لكي يهدأ من غضبه:

اهدى يا وحش وبلاش تجي منك هشام عارف حقيقتك، وده هيخليها تهرب منك وتخاف تقرب اوحت تفكر ترتبط بيك

سيب الموضوع ده عليا وانا هتصرف بس قولي المزاج هيوصل امتي الواحد محتاج يظبط دماغه علشان يقدر يواصل الشغل  هنا  في الجو ده ولا ايه

نهض اسامه فجاة وقال:

هو المزاج اللي هيخليها تندم وتفكر فيا غصب عنها، انا هروح اكلم المتعهد يستعجل ارسلهم عن اذنك

وخرج مسرعا فارتطم  بحمادة احد اصدقاءه ،فنكزه  اسامة في خصره وقال له:

اركب الهوا يا هندسه، بقولك ايه اعمل حسابك في المزاج

ضحك حمادة علي مزاحه المرح واردف قائلُا:

طبعا انا معاك يا بوص بس ظبطنا بقي، عايز  الدماغ تعلي

ضرب اسامه كفه بكفه:

اشطه انا هسفركم المريخ وانتو علي الارض، شخشخ جيبك بس انت لان الصنف المرادى اكسترا وغالي 

ضحك صديقه بصخب وقال:

اوبس شكلها هتلعب يا حمادة، معاك يا زميل ورقبتي سداده

اخرج من حافظته  مبلغ من المال واعطاه  له، اخذه اسامه جزء  منه قائلًا:

كفاية دول عليكي ام المازا والمشروبات هديه منا لاخواتي بس المهم ان الحفله هتبقي علي شرف الدكتورة هدير اتفقنا،

غامت عيناه بريبة وشاركه زكريا الذي خرج اليهم الارتباك والحيرة فقال اسامه بنزق:

مالكم وشكم اتقلب ليه، كلكم عارفين اني عايزه  وبحبها وهي رافضه علشان الكلب هشام، ودي فرصتي عايز منكم بس تظبطوني زي ما هظبطكم، وبعدها باذن الله هتكون ملكي 

ايه هتتخلو عني يا اندال لا ده بصداقتنا وربنا 

هز الاثنين راسهم بحيرة  وتردد فقال زكريا:

رقبتي يا صاحبي معاك وباذن الله مش هتنتهي الليلة غير وهدير ملكك وحلالك 

تنهد اسامة براحه وقال 

وهو بحتضن زكريا وحمادة:

هو ده الكلام بيس يا مان

*********

ياتري هيحصل ايه لهدير توقعاتكم 

#سلمي_سمير