رواية المؤامرة( الفصل الثاني عشر) رهينة فراشه الجزء الثاني

المؤامرة 

مخاطرة محسومة

البارت الثاني عشر

 ••••••••••••••••••••••••••••••••••••••••••••••••••☆

من داخل احد الشقق السكنية الفخمة

جلس عماد الذي كان يرتدى زي المهمات الخاصة وقام بتامين نفسه بسترة ضد الرصاص ،اخذ يجهز سلاح ويضع فيه ذخيرة حية استعداًد للمهمة فساله صلاح المرتبك والمتردد"

عماد انا بثق في الامير وبتمني اخدمه بس ده تهور احنا افرد في الجيش وتبع وحدات خاصة، صحيح خرجنا كتير مهمات  وعمليات متخفين وبدون هواية، لكن كنا بنخدم وطنًا حتي لو موتنا كنا هنبقي شهداء مش لحساب شخص 

رمقه عماد بضيق من نكران صديقة للجميل وتخليه عن قائده وقت احتياجه اليه غير انه وعدهم بمكافاءه مجزية علي نفقته الخاصة بعد انتهاء المهمة وبعيد عن كل هذا يراها عماد فرصة لرد حق  بعض الشهداء من المجندين التي اريقت دمائها الطاهرة في سبيل الدفاع عن وطنهم، فاردف قائلًا "

اظن يا صلاح اللي هنعمله هيكون خدمة للوطن بردك، بقتل الارهابين اللي قتلوا اخواتنا وجنودنا ولا ناسي ان عجمان ده واللي معاه قتلوا فرقة كاملة ودمروهم وجثثهم بقت اشلاء

اسمع لو انت مش عايز تتطوع في المهمة، اتفضل مع السلامة شوف هتعتذر منه تقول إيه او هتوريه وشك ازاي بعد تخليك عنه وقت محتاج ليك ، اما انا فاهفضل مع الامير وهخدمه حتي لو مت في المهمة مدام هنخلص من اعداء بلدى

وافتكر انه هو اللي دربك وكان دايما بيرشحك لاكثر من عملية معاه ودايما كان بيخاف علينا وبيحافظ علي اروحنا اكثر من نفسه، وهرجع واقولك  دي فرصة تخلص وطنك من بعض  الخونه حتي لو بدون مقابل

انهي عماد كلامه وقبل ان يرد عليه صلاح موضحًا موقفه ،رد  عليه بحزم الضابط الملثم الذي كان في زيارة للشيخ فياض دون ان يعرف احدهم الهدف من زيارته قائلًا"

يا صلاح انا اخترتك انت وعماد لثقتي في قدرتكم و مهاراتكم علي التدخل السريع وحسم الموقف بدون خساير،لو شايف ان انضمامك لعملية خاصه معانا ضد مصلحتك انا بعفيك منها 

وتقدر تنصرف وهويتك وكل متعلقاتك موجودين في الظرف ده، وبدون ضغينه او زعل من موقفك لاني بعتبرك اخويا الصغير، وليك حق تخاف وتاخد حذرك من كل خطوة مقبل عليها  بعد ما بقي ليك اسرة واولادك محتاجين ليك 

هز صلاح راسه نادمًا ورفع يده مؤدي التحية العسكرية قائلًا بفخر وحماس لعل يغفر له بعض تخاذلة"

تحت امرك يا فندم جندى مجند صلاح الصيرفي تحت الطلب وبيقدم روحه فداء للوطن وللامير قدوتي ومثلي الاعلي

ضحك الضابط بعد أن تخلي عن اللثام الذي كان يرتديه اثناء تجول بالخارج، ومسد علي ظهرها مشجعًا"

كنت واثق من اختياري شكرا يا صلاح يلا اجهز في اي وقت ممكن تحصل المداهمة ولازم نكون مستعدين ليها

وانت يا عماد عمر الاسلحه بالذخيرة الحية، مش هنسمح لحد يهرب اللي مش هنقبض عليه يتصفي في الحال اتفقنا

ترك عماد ما يفعل، وقام هو وصلاح بصوت واحد جهوري مع تادية التحية العسكرية بشموخ وصلابة"

تمام سيدتك يا فندم، وحوش جاهزين دايما يا فندم

ابتسم الضابط المقنع في وجهه وقال بهدوء"

تمام يا رجالة ، انا كمان هدخل اجهز وان شاء الله ربنا يوفقنا ونجتثهم جميعا بدون اصابة حد من اهل البيت وبالذات  الاطفال مالك وروح انتو عارفين 

•••••••••••••••••••••••

اؤما الاثنين بالموافقة والتاكيد علي الحفاظ علي حياة اهل البيت،لكي يتركهم الضابط  ويدخل غرفته وينزع ثيابة وجغف عرقة عن وجهه الوسيم ، ثم نظر الي المرآه وملس علي وجهه بحنين قائلًا لنفسه"

ياتري امتي هقدر ارجع لحياتي وبيتي وابني وبنتي من تاني وحشوني بجنون ومشتاق لزوجتي الجميله وحنانها 

فتح حافظة نقوده واخرج  صورتها التي لا تبارحه قط، ونظر اليها بشغف وشوق  قائلًا"

يا بخت فنجان القهوة اللي بتشربيه دلوقتي ياما كان نفسي اكون ان اللي بشرب من رحيق عسل شفايفك يا قطتي

لثم الصورة بقوة وهتف بحرارة مرددًا بأشتياق"

هانت يا قلبي ساعة الحسم قربت وهرجع لاحضانك من جديد 

بس الاول ارجع هند وبيها هتظهر الحقيقة كاملة

اغلق حافظته وارتدى زيه وتحته سترة الواقي من الرصاص  

وخرج لهم بعد ان ارتدى قناعه الذي يخفي معالم وجهه تمامًا وسالهم بجدية وحماس"

ها جاهزين يارجاله نراجع خطة الاقتحام قبل الانطلاق

وافق عماد الا ان صلاح قال"

بعد اذنك دلوقتي في حاجه محيراني ازاي عايزين نرجع هند اللي خدها عمها وهي معاه في سينا، وبنفس الوقت احنا هنا بالقاهرة بنخطط لمعارضة هجوم محتمل علي الفيلا

جلس  الضابط المقنع علي المقعد وطلب من صلاح وعماد ان يجلسا وقال موضحًا"

انا معاك ان شغلنا في سيناء والشغل اللي عملناه الاسبوعين اللي فاتو كانو جيدين جدا بعد ما لمينا معلومات عن قوتهم علي الارض واماكن تمركزهم،وكمان الجهات اللي بتمولهم

لكن عجمان اللي معاه هند هو نفسه اللي هيهاجم الفيلا، وده فرصه نصطاده علشان نستجوبه ونعرف سر هند هي بنت مين وكمان نعرف مكانها فهمت 

اؤما صلاح براسه موافقة وقال"

كده فهمت يعني الافضل نقبض عليه بدل ما نصفيه لانه معاه مفتاح السر اللي بيها هتظهر حقيقة المؤامرة اللي انت واحد من ضحاياها 

اخذ الضابط  المقنع نفس عميق ورد عليها بتودد"

هو كده بالظبط بس اوعي تفكر اني بعتبر نفسي  ضحية من ضحايا المؤامرة،بسبب الخدمة اللي هقدمها ، لو كده يبقي انت كمان ضحية زيا، صحيح اتحرمنا من حياتنا الطبيعية واسرنا واولادنا بس هيكون لفترة وبعدها هنرجع كلنا زي الاول،كله يهون  في سبيل خدمة الوطن وسلامة ارضيه،

ولا إيه يا حضرت الفدائي،وزي ما قال عماد فرصة نخلص من بعض اعداء الوطن اما بالقبض عليهم وكشف مخططاتهم ، او تصفيتهم واتقاء شرهم وشر من معهم

اؤما صلاح بالموافقة وكذلك عماد تاكيدًا  علي حسن نواياهم وتضحيتهم الجليلة، وساله بحيرة قائلًا"

اسف للتطفلي بس انت ليه دايما لابس قناع وساعات قدامنا في اوقات كتيرة كانه روتين في حياتك رغم اننا زمايلك واصدقائك وياما اشتغلنا مع بعض ومفيش شى مشهوه في وجهه يخليك تخجل منا هو في كاميرات في الشقة او حد بيصور لقاءتنا معاك يخليك حابس نفسك  داخل القناع

اخذ نفس عميق وزفره بقوة واجابة بحسم"

لا ابدا انا بس بحاول اتعود عليها علشان منساش مره واخرج من غيره ، لان مش لازم حد يشوفني او يعرف بوجودى، اللي بعد نهاية المهمه علشان الارهابين ميكتشفوش ان اللي مات مش سمير، وبدون اسئله مش عايز حد منكم يسال مين سمير وعلاقتي بيه ايه، لان كلنا هنا بنتعامل باسماء غير اسمائنا وممنوع الأفصاح عن هوايتنا الحقيقة مع بعض تجنبًا لكشف امرنا في زلة لسان غير مقصودة اثناء المهمه  تمام

هز عماد راسه بالفهم وقال ضاحكًا"

احمدك يارب انك مسالتش اسمي اية ودايما بتتعامل معايا باسمي الحركي اصل اسمي فضيحة يا فندم

ابتسم المقنع ونظر اليه بود وربت علي كتفه بقوة"

مش مهم الاسم  الاهم الهدف الاسمي اللي كلنا بنسعي لية

والاهم من كل ده اخلاق الابطال  اللي بتتحلي بيها 

ثم قال بعزيمه واصرار مكملا حديثه الجاد "

مش كفاية كلام  يا شباب ونبدا نراجع خطة الهجوم..

انهمك الثلاثة في دراسة خريطة لفيلا تسكنها فدوى واولادها

 ••••••••••••••••••••••••••••••••••••••••••••••••••☆

وقفت دكتورة مايسة امام ناظريا نوهير المتفحصة والغاضبة بلا سبب وسالها بتعجب"

دكتورة مايسة يا اهلا بيكي بس ممكن اعرف انت هنا لية

والقي نظرة علي نضال الواقف خلفها ببرود ورمقه بنظرة استفزاز و تهكم قائلًا"

الله الله دي زيارة عائلية علي كده دكتورة مايسة ونضال باشا  ممكن تقولي هو من امتي رجال العمليات الخاصة بيتواصل مع حد من ذوايهم اثناء المهمة، هي دي الاحتياطات الواجب الالتزام بيها اللي اتعلمتها اثناء خدمتك يا حضرت المقدم 

ايه  هو انا بعد ما كشفت خروجك  بدون اذن للقادة، بدل ما بتخرج بتجيب المدام ليك دي كده بقت مسخرة مش مهمه   

يعني لولا اخذت بالي من تشيكلات  امن اضافية بره الفيلا  وحبت اعرف سببها مكنتش هعرف بالمسخرة

غامت عين نضال بشكل خطر ورد علي كلامه المهين قائلًا

بهدوء مستفز جعل نوهير يستشيط غضبًا"

خانك التوفيق يا نوهير باشا دكتورة مايسة هنا مجرد صديقة لمدام فدوى بتزورها مليش اي دخل في وجودها  

وتقدر تسال ولو علي وجودى معاها اظن طبيعي اتعامل مع كل شخص بيزور الفيلا بكل مهنية  وزي ما انت شايف كلنا في غرفة المكتب مش في غرفتي الخاصة

يعني مكنش في داعي لسوء ظنك  في حقي وحق الدكتورة

ام بالنسبة للتشكيلات الجديدة انا طلبتها لان الوضع غير مستقر ووصلني ان في عمليات استكشاف بتم 

هز راسه نوهير بالتفهم للترتيبات الامنية التي تتم ، لكنه  بعد ذلك ضحك بسخرية وصفق باعجاب مزيف وقال"

لا اقنعتني يا حضرت المقدم، يعني الدكتورة مايسة  بقت صديقة لفدوى اللي متعرفهاش غير وقت مرضها الاخير

وكمان تستضيفها في بيتها وهي لسه في مرحلة نقاهه وحزينة علي جوزها واوضاعها الامنية مضطربة 

وبالذات وانت موجود ومن ضمن الصدف انها مراتك صح 

رفعت دكتورة مايسة حاجبها بدهاء وغمغمت قائلة"

نوهير باشا اظن انا ضيفة مدام فدوى مش ضيفتك وعيب اووي يكون ده اسلوبك مع ضيوف بنت عمك وفي بيتها

تعنت  نوهير في الفهم ،وضحك بسخرية  وتهكم قائلًا"

ضيفت بنت عمي بردك يا دكتورة،  يعني مش زيارة لزوجك المنتدب في مهمة سرية هنا في الفيلا يا حضرت الزوجة 

حدقته به بنظرة غاضبة وقبل ان ترد علي سفاقته معاها، اتاه الرد من فدوى التي اتت من خلفه وهي تحمل صنية عليها زوج من فناجين القهوة وقالت بضيق"

اظن يا نوهير ضيوفي ليهم احترامهم وده مش اسلوب تكلم بيه صديقتي مايسة حتي ان كانت زوجة للمقدم نضال، لان ده بعيد عن اصول الضيافه واللياقة، ولعلمك  عزمتها بدون ما اعرف صلتها بحضرت الضابط يعني سوء النية اللي في كلامك لضيفتي عيب في حقي كبير اووي

ومدت يدها بالقهوة قائلة باسف"

اسف لأني أتاخرت عليكي يا دكتورة بس حبت اعملك القهوة بأيدي اتفضلي ومتزعليش من نوهير دايما بيسبق الاحداث

اخذت منها فنجان القهوة وارتشفت منه رشفة صغيرة وقالت"

تسلم ايدك زي السكر ومظبوطة بس اسفة مش هقدر اكملها لاني اتاخرت جدا علي مناوبتى إن شاء الله المرة الجاية هجي بدري  اقضي معاكي وقت اطول ،وباذن الله وقتها تكوني اطمنتي علي جوزك ورجع ليكم بالسلامة

واخذت حقيبتها واؤمات براسها لنوهير قائلة"

شكرا لحسن ترحيبك بيا يا نوهير باشا،  لولا إن بعز ولدك الدكتور فهمي كأستاذ لي ولاني ضيفة عند مدام فدوى سكت لولا كده كنت عرفت ارد عليك كويس علي اهانتك لشخصي

ثم تجنبته لكي تخرج واستدرات والقت نظرة علي نضال وقالت بايغاظة"

اشوف علي خير يا حضرت الضابط واتشرفت بمعرفتك 

وودعت بعدها فدوى وغادرت المكان 

نظرت فدوى الي نوهير بضيق وصاحت فيه غاضبة"

انت مين ادالك حق تكلم ضيوفي بالشكل ده، نوهير انت صحيح اخويا وسعيدة ان في حد من دمي بيخاف عليا، لكن مش لدرجة تحرج ضيوفي لا يا نوهير انت زودتها اووي

رمق نوهير نضال الصامت والمترقب لما يحدث بينهم بهدوء ازعج نوهير الذي صاحت به فدوى أمامه فرد عليها بثقة"

لا يا فدوى حقي، لما حد يستغل طيبتك وحنانك لازم ادخل واعرف كل واحد قيمته وحقيقته قدام نفسه

المقدم نضال استغلك وسمح لنفسه يعمل من فيلتك مكان

لمقابلاته متحاوليش تقنعيني ان الدكتورة مايسة صديقتك

لان سبب وجودها هنا كان  علشان نضال وخيردليل لما جيت لقيتهم لوحدهم انكري لو تقدري 

هز راسها بعدم الرضا ولاكت فمها بضيق "

مش هنكر ولا هبرر با نوهير، لان ده تدخل منك غير مقبول 

بلاش تخليني اقولك  ان ده بيتي وانا حرة فيه

ياريت تمشي دلوقتي مش عايزه الخلاف بينا يتسب في زعل 

كبير اكثر من كده وانت عارف معزتك عندى قد إيه

غامت عين نوهير بضيق وتجسدت علي محياه ملامح الغضب المزوج بالحزن لموقف فدوي منه واقدامها علي طرده بطريقة شيك فشعر بالاحراج من نضال المزهو بنفسه لانتصاره عليه

فطالعها بحدق ورد عليها بحسرة"

شكرا يا بت عمي انك بتطرديني من بيتك لخوفي عليكي 

ام انت يا نضال نهاية خدمتك في الجيش والمهمة هيكون علي يدى لانك غير أمين علي عملك ولا محترف 

وان غدًا لناظرة قريب وغادر مسرعًا دون ان يلقي السلام

 ••••••••••••••••••••••••••••••••••••••••••••••••••☆

بعد خروج نوهير غاضبًا ظلت فدوى تنظر الي الباب طويلا

وعمت الصمت المكان لفترة الي إن قطعه نضال قائلًا"

اسف اني اتسببت في زعل بينك وبين نوهير باشا ، الغلط غلطي  مكنتش لازم اقبل بضغط مايسة علشان تقابلني 

انا اسف مرة تانية واوعدك متتكررش

استدارت علي عاقبيها ونظرت اليه بحدة وسالته بغضب"

انت ليه معرفتنيش  إن سمير رجع للعمليات الخاصة تاني

ليه داريت عليا وياتري هو عارف بوجودك هنا وجاي بالاتفاق معاه ولا تم اختيارك  للمهمة بالصدفة

اخذ نضال نفس عميق واشاح بنظرة بعيد عنها قائلًا"

انا معنديش السلطة  باني ابلغك بعودته لاعمليات الخاصة،لانه عاد لمهمة محددة، وكل همه كان ينهيها قبل ما تعرفي علشان قسمه معاكي، لكن حصل اللي حصل

وام ايه سبب رجوعه او ليه ياريت تنتظري رجوعه وهو هيوضح ليكي كل حاجه

وصدقيني لو هو عارف اني المسؤول عن امنك ده هيطمنه جدا لان اللي بينا انا وسمير اكبر من وصفه او تعريفه

واقبلي اسفي لان مايسة صدمتك بحقيقة رجوعه للعمليات

واتاكدى لو رجع فاكيد علشان مصلحتك قبل شغف ووفاءه للبلد لان حبه ليك كان دايما السبب في اخذ قرارته المصيرية

افتكري سبب قبوله قيام بدور الهلال كان علشان انقاذك

و سبب قبوله العمليات الخاصة في الاسكندرية كان بسببك للبحث عنك، حتي لما خرج بره البلد كنت انتي السبب، القاء نفسه بالتهلكه كعقاب لنفسه لهجره ليكي

اللي عايزة اوصله ليكي ان سمير شايفك دنيته اللي بيحب يحياها وعايش ليها ياريت تفتكري كله ده لما يرجع وقبل ما تزعلي منه وتلوميه  اسمعي منه هتفهمي كتير

صمتت فدوى لبرهه وهي تحدق به بقوة وتتفحصه كانها تراه لاول مرة وقالت بعد تنهيدة طويلة وعميقة"

ياه دا انت طلعت تعرف كل حاجة عن سمير يمكن اكتر مني 

لدرجة حسيتك هو اللي بيتكلم

ثم أغمضت عيناها لتهرب من بين مقلاتاها دمعة حزينة وقالت له بتروي"

لو كان سمير كلمك عن نفسه وعرفت عنه  كل ده، كنت لازم تعرف اني محدش بيفهم سمير ويقدره قدى، ومن غير ما تقول انا كنت هسمع ليه وهسامحه حتي لو مقتنعتش بمبرراته عارف ليه لانه عشيق روحي وقلبي 

لو رفضت اسامحه او زعلت منه هما مش هيسمحوا بده وهيعصوني ويتمردوا عليا لحد ما اخضع ليهم ولسلطانه عليا

اطمن يا حضرت الضابط صديقك في امان معايا بس يرجع ليا بالسلامة وانا اللي هطلب منه السماح مش هوه 

اطبق نضال جفناه بحسرة ونكس راسه ارضًا ورد عليها بصعوبة جعلت كلماته غير مفهومه "

باذن الله هيرجع بس يارب يسامحني علي خداعي ليكي وتسامحيني علي خيانتي لنفسي معاكي 

وصمت فجاة وهو ينظر اليه بطريقة غامضة لا تبشر بخير

ابتعدت عنه فدوى بقلق من نظرات الحادة إليها شعرت بالخوف من عيناه التي تحوم عليها بشكل مريب وسالتها باستغراب عن مغزي كلامه الغير مفهوم قائلة"

مش فاهمه خداعك ليا في ايه وخيانة ايه اللي خونتها لنفسك ، مقدم نضال انت تقصد إية بكلامك ده وليه نظراتك المريبة دي

غامت عيناه بشكل خطر فجاة ودنا منها بسرعة لم تستوعبها فدوي الا وهي بين ذراعاه التي عانقتها بقوة....؟!

 ••••••••••••••••••••••••••••••••••••••••••••••••••☆

يتبع.....

الفصل الثالث عشر من هنا