رواية المؤامرة ( الفصل السادس) الجزء الثاني من رهبنة فراشه

المؤامرة

رفضت الواقع 

البارت السادس

 ••••••••••••••••••••••••••••••••••••••••••••••••••☆

علي ذكر طارق بأن فدوى كانت زوجة للارهابي وليس سمير من كان يعيش بينهم،كان له اثره العميق في محاولتها الرجوع من غياهب الظلام الذي تقع فيها، لهذا اردت العودة إلي الواقع لتصرخ فيهم بأن جسدها لم يدنس وانها لم تكن يومًا لغير زوجها الحبيب، حتي ان صدقت عيناها،كيف تصدق انها ليس سمير، عشيق طفولتها وصباها، اذا كانوا هم علي صواب اذا

أين قلبها  واحساسها الذي لم يخونها يومًا وجعلها لا ترتاح الإ له ولم تسمح لاحد يلمسها الا هو

لقد كرهت جسمها ونفسها سنوات حين ظنت انها دنست وعاقبت نفسها بحرمانها منه حتي لا تدنسه معها

اذا كيف تقبلته وتركت له جسدها يستبيحه حين عودته اليها وهو غاضب منها لظنه فيها انها خانته، إلا اذا كان زوجها رفيق روحها وعشيق قلبها سمير 

كيف ارتاحت له وسلمت نفسها اليه لكي تطفئ نار شوقه اليه، الا اذا كان هو من كانت ولن تكون لغيره طوال عمرها 

يا الله اين العقل الذي يقول انها خدعت في عيناها واحساسها وجسدها الذي يستهوي لمساته، وتصدق كلام لا يمت للحقيقة بصله الا اذا كانت مؤامرة تحاك عليهم

اثناء صراعها مع نفسها لكي تعود الي وعيها ، سمعت صوته الحنون الرقي  رغم قوته وحدته يترجاها ان تعود اليه لتكون سنده وعزوته وتظهر براءته لان بعودته حياته كم هو حياتها 

واكد احتياجه اليها باجتياحه جسدها في عناق قوى وشغوف واعقبه بقبلة امتص فيها روحها  المستسلمة للهواة اللاوعي

انقطعت انفاسها وهو يقبلها  ويلتهمها بقوة، 

تركها فجاة لكي  تسترد انفاسها وتسعيد روحها التائهة بين دروب الضياع،كانت قبلة قبلة الحياة فردت بها روحها وصرخت بقوة تناديه ان يعود الي احضانها قائلة"

سمير سمير سمير حبيبي متسبنيش

فتحت عيناها بقوة تحدق فيما حولها والجهاز الذي بجوارها يصدر ازيز عالي جعلها ترتبك ونفضت عن جسدها كل الاسلاك وقامت من فراشها فجأة لكن خانتها اعصابها فأنهارت ارضًا واخذت تصرخ بألم وتنجيه"

روحت فين يا سمير تعالي انا مصدقاكك انت حبيبي وروحي ودنيتي انت زوجي وابو ولادي ومليكي 

حاولت النهوض ثانيا فامسكها عمها وطارق وساعدوها علي النهوض وعادوا وارقدوها علي الفراش ومن وراءهم رات هيفاء ونوهير الذين اتو مذعروين علي صوت الانذار، نظرت الي صديقتها باعياء وحزن وقالت لها بنحيب"

شوفتي يا هيفاء، الحزن حالف ما يسيبني وعايز ياخد مني عمري وراحة بالي وهنايا ويبعدني عن عشقي وحبي،

قوليلهم يا هيفاء مين اللي كان عايش معايا،قوليلهم عمرك شفتي حد عشقني او خاف عليا زي سمير، 

اللي كان خاطفني محستش بيه كانه طيف لشخص لكنه مش روح ولا احساس سمير، كانت عيونه ميته وملهوش حضور، ايوه الصدمة مخلتنيش اميز،لكني دلوقتي متاكدة ، سمير اخر كلمه قالها ليا قبل ما يختفي نوهير كشفني ولازم انتقل للخطة البديلة لكن اللي كان مع الخاطفين بعدها مش سمير والله ما سمير،اقسم ليك يا عمي انه مش سمير ده كان انسان جامد لا احساس ولا شعور ولا روح كانه كانه كانه ص

ضمتها هيفاء بقوة ونظرت الي عمها وقالت بقلق"

عمو شوف حل خليها تهدى، انا مش عارفة هتستوعب اللي حصله ازاي ده بشع بشع ياريتني ما شفت اللي شفته

امسكتها فدوى من كتفها وهزتها بقوة"

هو اية اللي بشع، انه مات وكلاب النجع كلوه زي ما قال المجرم عجمان، مستحيل عارفه ليه لان سمير كان هنا ايوه لسه احساس ايدها علي جسمي وهو بيضمني لصدره، لسه حساها سمير عايش فاهمين،وهيرجع وهيعرفكم انه لا خاين ولا الهلالي ولا ابو هند،لاني انا بس رهينة فراشه ومستحيل يكون لمس او اشتهي  حد غيري فاهمين

وتصرخ بقوة فيهم تريد ان تزيل عن ملامحهم نظرة الشفقة عليها وعلي حالها وقالت"

سمير حي والله سمير حي والله سميررررر حيييي

كان المهدئ الذي قام فهمي بوضعه لها في المحلول اتي فعله ونامت وهي ترددد بلا كلل "

سميرررررررررر حيييييييييي

اجهشت هيفاء بالبكاء والقت راسها علي صدر طارق واردفت"

ليه فدوى من دون الناس كلها يحصلها كده، ليه دايما الحزن نصيبها والحرمان مكتوب عليها ،جنت ايه في حياتها علشان تعيش العذاب ده تاني والفراق تعيشه من جديد

تنهد عمها الذي كان يملس علي شعرها بحنان قائلًا"

ده نصيبها يا هيفاء،ومحدش بيهرب من نصيبه وكمان كل شدة فيها حكمة، رغم كل الصعاب اللي مرت بيها لسه قوية وايمانها قوى وبتحارب وهتفضل تحارب بلا ياس،

احنا جه دورنا دلوقتي في اننا نخفف عنها ونساعدها تمر الفترة دي بسلام  علشان خاطر ولادها

كفكفت هيفاء دموعها ونظرت الي طارق الصامت والناظر الي نوهير بغموض وسالته"

في إيه يا طارق انت ونوهير حساكم مش مصدقين احساس فدوى بان سمير  عايش وهيرجع وان اللي كان معاها جوزها وابو ولادها مش الارهابي 

ضمها طارق الي صدره وقال لها مفسرًا "

يا هيفاء كل الدلائل بتقول ان جوزها مات، مش هي دي المشكلة لكن المشكلة الحقيقة، مين اللي كان معانا طول الفترة اللي فاتت واتضح من التحليل انه والد هند، ياتري سمير ويكون علي علاقة بزوجة الارهابي وده هتكون  كارثة بان سمير نفسه خاين،ولا الارهابي واستغل شبة سمير ودي مصيبة لان معني كده فدوى كانت عايشه في الحرام مع راجل غريب عنها، ولو هو مش سمير ليه فضلوا باقين علي حياته طول الفترة اللي فاتت وقتلوه بعد ما خطفوا البنت

في حاجة مش مفهومة وبالذات ان التحاليل اثبت ان روح ومالك اولاده ونفس الوقت هند بنته اللي هو ازاي 

في حلقة مفقودة  في كل ده وسمير بس هو الوحيد القادر انه   يوضح لكن للاسف مات ومات معاه سره االي هنعيش معاه في العذاب  وحيره كلنا بسببه، واولهم فدوى اللي هترفض الاعتراف بخيانة سمير لو هو هو جوزها وابوهم كلهم او خيانتها لنفسها لو هو الهلالي وعاشت معاه بالحرام، بجد انا تعبت ومبقتش عارف ده كان مين سمير وكان خاين  ولا  الأرهابي اللي عاش حياته علي انه هو 

اخذ نوهير نفس عميق واجاب طارق قائلًا"

كل ده هنعرفه من تحليل جثة سمير، وجثة الهلالي اللي كانت  اتسلمت علي انها جثة شهيد من شهداء الانفجار،  وتبقي كارثة لو مكنش هو او الهلالي لان معني كده لاما سمير لسه معاهم وتحت ايدهم ،لاما تكون خطة بتتلعب علينا وسمير عايش  وسطينا بس بشخصية تانية، وغيرها لما أنكشف ودي يبقي كلامه عن الخطة البديلة اللي قال عنها لفدوى قبل ما يختفي

وساعتها انا اللي هجيبه وهقطعه بأيدي للكلاب بجد

ربت فهمي علي كتف ابنه وقال له مهدئًا "

اهدى يا نوهير شك في ان سمير خدعك وخدع الكل، فيه ظلم كبير علي شخص كان وسطنا مثال للاخ والزوج والصديق ثم حقدك عليه هيعمي بصيرتك عن الحقيقة ان في مؤامرة حصلت بس مش من سمير لكن عليه 

فوق يا نوهير وارجع لنفسك وفكر بعقلانية بلاش تسمح لمشاعرك تحركك لانها هتخدعك  في سبيل خدمة اهواءك  

سمع الجميع سقفة قوية اعقبها صوت نضال الاجش يقول"

طول عمري بقول كده يا دكتور فهمي الشخص اللي ينساق وراء اهواء هينسي مبادئة وهيخسر كتير....

وجال بنظره عليهم بريبة وتعجب واكمل"

اتمنا جمعكم يكون للاطمئنان علي المدام وميكونش في حاجه حصلت اثناء غيابي  خليتكم هتتجمعوا هنا 

وقف امامه نوهير قائلًا بعصبية"

ايوة حاجات كتير حصلت ولسه هتحصل لكن اهم حاجه محتاج تعرفها ان فدوى فاقت يا حضرة الضابط 

القي نظرة بعينه علي جسد فدوى المسجي بالفراش وقال"

مش باين انها فاقت ولا انا فاتني حاجة ومش واخد بالي

ضحك دكتور فهمي وقال له مؤكدًا"

لا فاقت بس دخلت في هياج عصبي ورفض للواقع، واضطريت اديلها مهدئ وبانتظار تفوق باي وقت،ياريت الكل يتفضل وافضلي انت معاها يا هيفاء هي بتثق فيكي وبتامنك 

وهترتاح في وجودك

وانت يا حضرت الضابط ياريت تكون قد المسؤولية اللي كلفت، ومتسبهاش لوحدها تاني لانها كانت بتحاول تخرج من الاوضة لما فاقت وانت وعدتني انك هتكون ليها كظلها 

اعترض نوهير بغيظ قائلًا"

يعني إيه كظلها، هو احنا مش هيكون لينا  دور في حياتها خلاص،حضرت الضابط بس اللي هيكون مسؤول عنها وعن حمايتها لاء يا بابا انا مش هتخلي عن دوري لحد انا اخوها واولي الناس اقف جمبها واحميها

تدخل طارق في الحوار وقال"

يا نوهير محدش يقدر ياخد مكانك في حياة فدوى، بس فعلا الامر صعب زي ما انت قولتلي ووصفته ولازم يكلف حد بعيد عننا بحمايتها، لحد ما تتكشف الحقيقة ونخلص من الكابوس ده انا مع خالي الضابط نضال من الواضح انه شخصية قوية وعنده سرعة بديهة وانا توسمت فيه خير،واكيد فدوى معاه في ايد امينة، ياريت كنت اقدر اكون جمبها لكن للاسف مش هقدر افيدها غير في الرعاية الصحية فقط لكن الحس الامني ده مليش فيه الله يرحمه سمير كان  راجل بمعني الكلمة، من حبه ليها وخوفه عليها وحرصه عليها اكثر من نفسه

أرتسمت علي ثغر نضال نصف أبتسامة غامضة وقال "

انا مقدرش اوعد غير باللي أقدر عليه يا دكتور طارق،  ووعدي ليك ولحضرت الباشا نوهير ودكتور فهمي، انا حياة فدوى واولادها مقابل حياتي لو حد فكر يأذيها وده عهد عليا قدامكم اتحاسب عليه لو اخليت بيه،

رمقه نوهير بنظرة غامضة وحاقدة لا يعرف سببها وقال"

وانا واثق فيك وبخبرتي متاكد انك اهل للمهمة المكلف بيها ياحضرت الضابط، بس لو حصل انك تركت موقعك بدون سبب انا اللي هخليك تخلف بوعدك ووقتها هتعرف ازاي

ابتسم نضال بثقة وزهو وقال"

انا فاهم قصدك بس تقدر تسال مدام هيفاء طلبت منها إيه  قبل ما امشي،طرق امر ضروري واضطريت امشي ومتاخرتش،

لكن لاني بتحمل مسؤولياتي اوعدك  مدام فدوى مش هتغيب عن عيني من النهاردة، ومدام فاقت يبقي مهمتي ابتدت فعليًا 

عن اذنكم هرتب اولويات شغلي  علي ما تخلصوا زيارتكم 

وغادر قبل ما يسمع رد احد عليه القت عليها هيفاء نظرة ثاقبة وظلت تتابعه بعيناها الي ان اختفي وقالت "

إيه ده شخصيته غريبة وليها هيبه انت تعرفه يا نوهير باشا من الواضح انه راجل صعب المراس وليه دينامكية وحضور طاغيه وهدوء يدمر الاعصاب بيفكرني بسمير في أول لقاء ليه معاه، بس ده اصعب منه عنده حده وغضب مبطن ودهاء بيداريه بعجرفة وبرود اعصاب يحسد عليهم

هما في العمليات الخاصه بيدربوكم علي إيه علشان تبقوا كده حتي حضرتك ساعات بخاف منك ربنا يعين  زوجتكم عليكم

ضحك نوهير بقوة وامسك في طارق وقال"

مراتك بتخاف مني شكل شخصيتك مش ليها هيبة معاها يا طروق الله يرحم عمو طارق كان نظرة منه تموتنا في جلدنا

غامت عين طارق ونظر الي هيفاء شزرًا"

يظهر إن الحنينة والطيبة متنفعش معاكم فعلًا جنس نمرود

هزت هيفاء راسها برفض وتصميم قائلة بندم"

والله ابدًا مين قال كده بالعكس حنانك هو سبب حبي ليك، مين قال ان الخوف بيولد حب بالعكس الاحترام المتبادل والتوافق هو الاساس السليم لاسرة سعيدة، انا كنت بشوف سمير حنون بطريقة غريبة عكس شخصيته العملية،وده سبب سؤالي بيدربوكم علي ايه،

لكن بالنسبالي حب وحنان واحترام طارق هو الهيبة ذاته بالنسبالي واساله هيقولك ازاي بقدره واحترمه وبنفذ كلمته بدون جدال لاني بثق فيه وفي مكانته عندى

وياريت يا نوهير باشا متتهربش وتفهمني ازاي شخصيتكم بتكون غير اي حد في عمل تاني ياتري ده حاجات مكتسبة ولا بسبب تعاملكم مع فئة بتدرب علي الحاق الاذي بيكم

اخذ نوهير نفس عميق وعاد ونظر الي فدوى وابتسم علي ذكري في اول لقاء له مع سمير حين قال له بروح عاشق"

ان افتداء روحك للوطن هو سبب يستحق الحياة من اجل نيل الشهادة، لكن انا حالة منفردة لان قلبي هيكون فداء لفدوى رغم وفائي لوطني هتفضل فدوى هي موطني ودنيتي اللي برتاح فيها وهي جنتي اللي بتمني استشهد ليها 

دمعت عيناه حزن والم رافضًا ان يكون هذا كلام انسان خائن يريد ان يصدق نفسه واحساسه ان سمير ليس خائن وان من عاشره طول الثلاث سنوات الماضية هو رجل شجاع اعترف بعشقه لبلده وزوجته علي السواء ووضع روحه فداء لهم

عاد وابتسم لهيفاء وقال بفخر"

هقولك يا هيفاء بيدربوني علي حب الوطن والانتماء له والذود عنه بالروح والدم علشان كده كل حاجة بترخص امام رفعة الوطن وسلامة اراضيه 

هو ده اللي بيخلي قلوبنا قلب وحوش لا نهاب الموت او الحياة مهما كان في مصاعب او عراقيل 

عرفتي بيدربونا علي اية في الجيش او العمليات الخاصة

عن اذنكم انا محتاج ارتاح الجرح تاعبني جدا  ،تعالي معايا يا طارق وانت خليكي  مع فدوى هتحتاجك لما تفوق

ايده ابيه في هذا بان يجب عليه الراحه لان جرحه لم يلتأم الي الان  وخرج الثلاثة وتركو هيفاء وحدها  مع صديقتها 

ومعها ابنتها الصغيرة فريدة التي نامت علي يدها 

دلف نضال واخذها منها وارقدها علي الاريكة وطلب منها ان ترتاح اليوم مازال طويل وفي اوله

 ••••••••••••••••••••••••••••••••••••••••••••••••••☆

عاد نوهير  الي غرفتة ومعه طارق الذي افاض إليه بكل ما يختلج بداخله من توتر وقلق بسبب الخطر المحاط بفدوى"

طارق انا قلقان علي فدوى ولما بقعد افكر كتير وافتكر مواقف سمير معايا  بشك في حاجات كتير حصلت، وبتااكد ان في مؤامرة اتعملت علي سمير لانهاء حياته وسمعته وكسر فدوى نوع من انواع الانتقام النفسي اللي بياذي الروح قبل اذية الجسد بس ازاي والحقيقة فين هو ده اللي تاعبني 

ده غير ثقة نضال وطريقته واسلوبه مش مريحنا كانه بيملك كل خيوط اللعبة ومسيطر علي كل حاجة وده شئ  غير مطمئن لان الثقة الزيدة بتدل علي خلل كبير في الاختيار

علشان كده طلبت من صديق ليا في ادارة المخابرات العامة سحب ملفه الاصلي بكل تفصيل حياته للاطلاع عليه يمكن افهم منه سبب ثقته بنفسه وشخصيته المسيطرة بغرور

يمكن ارتاح واقدر اتقبل وجوده جمبها بدون قلق عليها

تنهد طارق بضيق ورد عليه قائلًا"

بصراحة انا حزين علي فدوى مش عارف هتعيش امتي سعيدة ومرتاحة زي كل البنات اللا في سنها

صدقني يا نوهير انا كنت بتمناها زوجتي وشريكة حياتي، لكن عشقها لسمير وعشقه ليها خلاني استسلمت لقدري بانها مش نصيبي والحمد لله ربنا عوضنا بهيفاء

لكن هتفضل فدوى حلم مستحيل عمره ما هيتحقق، متقلقش من نضال عليها لان وفاءها لسمير مستحيل حد يقدر يغيره

او يزحزحها عن عشقها وايمانها بيه

لو عايز تخاف فعلا خاف عليها من جلد نفسها وعاقبها ليها فدوى لو شكت واحد في المليون ان اللي كان معاها الهلالي هتدمر وهتضيع ويومها هنفقد فدوى بجد

ارجع نوهير راسه الي الخلف ورفع وجهه الي السماء وقال بالم مكتوم يدمي قلبه الحزين "

مش هسمح لفدوى تضيع منا لو مش علشان اولادها ونفسها، علشان وعدى لصديقي اللي اتحرمت منه وحاسس ان يوم نلتقي سواء دنيا او آخرة هيحاسبني عليه وانا مستحيل اخذله او اكسر وعد عليا

جلس طارق امامه وجذبه اليه وعدل راسه وساله باهتمام"

نوهير كلامك بياكد ان سمير هو اللي كان معانا وعايش مع فدوى، معني كده ان في حاجة حصلت لكل اللغط ده 

يبقي زي ما هيفاء قالت ان في مؤامرة اتعملت علي سمير والمقصود بيها تشوية عمله البطولي وتاريخه في خدمة الوطن وبعد ما ينتهوا منه يتهموه بالخيانة ح

ضاقت حدقتاه بغموض وقال"

ايوة يا طارق انا واثق ان سمير هو اللي كان معانا ومش بعيد خطفوه مع اختطافهم لفدوى وهند، علشان يطمسوا الحقيقة

انا بخدع الكل حتي بابا وفدوى، لاني حاسس ان سمير عايش ومحتاج ليا وانا هكون عون واخ وصديق زي ما عهدته

هشتغل لوحدى علشان ملفتش الانتباه لحد ما اظهر الحقيقة

واعرف ازاي سمير والد هند  ومين الخاين اللي اتامر عليه وباعو لاخو الهلالي  والأرهابين 

محتاج ليك جمبي يا طارق لان في تحاليل هكون عايز نتجتها وعن ثقة ومعنديش حد اثق فيه غيرك بعد سمير

لازم ناكد للكل اننا معاهم في تفكيرهم لحد ما نظهر الحقيقة الكاملة ونرجع سمير لفدوى اللي واجبنا نحافظ عليها 

هتحط ايدي في ايدك يا طارق ولا شايف انها مسؤولية صعب تحافظ علي كتمان سرها الي حين ياذن الله

وضع طارق يده في يد نوهير وشد عليها بقوة وقال"

انا معاك لحد ما يرجع صديقك وجوز اختنا اللي بقدر حبه ليها 

وعشقه لوطنه وفدائيته البطولية 

ايدى في ايدك يا نوهير واعتبرني زيك من النهاردة جندى مقاتل في خدمة الوطن ورد الحق لاصحابه

ضمه نوهير لصدره وشكره لثقته به وكتمان سرهم عن اقرب الناس اليهم واولهم زواجاتهم وفدوى اختهم بالدم والقرابة

 •••••••••••••••••••••••••••••••••••••••••••••••••••☆

دخل الليل عليهم وهيفاء مازالت في غرفة فدوى لم تبارحها تنتظر افاقتها لتكون معها مر عليها طارق واخذ ابنته وعاد الي الفيلا ليطمئن علي امه واخته مشيرة واولاد فدوى، فطلبت منه هيفاء المبيت معاها

كل ذلك ونضال لم يفارق غرفتها ويراقب الوضع من بعيد بدون ادني تدخل منه  

ومع اسدال الليل ستاره لم تستطيع هيفاء مقاومة رغبتها في النوم فاغفت وهي جالسه دون ان تشعر 

ام فدوى فقد استيقظت علي صوت حبيبها وهو يقول لها"

وحشتيني يا فدوى وحشتني عيون وهي بتلمع ببريق العشق والحب وتورد خدودك بالحمرا اللي اسرتني

افتحي عيونك نوري ليلي المظلم وحياتي القاتمة من غيرك 

فدوى بحبك ثم لثم شفتاها بعذوبة ورقة وحنان كعهدها به

ابتسمت فدوى ولمست شفتاها التي لثمها وانتفضت بقوة واتسعت حدقتاه عن اخرها وصاحت بهلع"

سمير سمير انت فين

انتفضت هيفاء فزعا من نومها واقتربت منها لتمنعها من النهوض واحتضنتها بقوة وقالت"

اهدى يا فدوى راحه فين سمير مش هنا

هزت فدوى راسها بقوة برفض وقالت بتصميم"

انت بتكذبي عليا سمير كان هنا لسه حسا بطعم بقبلته ليه عايزين تحرموني منه فين سمير يا هيفا ردي فين حبيبي وجوزي وابو ولادى وكل دنيتي

ضمتها هيفاء الي صدرها واخذت تبكي حسرة والم عليها وقالت محاولة ان تعقلها وتهدأ من روعها"

والله يا فدوى محدش هنا غيري انت لسه مش مصدقه ان سمير مات، وكل اللي بتحسيه ده حلم عايشه فيه

اخذت تهز راسها بقوة بعنف لا تريد ان تصدق ان كل ما تشعر به مجرد وهم ولم يكن حقيقة لتقع عيناها علي ظل قرب النافذة صرخت وقالت بتوتر"

اهوه سمير اهوه شايفه مش حلم ده حقيقه قرب ياسمير قولها انك حي ومش هتتخلي عني تاني وتبعد سنين

اقترب من الظلام الي بؤرة الضوء لكي تراه جيدًا قائلا بهدوء"

أسف يا مدام فدوى بس فعلا محدش هنا غيرنا،وكل كلامك عن ان زوجك معانا ما هو الا حلم مستحيل لان زوجك اصبح شهيد ودي الحقيقة اللي لازم تتقبلها رغم بشاعتها

حدقت فيه فدوى بقوة وصاحت به وهي تنظر الي هيفاء بتساول وحيرة"

مين ده وليه شفته في الضلمة سمير،صوتك منفر لكن شكلك وهيئتك زي سمير  رغم مفيش ادني لتشابة بينكم 

انت مين وبتعمل هنا اية واوعي تقول ان سمير مات حتي لو حقيقة انا برفض اقبلها طول ما قلبي بينبض بحبه فاهم

ابتسم علي مضض وقدم له نفسه برسميه "

انا المقدم نضال الرفاعي المسؤول عن حمايتك وبتمني تستعيدى صحتك بسرعة لان وجودك في المستشفي لوقت طويل في خطر عليكي وعلي اولادك

ياريت يا مدام فدوى تساعديني اقوم بمهاهم عملي واكشف الخائن واعثر علي الارهابين اللي قتلو جوزك وبيهددو حياتك وحياة اولادك، قبولك لحقيقة موت زوجك اول خطوة في نجاح خطة تأمينك والوصول بسرعة للارهابين

انا قلت اللي عندى واظن لا شكلي او صوتي ليهم دخل بمهارتي في حفظ امانك وتنفيذ مهمتي

عن اذنكم هترك ليكم المجال تتكلم بحرية انا هقف علي الباب لحد ما تخلصو كلام 

غادر وعيون فدوى الباكية تلاحقه وصرخت من اعماق قلبها بجزع وانهارت في حضن صديقتها قائلة"

ليه عايزين مني اصدق موته وانا حساه جمبي وروحه حواليا

ليه عايزين يقطعوا فيا حبل الامل برجوعه ليا،  انا بموت يا هيفاء من مجرد  التفكير بس اني هعيش عمري محرومه منه

ياريتني اموت هيكون ارحم من حياتي اللي مليش هدف فيها حتي اولاده مش هيعوضوني حنانه ولا حبه 

انا عايزه سمير قوليلهم يرجعوه انا واثقه انه هيرجع لانه موجود انا مش بحلم انا بحسه والله بحسه وبحس لمساته

ربتت هيفاء علي ظهرها بقوة وكفكفت دموعه وقالت تواسيها وتهديها بحنان وعطف"

اهدى يا فدوى اللي جاي صعب ولازم تكوني قوية قبولك الحقيقة او رفضها مش هيغير من الواقع شئ، لكن لو بتحبي سمير بجد ساعدي نفسك واولادك  بالانتقام من اللي قتلوه

لازم ترجعي وبسرعة علشان تاكدى ليهم انك زوجة لبطل وحقك هتاخديه منهم لانه يستاهلش دمه يروح هدر

اخذت فدوى تنتخب وبقوة لا تريد ان تصدق انها فقدت تؤام روحها وحبيب عمرها ورفيق صباها الي الابد الي ان غفت وهي تبكي، ومر يوم والثاني وكل من طارق وهيفاء وعمها ومشيرة وعمتها ونوهير يحاولوا معها لكي تتقبل الحقيقة المرة

وبعد اسبوع تحسنت حالتها وعادت الي الفيلا وكانت بداية حقيقية لفرض نضال سطوته عليها وعلي اولادها

فكان يلزمها ولا يترك لها مجال ان تغيب عن عيناه لحظة، الا وقت النوم وساعات كثيرة كان يسمح لنفسه ان يفتح غرفتها بالليل أثناء نومها لكي يطمئن عليها كم كان يفعل مع اولادها

ام نوهير فعاد الي عمله و حضر اليه صديقه الذي وعده باحضار الملف الخاص للضابط نضال من الادارة "

ما ان حضر اليه اخذ منه نوهير الملف بلهفة وبدا يقراء كل ما يخصه من يوم انضمامه الي المخابرات الحربية الي  الان وقال بصوت مسموع وهو يقراءه"

الاسم نضال حسن الرفاعي  مواليد يناير  ١٩٨٥ يعني تقريبا تم ال٣٥ سنه من شهور متزوج من ٨ سنوات بعد التحاقه بالعمليات الخاصة بشهور قليلة 

التحق بالجيش بعد تخرجه من الكلية الحربية في عام  ٢٠٠٧

وتم اندابه للعمليات الخاصة سنة ٢٠١٢ بعد الثورة لاحتياج الادارة العامة بالمخابرات الحربية في العمليات القاتلية التي واكبت الثورة الثانية والخطر الذي كان يهدد البلاد

غير قوته البدنية وذكائه القتالي ومرونته تفوق في قراءة لغة الجسد وهذا ما اعطاه حظوه علي اقرانه في جميع مهماته

تزوج من الدكتورة مايسة محمود الشهاوى بعد تلقيه اصابة في حد العمليات وكانت هي المشرفة علي علاجه وقتها 

لدية منها طفلان  زياد ٧ سنوات وزينة اربع سنوات..

هز راسه براحه لتوافق ما قال وراه بنفسه فيما جاء بالتقرير 

واخذ يقلب في الملف ليعثر علي  خطاب مكتوب عليه سري للغاية قام بفتحه رغم رفض صديقه ذلك حتي لا يتهم بخيانة الامانة اذا اكتشف انه اخرجه بدون اذن  رسمي 

وقراء ما فيه وكانت صدمة لم يكن يتوقعها لان الخطاب كان  موجه الي سمير من ادارة البحث الجنائي

وبتوصية خاصة من اللواء والقائد المسؤول عن تجنيد سمير وانتدابة إلي المخابرات بعد حادث استشهاده المزيف 

لهذا تم اجراء هذا البحث  تحت اشرافه وبمعرفته لكن ما حيره وجوده هذا التقرير  في ملف الضابط نضال 

رفع عيناه عن الملف ونظر الي صديقه وابتسم بتهكم وساله"

معني كده نضال يعرف سمير كويس جدا وبينهم صصداقة وثقه لدرجة بعطيه تقرير خطير زي ده ، كده بدات افهم سبب تمسكه بالمهمة واصراره عليها ومين اللي رشحه ليها وده واضح  لان زوجة نضال تبقي بنت ......؟!

 ••••••••••••••••••••••••••••••••••••••••••••••••••☆  

يتبع.....

الفصل السابع من هنا