الفصل الخامس (المؤامرة) من الجزء الثاني من رهينة فراشه

المؤامرة

خداع ام حقيقة

البارت الخامس 

 ••••••••••••••••••••••••••••••••••••••••••••••••••☆

تجلس بجوارها مشيرة وقد امسكت يدها واخذت تملس علي شعرها بحنان وتكلمها بحب"

فدوى حبيبتي عارفة ومتأكدة انك سمعاني، ارجعي يا فدوى انا محتجالك ما صدقت بقى ليا اخت من دمي تحبني  واحبها  بجد،  نفسي  أولد ابني أو بنتي وانتِ معايا وعدتيني تكوني جمبي وتساعديني في تربية ولادي بسهولة كده هتتخلي عني

خانتها عبراتها ونزلت تجري علي صفحة وجهها، مدت يد صغيرة تمسح وجهها وتحتضنها قائلة"

ماما عمتو فدوى هتقوم صدقيني بس  الجهاز الأرقام بتعلى فيه كل ما تتكلمي

ضحكت مشيرة وحضنت ابنتها الجميلة جودي بقوة وقالت"

علشان هي حسا بيا لما بكلمها بتعبر عن انها سمعاني  بانتظام ضربات قلبها فهمتي ليه الجهاز بتعلى فيه الأرقام

بس زي ما قولتي يا جودي إن شاءالله تقوم لينا بالسلامة يلا تعالي نروح نشوف بابا قبل ما نروح 

وضعت يد فدوى بجوارها وقبلت راسها وقبل ان تهم بالخروج رآت نضال بخارج الغرفة يختلس لهم النظر

فتأكدت انه ترك زوجها،اخذت بيد ابنتها وخرجت تسأل"

حضرة الظابط نضال لو سمحت عملت ايه مع نوهير وفدوى ازاي هنصارحها باللي حصل لسمير 

طالعها نضال بحيرة وابتسم فجأة في وجهها"

اظن انتِ اخت الدكتور طارق لو تخميني صحيح يبقى اكيد هتفهمي هطلب ايه

مدام فدوى محتاجة ليكي كأخت وكمان محتاجه لمدام هيفاء زوجة اخوكي دكتور طارق، ده دوركم لازم تساعدوها تستوعب وتعرف باستشهاد جوزها  لان ده هيوفر علينا خطة حمايتها لكن لو فضلت متوقعة اللي كان معاها جوزها يبقي احب ابلغك ان روح ومالك الاتنين في خطر 

اخذت مشيرة نفس عميق و قالت بحزن"

صعب اووي يا حضرة الضابط انت متعرفش فدوى كانت بتعشق سمير ازاي واتعذبوا لحد ما بقوا لبعض، انا نفسي لحد دلوقتي مش مستوعبة ان اللي كان معانا حد تاني غير سمير، ده كان بيعشقها بجنون وهي كانت سعيدة جدا معاه أكيد في حاجه غلط انا مستحيل اكذب احساس فدوى

تنهد نضال والقي نظرة علي غرفة فدوى وقال بملل"

للاسف كلامك بيأكد اني هتعب في اقناع المدام بالحقيقة، وكده هتعب جدا في حمايتها ياريت يا مدام مشيرة تساعديني اكثر من كده انا لوحدى مش هقدر احميها بالشكل ده

لازم مدام فدوى تتاكد ان جوزها مات علشان تقدري تستوعب درجة الحماية اللي هقوم بيها لانقاذها من الخطف او الاغتيال 

هي وأولادها انا عرفت نوهير باشا مهام مهمتي، وانتو عليكم تساعدوني  لانها فعلا محتاجه الحماية من  شر كبير بيحيط بيها، انا مضطر استاذن علشان اجهز المكان هنا والفيلا للتأمين فبعد أذنك انا هروح الفيلا لان الأولاد ليهم نفس درجة الحماية ويمكن ازيد الحماية علي الطفلة روح لانها هدف رئيسي ليهم ولينا 

زفرت مشيرة بحزن وأردفت "

تمام يا حضرة الظابط اتفضل، ماما هتلاقيها مع الاولاد وياريت بلاش تصدمهم في موت ابوهم لسه صغيرين علي الفهم واستيعاب الحقيقة المرة، وانا هتصل بهيفاء اخليها تحضر بسرعة علشان نكون جمب فدوى لما تفوق 

واوعدك اني اساعدك مهمتك مدام ده لمصلحة فدوى 

اؤما لها بإمتنان وتركها وانصرف فدخلت الى غرفة نوهير الذي غفا بعد خروج نضال من عنده فقبلت جبينه واخذت ابنتها وذهبت الي ابيها ليغادروا سويا

 ••••••••••••••••••••••••••••••••••••••••••••••••••☆

 وصل نضال الي الكمبوند الذي تسكنه فدوى ودخل بعد ان عرف نفسه للأمن فسمح له بالدخول ، طرق باب الفيلا فتح له مالك ونظر اليه بتعجب وسأله قائلا"

انت مين وعايز إيه

نزل نضال الي مستواه وقال بمودة"

 اكيد انت مالك اعرفك بنفسي انا المقدم  نضال الرفاعي  صديق شخصي لوالدك الشهيد سمير فؤاد

ابتعد عنه مالك بحدة وصاح فيه قائلًا"

حضرتك غلطان في العنوان ده بيت المقدم سمير فؤاد وليس الشهيد فاهم بابا عايش يا حضرت الضابط

ابتسم نضال واعطي لها التمام بمزاح لكي يكسب ثقته"

تمام يا فندم علم وينفذ، احب اقدم نفسي من جديد انا نضال الرفاعي صديق لوالدك المقدم سمير فؤاد ،ومكلف من الادارة لحمايتك انت وأسرتك لحين عودة والدك بالسلامه تمام كده

اتسعت ابتسامة مالك واندفع بلا مقدمات الى صدره واحتضنه بقوة فيما كان من نضال ان عانقه واخذه بحضن ابوي حنون 

رفع مالك رأسه من على كتفه وكفكف عبراته التي انهمرت بدون سبب وقال له"

انا بحبك اوي يا عمو، طبعا يسعدني وجودك معانا لحد ما بابا يرجع بس ادعي لماما تقوم لينا بالسلامه اتفضل معايا اعرفك علي اختي وتيتة دولت 

واخذ من يده كأنه صديق له ودخل الي غرفة الجلوس وهرع خارج يستدعي اخته و جدته 

اثناء غيابه اخذ نضال يتأمل المكان ويجول بعيناه بتفحص كل زاوية ومدخل الي ان دخلت عليه دولت مرحبة به"

اهلا بيك يا ابني فهمي اخويا بلغني انك مكلف بحماية وتأمين فدوى واولاده بس انا ليا سؤال ياريت تجاوبني عليه 

مد نضال لها يده مصافحًا وقال بجدية"

اهلا بيكي يا مدام دولت اتفضلي اسألي  انا تحت امرك 

جلست  واشارت له بالجلوس وقالت سائلة"

انت هتأمن من مين ولامتي، بنت اخويا هتفضل لامتي عايشة خايفة ومش مرتاحة، الأول جوزها ودلوقتي متهددة في بنتها وممكن ياخدو ابنها في الطريق

انا بفكر اخدها واسافر بره مصر كفاية كده عليها دي لسه شابة ومن حقها تعيش مرتاحة وتتهنى بشبابها

تنفس نضال بعمق ورد عليها بأحترافية وثقة قائلًا"

معاكي في كل كلمة، بس زوج مدام فدوى فدا روحه للوطن علشان تعيشي انتِ وغيرك امنين فيه، 

وهو ده ضريبة وفاءهم وولاءهم لبلدهم ،والبلد لا تتوانا عن رد خدمتهم للحفاظ علي حياة ذويهم 

يمكن في خطر علي مدام فدوى والاولاد وده سبب حرص الادارة علي تأمينها والحفاظ عليهم سالمين، لحد ما الخطر يزول،واوعي تتصوري بسفرك للخارج  هيأمنها شرهم بالعكس بره البلد أعوانهم اكثر وصعب السيطرة عليهم

لكن هنا  معروفين وكل خططهم  مكشوفة لينا ودارسينها كويس وبنقدر نسيطر عليهم بسهولة قبل وقوع الخطر

تأففت دولت ونظرت اليع بضيق لكن اخفت هذا عند دخول مالك وبيده اخته روح التي تقدمت نحو نضال وابتسمت له ببراءة وقالت بعفوية"

انت عمو اللي بابا بعته يلعب معانا لحد.ما يرجع

نهض نضال وركع امامها حتي يصل الي مستواها ونظر الي وجهها الملائكي البرئ وقال بحنان عكس شخصيته الصلبة"

ايوه انا اللي بابا بعته تحبي نلعب ايه القطر ولا ندخل اوضة الالعاب نجرب اللي فيها يلا تعالي انتِ ومالك نجرب  لعبة حلوة لينا احنا الثلاثة ها ايه رأيك يا مالك

هز مالك راسه بالموافقة، ثم نظر نضال الي دولت وقال"

عن اذنك يا دولت هانم هدخل غرفة الألعاب أامنها لانها اكثر مكان  بيكونوا فيها  الأولاد لوحدهم.

اخذ بيد روح التي كانت متحمسة للعب معه مثل ما كان ابيها يلعب معها وكذلك مالك الذي استطاع اكتساب ثقته وحبه ما ان قال له ان ابيه حي وليس كالاخرين الذين يؤكدون استشهاده

 ••••••••••••••••••••••••••••••••••••••••••••••••••☆

قضى نضال مع مالك وروح اكثر من ساعتان كان خلالهم يتأكد من جميع المداخل والأمكان التي يسهل اقتحامها

دون ان يشعر الاطفال بما يفعل، وكانت مشيرة تراقبهم من بعيد وذلك بعد انضمام ابنتها جودي اليهم 

الي ان أتى وقت القيلولة، فدخلت  عليهم المربية وحملت روح التي اصرت أن تقبله وكذلك فعل مالك وسلم عليه كما كان يفعل مع ابيه بقبضة يده يضربها بقبضته 

وذهبت ايضا جودي مع مربيتها دخلت عليه مشيرة ورآته يتفحص بعض الألعاب لعلها يجد بها جهاز تصنت او كاميرا وسألته بتعجب"

 ازاي بتقدر تشتغل وبنفس الوقت مركز مع الاولاد وبتلعب معاهم، مش معقول ده كمان مدرب عليه، ولا عندك اولاد وبتضطر تلعبهم وقت انشغالك فتعودت علي كده

ابتسم نضال لها بابتسامة غامضة وقال"

فعلا اوقات كتير بكون مع مراتي واولادي وعقلي مشغول بعملي ومهماتي، صدقيني يا مدام مشيرة جزء مني بيكره شغلي لانه بيحرمني استمتع معاهم

لكن كلي بيحبه لان قلة راحتي بتكون هدفها تأمين بلد ووطن بكل اهله وناس اللي منهم اسرتي 

انا خلصت تقريبا شغلي هنا وهرجع تاني للمستشفى قبل ما اقدم تقريري عن الوضع الامني ومتقلقيش مدام فدوى واولادها في امان تمام لاني مش هفارقهم دقيقة 

استأذن منها وغادر الفيلا مسرعا لكي يعود الى مهمته الاساسية فدوى  الي الان لم يلتقيها وجها لوجه

وصل الي المستشفي بعد انتهاء الزيارة فكان الهدوء والسكون العام هو سيد الموقف 

دخل الي غرفتها وقرأ شاشة النبض والضغط اخذ نفس طويل واقترب منها لتقع عينه علي ملامح وجهها الجميل  الذي خطف لبه واخذ يتفحصه بعناية 

وتجرأ وملس علي صفحة وجهها الناعم والي شعرها الحريري اخذ نفس عميق وابتسم بتهكم قائلًا بسخرية مما حدث "

كده فهمت ليه انتِ حالة نادرة من النساء لانك من النوع الجاذب للرجال من سوء حظك 

يمكن ضعفك زاد من انجذاب الرجال ليكي ورغبتهم فيكي وده شفته في عين نوهير اللي حب يداري  سر انجذابه ليكي بالغيرة عليكي كأخت رغم عشقه لزوجته

لكن انتِ من غير ما يكون ليكي اي ذنب سبب في انجذاب اي رجل ورغبته لو اتحكمت فيه هيكون عايزك لنفسه

ويمكن ده سبب كل حالات التحرش اللي اتعرضتي ليها في حياتك كأن مفيش ست في الدنيا  غيرك

لان كل الرجال بيشتهوكي وكلهم نفسهم يقيموا معاكي علاقة ترضي رغباتهم وتطفئ نار اشتيائهم ليكي 

اكيد زوجك كان بيغير عليكي بجنون وبيعشقك فوق عشقه ليكي بسبب فطرتك، بس ده كان زوجك وليه حق عليكي

لكن اي راجل هيتأثر بفطرتك وبيرغبك هيكون الوضع ايه معاكي يا فدوى انا بعد ما درست حالتك

لازم اخذ حذري وجودي معاكي خطر وبالذات انك هتكوني هدف سهل ودائم ليا ومعايا ليل ونهار 

(حقيقة علمية لدى نسبة صغيرة من  النساء )

كشفت تقارير صحفية منشورة أن النساء اللواتى يتمتعن بتوازن فى انخفاض وارتفاع البروجيسترون ينعمن برائحة أفضل ومثيرة ، تسبب جاذبية أعلى لدي الرجال.

وهذا تؤكد الدراسة  قد يؤدي التعرض لإشارات الإباضة للأنثى إلى زيادة هرمون التستوستيرون، والذي بدوره قد يزيد من دافع الذكور للانخراط في السلوك الجنسي والشروع فيه.

وفدوى من النساء التي تفرز هذا الهرمون وبكثرة فيتسبب بانجذاب لاإرادي للرجال ويرغبونها لانفسهم بشدة 

وهذا كان سبب رئيسي لكل مشاكلها مع الرجال حتي سمير قبل زواجهم كان يرغبها وبشدة 

تنهد نضال وهو يحدق فيها ويتمنى ان تفتح عيناها لكي يراها علي الحقيقة ويري فيهم السحر الغائب عنه

اخذت يده تمرح في خصلات شعرها بلا كلل او ملل، وفجاءة دوى الجهاز بصوت انذار عالي ورأي جسدها ينتفض بشدة

جذب يده وابتعد عنها  في دخول دكتورة شابة ومعها اثنين من الاطباء الشباب فنظرت الي نضال بحدة وصاحت"

انت بتعمل ايه هنا اتفضل اطلع بره بس الاول انت عملت ايه في الاجهزة ولا ده صادر عنها

ابتسم بثقة ونظر اليها بتحدي"

مش هخرج وشوفي شغلك يا دكتورة،  انا ماعملتش حاجه في الاجهزة الإنذار صادر عن الحالة نفسها وانتفضت بشدة قبل ما تهدى وترجع لطبيعتها  اظن كده طمنتك

شوفي شغلك وطمنيني عنها ايه هتفوق من الغيبوبة

ضغطت علي فكها بقوة واشاحت بنظرها بعيد عنه وعادت الي فدوى لتقرأ مؤشراتها الحيوية التي انتظمت وعادت لوضعها الطبيعي اطمئن قلبها وطلبت من مرافقيها مغادرة الغرفة  ودنت من نضال بتحدي وغيظ وقالت "

مش هتبطل تخضني كده يا حضرة الظابط،ايه مدام فدوى هدفك الجديد

رفع حاجبه وقال بتهكم"

حاجة زي كده يا دكتورة مايسة طمنيني ايه سبب اللي حصل

تنهدت بقوة وعيناها تحوم عليها بريبة"

مفيش نوبة من نوبات الصدمة العصبية،من الواضح انها بتتأثر بالجو المحيط وبيربكها،ده غير وجودك يربك بلد 

غامت عيناه فجاة ودنا منها وقال بغموض"

طمنيني اولادك اخبارهم ايه، واللي في السكة عامل ايه 

قطبت ما بين حاجبيها بريبة وقالت "

كويسين جدا ومشتاقين لباباهم ياتري تعرف هيرجع امتى 

ضحك  وشدها من كتفها اليه وقال"

ربنا يسهل وهما كمان وحشوه جدا جدا، بس الواضح انك ناسية مهام عمله اللي بتلزمه بالغياب عنكم فترات طويله

غمغمت بضيق وحدقت في عيناه ورفعت يدها تحوط رقبته"

انا مش ناسية لكن الواضح انه هو اللي ناسي ان ليه اسرة  بيت واولاد وزوجة بتحتاج زوجها جمبها في اوقات كتير منها بداية الحمل والولادة يا حضرة الزوج الهمام

ضحك نضال وحاوط وسطها بيده دون ان يضمها الي صدره"

والله وانتِ كمان وحشاني يا مايسة،والاولاد كمان وبالذات مع حملك الثالث، بس غصب عني المهمة دي اخطر من اللي قبلها وبعدي عنكم بيكون لحمايتكم لو حد عرف انكم نقطة ضعفي هيدمروني منها، اوعدك قبل ما استلم المهمة اجيلك واقعد معاكي يومين انتِ والاولاد المهم طمنيني الحمل عامل معاكي ايه ،ومش ان الاون تاخدى اجازة لحد ما تولدى

زياد زينة محتاجين وجودك في ظل غيابي عنهم مش هيبقي انا وانتِ يا مايسة ده غير حملك

ضحكت مايسة وابعدت يدها عن وسطها وقالت بجدية"

مدام جاي اجازة يومين،يبقي تحترم مكان شغلك، اما موضوع الاجازة احنا اتكلمنا فيه كتير،الشغل بيلهيني من التفكير فيك والقلق عليك في مهماتك الخطيرة،معرفش ايه ذنبي زوجي مقاتل ووالدي محارب هو انا موعودة

اتفضل علي مكتبي ناخد حريتنا في الكلام عن هنا،ولا اقولك لو ماعندكش شغل ضروري تعالى نروح انت وحشت الاولاد جدا

قبل ان يرد عليها تدخل نوهير بالحديث وقال"

اتفضل يا حضرة الظابط مع زوجتك، دكتورة مايسة ليها حق بيتك واسرتك ليهم عليك واجب

اقضي معاهم يومين لحد ما فدوى تفوق، انا سعيد بإخلاصك لعملك وتفانيك ليه بس فعلا  اهل بيتك ليهم عليك حق لازم توفيه اتفضل معاها وانا هقوم بدورك لحد ما ترجع

هز نضال رأسه بالرفض في تحدي صارخ لنوهير وقال بثقة"

اسف يا نوهير باشا مدام فدوى واولادها دي مهمتي ومكلف بيها، لو انت شايف اني مش قدها تقدر  تطلب غيري،لكني معنديش استعداد اقبل ان حد يقوم بعملي وانا موجود

ام بالنسبة لدكتورة مايسة هي مقدرة وعارفه كويس مهام عملي ولا ايه يا دكتورة

ابتلعت ريقها من نظرات الغضب التي كانت ترتسم في عين نوهير تجاه نضال وقالت"

اكيد يا نضال اتعودت ومش متضايقة،بالعكس انا بقوم بنفس الدور خدمة الوطن والشعب زيك في مجالي اطمن يا حضرة الظابط نوهير نضال عارف واجباته كويس وبيقوم بيها علي احسن وجه اما انا والاولاد مقدرين ده كويس وبشجعه عليه

بس ليا سؤال عند حضرتك انت سايب غرفتك وجيت هنا ليه 

طالعهم نوهير بغضب وغيظ لإحراجه منهم وقال"

 مفيش سمعت جهاز الإنذار ولما سألت بلغوني انه من  غرفة فدوى جيت اطمن والواضح ان حضرة الظابط سابقني  مع حضرتك بس ياترى  حضر الظابط كان معاكي ،ولا كان هنا وانتِ جيتي وراها علي صوت الإنذار

ضحكت مايسة من ذكاء نوهير الذي غير من سؤالها الي سؤال يحمل الشك والريبة في زوجها، لكن اتاه الرد من نضال الذي افحمه بقوة قائلًا"

لا يا حضرة الظابط انا كنت بالغرفة بأمنها بطريقتي والظاهر خبطت في الجهاز من غير ما اقصد وده سبب  الإنذار واظن حضرتك لاحظت ان مدام فدوى في وضعها الطبيعي، وكمان زوجتي كانت بتترجاني ازور اولادى وده يأكد ليك اني مكنتش معاها ده لو سمعت الحوار اما لو ماسمعتوش اديني قولت ليك اللي حصل بالتفصيل ،

غمغم نوهير وتقدم نحو فدوى المستكينة في  نومها وقال"

تمام يا حضرة المقدم،  من الواضح انك عارف مهام مهمتك  كويس، وانك قد المسؤولية  المكلف بيها وانا علي ثقه في اختيار الادارة ليك 

انا هرجع لأوضتي وانا مطمن على اختي بين ايدك،عن اذنكم

اتشرفت بمعرفتك يا مدام نضال ولا تحبي اقول دكتورة

رفعت مايسة حاجباها بتعالي وقالت بفخر"

انا هنا وضعي دكتورة مش زوجة افضل تقولي يا دكتورة مايسة رغم انه شرف ليا انتسابي لزوجي الغالي نضال

اؤما برأسه وغادر الغرفة فالتفتت مايسة الي نضال الذي دان من فدوى ليطمئن علي انتظام انفاسها وقالت"

واو شخصية صعبة ومتشككه وذكية جدا،بتتعامل معاه ازاي ده يا نضال اكيد عقبه قوية في طريقك

ضحك وهو يملس علي شعر فدوى برفق وبدون لمس وقال بطريقة مريبة جعلت مايسة تخشاه بقوة "

طول ما فدوى تحت ايدي ولا مليون زي نوهير يقدر يعملي حاجه ماتقلقيش عليا يا مايسة انا عارف خطته هتبدأ ازاي وتنتهي ازاي،المهم فدوى لازم تفوق وبسرعه مفيش وقت اضيعه في غيبوبتها الغريبة دي 

اخذت مايسة نفس عميق وردت عليه بجدية"

خلي بالك انه حطك تحت التليسكوب واي خطوة هتعملها من غير ما تدرسها كويس هتنكشف، انا اخدت بالي انه كان بيراقبك من اول ما دخلت عليك الاوضة بس اللي مش فاهماه ليه وانت بتأمنها مش ضدها 

دنا منها وادار وجهه نحو فدوى واشار اليها قائلأ"

لانه بيغير عليها مني ومن اي حد يقرب منها،وموت جوزها فتح ليه الطريق ،هو بيكابر لكن افعاله فضحاه

المهم ان اللي جاي صعب الاول لازم ابعده عن فدوى، قبل ما بغيرته يدمر كل مخطاطاتي وطبعا بمساعدتك هقدر اجتاز عواقب كتيرة ممكن اتعرض ليها،اتفضلي انتِ دلوقتي،وانا هفضل جمبها لحد ما تشوف حل وتفوق من الغيبوبة وبسرعه

هزت رأسها بحيرة واجابت موافقة"

حاضر اللي انت عايزه يا نضال بس وحياة كل غالي عليك افتكر دايما الاولاد مشتاقين لأبوهم وحياتي عندك متحرمهمش منه ده حقهم علينا 

ربت نضال على كتفها وقال بحنان"

بكرة اليوم كله للاولاد وليكي يا دكتورة، ولا تزعلي ممكن بقى تاخذي بكرة علي الاقل اجازة زوجك كمان محتاج ليكي ولا ايه يا قمر 

ضحكت بمرح وردت عليه بحماس"

مدام كده انا هروح اخد اجازة من دلوقتي وهكون في الانتظار واحلى واطعم اكلة كمان هعمله ، 

ضحك نضال وهو يودعها وقال لها وهو يرمق فدوى بنظرات غريبة غامضة"

تمام يا قلب وروح زوجك اللي وحشتيهم بجنون 

 ••••••••••••••••••••••••••••••••••••••••••••••••••☆

في اليوم التالي بغرفة فدوى

كان نضال مازال بغرفتها لم يبارحها، الغربب في الامر ان مؤشراتها بدات تتحسن،وهذا ما لاحظه دكتور فهمي حين كان يمر عليها مثل كل يوم،وحين ابلغه نضال بما حدث بالامس من انتفضت جسدها وعودتها الي طبيعتها بعد ذلك  

ابتهج دكتورفهمي بشدة واكد ان هذا مؤشر جيدا لافاقتها قريبا من الغيبوبة، التي ستكون ارحم من الواقع الذي ينتظرها

ربت نضال علي كتفه مواسيًا "

محدش بيهرب من قدرة يا دكتور فهمي، بس عايز اقولك كلمة واحدة قبل ما ابدأ المهمه دي،لولا انت وموقفك المؤيد لي وايمانك بفدوى انا كان صعب عليا اكمل، شكرًا لثقتك فيا واوعدك انك مش هتندم ،لما تشوف بنفسك ازاي مساعدتك كانت سبب في  تحقيق الهدف المنشود

اؤما الدكتور فهمي برضا وابتسام له بحنان "

انا ثقتي فيك ملهاش حدود وعارف كويس انك هتقدر تحافظ علي فدوى من اي شر،رغم اللي هتمر بيه لكن وجودك جمبها مطمني بس ياريت بلاش موضوع الصور مش هتتحمله

اغمض نضال عيناه بقوة وعاد وفتحهم ليري نظرة من الرجاء في عين عمها فقال بعطف لكي يريح ضميره"

حاضر يا دكتور فهمي،هنلغي موضوع الصور رغم انه ركن  اساسي في اثبات وفاة الشهيد وانتهاء امره للبحث عن الثار من قاتليه وحفظ امان اسرته 

لكن مدام ده هيريحك ويطمنك علي بنت اخوك انا هنفذه 

شكره دكتور فهمي بامتنان وشد علي يده بقوة وبعدها غادر  غرفة فدوى ليؤدي مهما عمله كطبيب بالمستشفي

جلس نضال علي المقعد المجاور لسرير فدوى واخد يدها في راحة يده شاعرًا بالعطف عليها لما مرت به،وشى اخر في كان بعيناه كانها يحارب انجذاب خفي اليها بجمالها،

ليضحك مع نفسه بتهكم"

شكل لعنتك صابتني وساعتها لو حصل هضيع واضيعك معابا

وقبلهم ولادك ،ده غير ماضي شهيد يستاهل منا الاحترام والتقدير مش الغدر بيه، ياريت يا فدوى تفوقي محتاج ابداء مهمتي قبل ما اضعف لسطوة  جمالك وفتنك واسقط في فخ فطرتك الكارثية يا فد.....

قطع حديثه مع نفسه صوت انثوي يساله بريبة"

اتت مين وبتعمل ايه  هنا يا حضرت 

نهض نضال من علي مقعدة وعدل من هندامه وقال لها بجدية ورزانة "

انا نضال الرفاعي المكلف بتامين مدام فدوى ممكن اعرف انت مين وباي صفة بتساليني

دخلت هيفاء مسرعا واحتضنت فدوى الناىمة بقوة وقالت"

انا هيفاء صديقتها وتقدر تقول اختها، المهم طمني فعلا سمير استشهد واللي كان عايش معاها من يوم ما رجع كان الارهابياللي اسمه الهلالي  مش ممكن انا مش مصدقة

انا بقولك اهو وخدها مني كلمة يشهد عليها ربي ليوم الدين 

اللي كان عايش مع فدوى دي سمير يمكن يكون غلط مع اخت زبيدة وحملت منه،

 لكن مستحيل يكون هو الارهابي،انا شفت عذاب فدوى وراحته معاه مستحيل قلبها يتؤام مع حد غيرها صدقني فدوى عايشه بيه مش ممكن تنخدع فيه لدرجة دي

ار٠وك ساعدها توصل للحقيقة لانها هتتعذب ومش هترتاح ولا هتريح حد غير لما تتاكد انها كانت شريفه ومحدش لمسها غير جوزها وتؤام روحها سمير

ابتسم نضال بمودة وقال لها "

انت متفائلة جدا، بس ده مش دوري في غير بيبحثو يتاكدو  من اللي بتقولية، انا دوري يتلخص في حماية اسرته وبس 

عن اذنك اسيبك مع صديقتك بس ياريت تخليكي موجوده لحد ما ارجع انا مش هتاخر عن اذنك

اثناء خروج ارتطم في زوجها الذي اتي  ليطمئن علي فدوى ومعه خاله دكتور فهمي الذي قام بتعريفه علي نضال

اقدملك دكتور طارق ابن عمتها ومدام هيفاء صديقتها اكيد اتعرفت عليها ودلف الي الداخل وصافح هيفاء سائلًا"

فين العكروتة فريدة اوعي تكون مش معاكي حماتك هترجعك اسكندرية مشي دي مشتاقة ليها موت

ضحكت هيفاء وقالت "

لاء جت معايا طبعا هو انا ،كانت مع طارق اللي سبقنا وراح يزور نوهير اكيد سابها معاه هناك 

رد عليها طارق مؤكدًا"

فعلا نوهير مش عايز يسيبها تعالي سلمي عليه وهاتيها وبعد كده نجي نقعد مع فدوى زي ما تحبي 

تدخل نضال في الحديث واستاذن منهم جميعًا لانهاء امر عاجل ،وكذلك دكتور فهمي الذي قال لها انه سيبقهم لزيارة ابنه ورؤية الصغيرة فريدة ابنتهم الجميلة

طلبت هيفاء من طارق ان يدخل وينتظرا سويا عودة الضابط نضال الذي اكد علي عدم تركها وحده

قام طارق بمهمامه كطبيب واطمئن علي مؤشراتها وحرارتها وضغطها وقال لهيفاء بضيق"

مش عارف فدوى دي منحوسه ليه، دايما سوء الحظ ملازمها بس تتوقغي فعلا اللي كان عايش معاها الهلالي ولا سمير

عند هذا السؤال بدا مؤشراتها تضطرب مما جعل طارق يتأكد بأنها تعي كل ما يحدث حولها فقال لزوجته"

بقواك ايه تعالي نزور نوهير ونساله انا مش مطمن اتكلم جمبها شكلها  ببتفاعل معانا وهنرجع بسرعه، انا هتجنن واعرف ازاي سمير قدر يخدعني لو مش هو.....

سكت بعد ان عادت المؤاشرات للأضطرب من جديد، فاخد

 يد زوجته وخرج ليذهبا الي نوهير ويتكلمها بحريتهم

كان في ذلك الوقت تحارب فدوى الظالم الذي يسرقها الي هوة اللاوعي وتأمل في العودة من اجل ان تؤكد للكل انها لم تعاشر رجل اخر غير زوجها ومليكها ورهينة فراشه سمير

لتسمع صوته الحبيب يتردد في أذانها ويقول"

فدوى حبيبتي وحشتيني وحشتيني فوق ما تتصوري،ارجعي يا فدوى برأتي في ايدك،  ايمانك بيا هو النور اللي هينور طريقي ويرجعني ليكي،محتاجك يا تؤامي روحي

ويضم جسدها المسترخي الي صدره القوى بشغف وشوق واشتياق لتشعر ان ضمته لها ستكسر ضلوعها الهشه الضعيفة

وظل يهمس في اذنها بالرجاء والدعاء بان تعود اليه

وختم كلامه بقبله التهم بها شفتاها حتي كاد يدمبها من قوتها وسخونة حرارتها ثم عاد وانزلها الي وسادته وقال"

ارجعي قبل ما اضيع ببعدى عنك انت ملاذي يا فدوى ارجعي

ليدوى فجاء جهاز الانذار بالمستشفي ويهرع الجمبع الي غرفتها  وكانت المفاجاة بانتظارهم.......

 ••••••••••••••••••••••••••••••••••••••••••••••••••☆

يتبع.....

الفصل السادس اضغط هنا