رواية المؤامرة ( الفصل الثالث) رهينة فراشه الجزء الثاني

المؤامرة

البارت الثالث

حكاية شهيد

 ••••••••••••••••••••••••••••••••••••••••••••••••••☆

في احد المستشفيات الاستثمارية الكبري

كانت فدوى تتوسد سريرها الأبيض وهي غائبة عن الوعي منذ ثلاث أيام، ومن حولها التف  عمها وعمتها وابنة عمها وابن عمها نوهير الذي كان مازال يعاني من اصابته لكن اصر علي ان يطمئن علي فدوى اخته كم يحب ان يطلق عليها،

وعلي جوانب سريرها كانت تجلس روح وبجوارها اخيها مالك الذي كان ينظر اليهم بغضب بسبب ما يقولونه في حق ابيه

الا جده فهمي الذي نهر ولده بعصبية قائلًا"

قول اللي تقولوا يا نوهير، بس اللي انا واثق منه تمام الثقة ان الشخص اللي كان عايش مع فدوى كان بيعشقها اكثر من روحه سواء كان سمير او لاء 

وبما انك اخوها انت ملزم تبحث اكتر و تتاكد قبل ما تتهم جوز اختك بانه جاسوس خاين لبلده

لان اللي يعشق زوجته عشق سمير لفدوى  ويهجرها لخدمة وطنه استحالة يكون خاين فاهم 

واي كلام تاني  عن انه لا يصلح لفدوى انا مش هقبله غير لما يعترف هو بنفسه انه زي ما بتقول عليا ودا اخر كلامي

استشاط نوهير غصبًا من دفاع ابيه عن سمير أي كان من هو لكنه بالنسبة اليه خائن ولم يكن الشخص الذي يليق بابنة عمه حفيدة فاضل المنشاوى فرد عليها مؤكدًا بالبراهين"

اتفضل يا بابا  ده تحليل مكرر للي بتظنه سمير بيثبت انه والد هند ، تسمح تقولي ازاي والد البنت وسمير الاصلي ملتحقش بالجيش غير بعد زواج الهلالي بأمها  اخت زبيدة وكانت حامل منه، اللي حصل ان سمير مات في الانفجار وانتحل شخصيته ومثل علينا انه الهلالي، ويمكن زبيدة تكون مشاركة معاهم

جذب منه ابيه نتائج التحاليل والتقرير عنهم واخذ يطالعهم بتمعن حتي انتهي من قرات كل حرف اكثر من مره ،وفجاة القاهم في وجهه بعصبيه وصاح فيه ناكرًا"

كله كذب كذب، مستحيل اصدق كلمة من اللي في التقرير لو ده مش سمير اللي اتجوز فدوى وعشقها اكثر من روحه، مستحيل كانت فدوى هتشفي من صدمتها في موته، انت مشوفتش ايام حادثتها وازاي كان بيبكي عليها وضحي بنفسه مفيش انسان خاين بيكون عنده كم المشاعر دى، ثم فدوى نفسها مكنتش ارتاحت ليه ومنحته نفسها لانها انسانه طاهرة 

اسال طارق لما فكر يلمسها انهارت، لو مكنش سمير اللي معاها كانت كشفته من اول لمسه، لكنها بتدوب فيه اول ما بيلمسها وبتغرق معها في بحر عشقهم

يمكن مكنش ابوها لكنها من دمي وبحس بيها، فدوى واثقة ومتاكدة اكثر مني ومنك ان جوزها اللي كان عايش معاها،  لان مفيش مخابرات مهما كانت قدرة اجهزتها تقدر تستنسخ مشاعر الانسان ولمساته واحاسيسه، انت واهم يا نوهير 

اللي كان بينا ده سمير والواجب عليك نحو اختك فدوى تثبت براءته من تهمة الخيانة و ان تنظر للامور من منظورها، صدق احساس فدوى لانه اصدق 

وابحث عن سمير ورجعه ليها ولما يرجع صدقني الحقيقة هتظهر وساعتها هتبقي مطالب بالاعتذار ليه لانك ظنيت بيه السوء وهو اكثر انسان صادق في حبه ووفاءه 

هز نوهير راسه بانكر وغضب مكتوم"

والاوراق دي والتحاليل مش منه ومن البنت اللي اجبر فدوي تربيها رغم انه بنت اخت زبيدة 

يا بابا اعجابك بشخصية سمير خلاك عامي عن حقيقته صدقني ، انا اللي غلطان من وقت اول ما بدؤا الشك فيه كنت نبهت فدوى وبعدتها عنها، لكن لاني كنت زيك معجب بيه وبشخصيته وبحبه ليها، فضلت انتظر الادارة تحسم الامر قبل ما اوجهه وادي النتيجة انكشف وفدوى كانت هتروح فيها

تافف فهمي من تعنت أبنه واصراره علي ما جاء في التقرير وعدم تحكيم عقله وقلبه فيما راه بعينه وقال"

للاسف يا نوهير مش هتقدر تشوف الصورة بعيني يمكن كنت فهمت ليه انا عندى ثقة في احساس فدوي من ان اللي كان عايش معاها سمير 

ياريت تقفل الموضوع علي كده وارجع اوضتك انت لسه في مرحلة النقاهه وفدوى محتاجة للهدوء علشان تستعيد وعيها

يلا يا دولت خدى الاولاد وروحي وانا هفضل هنا معاها

هزت دولت راسها بالرفض وقالت بحزن"

مستحيل اسيبها لوحدها، مش عارفة البنت دي مكتوب عليها وجع القلب ليه، روح انت شوف شغلك يا فهمي وانا هفضل معاها لحد ما تفوق 

علي فكرة هيفاء وطارق يمكن يجو بكره اهو يمكن وجود.هيفاء معاها يصبرها علي مصيبتها 

دنى د/ كتور فهمي من اخته وجذبها لتقف واحتضنها قائلًا"

لازم تروحي وتاخدى الاولاد روح ومالك وجودهم جمبها بالشكل ده هيتعب نفسية الاولاد،و هي كمان نفسيتها هتدمر  بسببهم ، لما تصحي وتلقيهم  جمبهم والحزن ملي عيونهم لان في يوم وليلة اتحرموا من ابوهم  ده كله صعب  عليها

اخذت نفس عميق وهزت راسه بالموافقة علي كلام اخيها واردفت قائلة"

تمام انت صح يلا يا مالك انت وروح نروح نرتاح وبكره نجي نزور ماما تكون طنط هيفاء جت هي كمان

قام مالك من جوار امه بعد ان قبلها واخذ بيد اخته الصغير الباكية حزنا علي فراق امها ونظر الي جده فهمي وقال"

بابا سمير احسن اب في الدنيا واحن واحد في الوجود وعمره ما كان خاين وانا متاكد ان اللي كان عايش معانا بابا حبيبي

مش حد تاتي ياجدو انا بحبك لانك دافعت عن بابا

نزل د/ فهمي الي مستواه واحتضنه بقوة وقال"

وانا واثق من ده يا مالك، ابوك انسان عظيم يستحق حبك وحب ماما واحترام كل اللي عرفوه وانا اولهم

يلا يا بطل يا ابن البطل روح مع تيته دولت وان شاء الله لما ماما تخف هترجع ليكم وهتبحث عن بابا لحد ما يرجعلكم

عانقه مالك بقوة وقبله واخذ بيد اخته واحتضن كفها بين يده بقوة وقول لجدته"

يلا يا تيته نروح علشان ماما محتاجة ترتاح، لان قدامها عملية بحث طويلة عن بابا حبيبي 

اخذتهم دولت وخرجت بعد ان قبلت فدوى الغائبة عن الواقع 

ونظر  نوهير الى مالك وهو خارج بزهو"

شجاع وجرئ زي ابوك ، بس ياتري مين فيهم اللي رباك سمير ولا الهلالي 

ربت فهمي علي كتف ابنه وقال"

اهدى يا نوهير الايام كفيلة توضح ليك كل حاجة بس انا علي راي سمير مش خاين ولا اللي كان بينا مش سمير

يلا يا مشيرة خدي جوزك علي اوضته اما العكروته جودي هتجي مكتبي تقعد.معايا شويا لحد ما نروح سوا

اؤمت مشيرة بالموافقة وساعدت نوهير لكي يعود الي غرفته وتركت ابنتها في عهدة خالها  الذي ما ان خرجت هي وزوجها

نظر الي فدوى وقال بحزن"

كتير اووي اللي كتبه عليكي الزمن يا فدوى بس لازم تصدقي احساسك لانه نقي وبيعرف يستشف الناس كويس 

ولو احساسك قال ان اللي كان معاكي سمير ، فلازم تتاكدي انه سمير لان حبكم ومشاعركم لبعض اصدق ما فيكم

وربت علي خدها وقبل جبينها وخرج ليتركها في عالم اللاوعي الذي فضلت العيش فيه ولا انها تواجه حياتها بدون عشيق روحها وكيانها زوجها المحبوب سمير

 ••••••••••••••••••••••••••••••••••••••••••••••••••☆

عاد نوهير الي غرفتة وساعدته زوجته مشيرة علي الاستلقاء علي فراشه وجلست امامه وسالته بحدة"

ممكن افهم انت رجعت شغل المخابرات تاني من امتي، مش اتفقنا ان الموضوع ده انتهي باستقالتك من العمليات الخارجية امتي هنرتاح يا نوهير ونعيش من غير ما تكون حياتنا مهددا ثم عرفت امتي موضوع سمير وازاي

اخذ نوهير نفس عميق  وضم يدها في راحة يده بحنان قائلًا"

انا مرجعتش بمزاجي يا مشيرة،عارف اني وعدتك بعد استقالتي ورجوعنا لمصر اني  هكرس حياتي ليكي ولاولادنا 

بس لما يتعرض عليا خدمة بلدى مقدرش ارفض انتِ عارفة ان وفائي وولائي الاول لخدمة الوطن

ام موضوع سمير انا عرفت بشك الادارة فيه من فترة صغيرة

وقبل سفرنا بيوم، فاكرة التليفون اللي جالي اكد انه الهلالي مش سمير وكان سفرنا للفيوم حاسم 

لان وصلت اخبار انه هيلتقي باخوه وده كان هياكد ظنون وشك الادارة اللي كان اخر تحليل اتعمل في معامل سرية علي وشك الظهور وجالي مندوب خاص بيه وقبل ما اقراءه وانفذ التعليمات اللي صدرت ليا كان سمير هرب واتخطفت فدوى

بس اللي مجننيني ليه خطف فدوى وكشف نفسه قدامها وبعد كده  مخلصش عليها بالعكس سابها وهرب

في حاجه مش،مظبوطة في الموضوع ومحتاج اعرفها 

تتهدت مشيرة بقلق وحيرة وقالت "

هيكون في ايه يا نوهير ممكن يكون شغل علي كبير وبعيد عن العين، سيبك من كل ده وعرفني ليه شكتوا في سمير وازاي كشفتوه وايه دخل هند بالموضوع

مد نوهير يده إليها طالبًا منها المساعدة كي يريح ظهره علي الوسادة خلفه ساعدته حتي استراح في تمدده وقال"

حاضر يا مشيرة رغم ان ده من صميم عملي وسري جدا لكن هقولك كل حاجة يمكن تقدري معايا تفهمي الخلل فين،

من شهر تقريبا بعت ليا القائد وطلب حضوري علي وجه السرعة اول ما وصلت سالني ...... فلاش باك

في مكتب القائد العام للمخابرات الحربية 

اقعد يا نوهير عايز اسالك عن حاجة مهمة، انت ابن عم زوجة سمير فؤاد وكان تحت قيادتك لاحد العمليات الخارجية وتقريرك عنه كان سبب لترقيته والموافقة علي نقله للاعمال المكتبية كم طلب قائده المباشر، سؤالي ليك من معاشرتك لشخص سمير عن قرب ايه رايك فيه

ابتسم نوهير بفخر قائلًا"

سمير انا بعتبره اخويا وقدوة لكل شاب في سنه، انا بعتز جدا للصدفه اللي جمعتنا بيه،  وعمله معايا كان نقطة مضيئة في بداية صداقتنا، اللي اتحولت إلي نسب بعد ما رجعت مصر وعرفت انه زوج بنت عمي

غمغم القائد بحيرة وعاد وساله بأهتمام"

يعني بتثق فيه وفي ولاءه للوطن ولا يوجد اي شبهه تدينه

هز نوهير اسه بقوة رافضًا توجيه اي نوع من الاتهام الي سمير يخص ولاءه لوطنها ووفاءه له وقال بثقة"

سمير شخصية لا غبار عليها وانا نفسي معجب به وبحبه وتفانيه سواء لوطنه او بنت عمي اللي بمثابة اختي 

نهض القائد من خلف مكتبه وجلس امامه وقال موضحًا"

طيب يا نوهير من كلامك وحدسك العالي بياكد ان سمير اللي عايش معاكم شخصية وطنيه ووفاءه لبلده فوق اي اعتبار

انا هقولك ايه وصل للادارة وقولي انت رايك ايه

من اسبوع ومن احد النقط اللي كان سمير عين عليها في سيناء وزرع فيها اجهزت تنصت وكاميرات مراقبة وصلنا منها حديث مريب، واللي زاد شكنا ان الحديث كان من نفس النقط بس بعد الشوشرة علي  الاجهزة اللي وضعها سمير نفسه،لكن اللي استلم المهمه بعد تخليه عن العمليات الخاصه كان زارع وحدة احتياطى يعني الحديث تم بعد تامين كاميرات واجهزة سمير،وده المريب في الامر يعني لولا الوحدة الجديدة مكنش وصلنا الحديث انا هسمعك الحوار وانت احكم 

ونهض وشغل علي شاشة كبير لقاء جمع بين عجمان وعمه كبير القبيلة خلفًا لوالد زبيدة الذي مات، بدا الحوار  قائلًا"

اخوك الهلالي مش ناوي يرجع ،كفاية عليه كده قوله يرجع ببنته ويسيبه من المصرواية اللي عاشقها علي مراته

رد.عليه عجمان بضيق"

والله يا عمي انا بتواصل معاها وهو اكد ليا انه قرب ينتهي من مهمته وعاشقه للمصرواية شئ خارج عن اردته كان لازم يعمل كده علشان يقدر يقنعهم انه سمير 

بس خلاص كلها شهر وعملية الفيوم تتم وهقابله هناك زي ما اتفقنا، واوعدك ارجع بيه لو مش بمزاجه هيبقي غصب عنه

هز عمه راسه بضيق "

انا واثق فيك يا عجمان لكن اخوك غيابه عنا طال وخايف يكون عشقه للمصرواية نساه اصله وشخصيته الحقيقة، المهم بعد.ما نخرج شغل الكاميرات اللي ركبها علشان محدش يشك فيه خلي الشهر يعدي على خير من غير ما يتكشف...

اطفئ القائد الشاشة ونظر الي نوهير باستفهام وساله"

اية رايك في اللي سمعته تقدر تفسر ايه قصدهم بالهلالي وسمير مش الهلالي ده مات وسمير حل محله في القبيلة ولا العكس هو اللي حصل،ياريت يا نوهير انت اقرب واحد ليه بشغلك معاها تقدر تقولي اللي معاكم ده مين

انتفض نوهير غاضبًا لكنه التزم بضوابط العسكرية وقال"

انا مش فاهم ده ايه والكلام  علي مين اكيد في مكيدة بتدبر وممكن يكون كل ده مقصود منه يشككونا في سمير، لانهم لحد ما سمير خد زبيدة وسافر كانو بيفكروه الهلالي، ممكن يكون اتكشف امره بالنسبالهم وعايزين يخلصوا منه عن طريقنا بانهم  يشككونا فيها، ويلعبوا لعبتنا علينا  

لكن  هفضل علي رايي وثقتي في ابن وطني الفدائي المقدام  سمير  هو الراجل اللي عايش بينا   مش حد غيره

عاد القائد للجلوس خلف مكتبة وعقد اصابعه في بعضهم البعض وقال سائلًا"

لازم يكون في طريقة نعرف بيه مين اللي معانا من غير ما نعرفهم او نعرفه اننا بنشك فيه، ايه رايك نعمل تحليل DNA

لابنه لو مفيش تطابق يبقي ده مش سمير فعلا

حك نوهير ذقنه واخذ يفكر بتروي وبعد برهه قال بدهاء"

في حاجه احسن واضمن، هند بنت الهلالي وكلنا ثق انها بنت الهلالي نعمل ليها التحليل لو ثبت بينهم توافق يبقي هو الهلالي ام غير كده يبقي كله زيف ومكيدة ضده

والحمد لله البنت تحت عيني بعد مرضها الاخير سمير جابها تعيش معاه لانها حمل علي خالتها زبيدة

تنفس القائد الصعداء وقال بحسم"

تمام دي هتبقي مهمتك المكلف بيها تجيب عينه من البنت ومن سمير من غير ما يحس وفي اقرب فرصة واتمني ان ثقتك في سمير تكون بمحلها،لان لو كان الجاسوس اللي عايش بينا في حاجات كتير لازم تتغير في استرتيجيتنا

بعدها نهض القائد  وصافح نوهير وشد علي يده بحرارة علي فكرته الصائبة التي طرحها ....... باك

وفعلا اخذت عينه وكانت نسبة التطابق ٩٠% صدقيني رفضت اصدق وشكيت ان في خاين وعمل تاني تحليل نزلت النسبة ٨٥% وده كان اشارة  ان في حاجه مش مظبوطه، لحد اخر تحليل واخدته بأعجوبه بسبب ان البنت كانت محجوزه بالمستشفي لمرضها لو تفتكري من ١٠ ايام تقريبا

وده طلب يتعمل بطريقة سرية وفي معامل خاص بعيد عن اي روتين او اوراق تثبت قيامنا بيه

وجت النتيجة الصبح في التليفون اللي جالي وقالي القائد ان التحليل اثبت انه والد هند وبكره هيطلع التقرير

صدقيني مكنتش مصدق رغم ان روحت لدكتور واكد لي بنفس ان في تطابق كبير بينه وبين البنت، لكن اصريت انتظر التقرير قبل ما اوجهه واتحرك

وبعدها حضر القائد المكلف بتدريب سمير نفسه وسلمني التقرير وكان مصر يكلم سمير علي انفراد قبل ما اوجهه لكن اخوه سبقنا وخطف البنت وفدوى وهو هرب وانا اخدت طلقة لما حاولت انقذ فدوى منهم 

وفجاءه توقف عن الكلام وضغط علي فكه بقوة وقال"

بس انا مش هتنازل عن راسه المجرم اللي خدعنا كلنا وهز ثقتي في نفسي بسبب ثقتى فيه واماني بولاءه

تنهدت مشيرة بقوة وربتت علي كتفه قائلة بهدوء"

اهدى يا نوهير عصبيتك دى هتتعب جرحك،وادعي انك توصل ليه قبل ما  يدمر فدوى بتذكرها انها كانت عشيقة لقاتل جوزها ، ويارب يكون كل اللي حصل مكيدة

اخذ نوهير نفس عميق وقال"

كنت اتمني انها بقي مكيدة لكن مع كل التقرير والتحليل دي انعدم الامل، ادعيلي ربنا يقدرني انتقم لفدوى منه 

نظرت مشيرة  امامها بلا هداية وقالت برجاء وزفير حار"

يارب يا نوهير

 ••••••••••••••••••••••••••••••••••••••••••••••••••☆

وهناك في غرفة الدكتور فهمي 

بعد انتهائه  من جولته بالمستشفي عاد الي غرفة مكتبه الذي  كانت تنتظره فيها حفيدته جودي  التي اصرت بان تزور  ابيه بعد عودة جدها اليها وقبل ذهابها الي البيت 

لم يرفض جدها رجائها وطلب من احد الممرضات اصطحابها الي زيارة ابيه والتاكيد علي والدتها حتي تغادر معها

بعد خروجها طرق باب غرفته احد الموظفين وابلغه ان بالاستقبال يوجد شخص ما يسال عنه ويطلب حضوره اليه، 

تعجب دكتور فهمي من الزائر الذي اتاه سائلًا عنه  ويملي عليها اوامره فقال للموظف"

روح قوله اني موجود في مكتبي لو عايزني لكني مش هروح لحد غير كده بلغه رفضي مقابلته

ذهب الموظف ودقائق وطرق بابه طرقات واثقه وقوية اذن الدكتور للطارق بالدخول 

دخل وبدون اي مقدمات جلس امامه واعطاه ملف كان بيده

اخذ دكتور فهمي منه الملف وقراء ما فيه فاصيب بالجزع والقي الملف وما يحويه من صور وصاح بحزن "

مستحيل  اعرض الملف ده علي فدوى  مش هتقدر تتحمل موت سمير بالبشاعة دي انا ممكن ابلغها لكن اعرض عليها علشان تتعرف عليه صعب صعب ومستحيل ده اصلا لو قدرت تتقبل موته وتتعايش معاه ازاي اعرضها لصدمة زي دي

اسف مش هقدر انا افضل تعيش علي الامل احسن من اني ادبحها واقتل جواها الحياة

رد عليه الزائر بغموض وثقة"

للاسف ده دورك يا دكتور لازم تساعد فدوى تخرج من محنتها ومحنة موت جوزها لاننا لازم نحميها من اللي هيقضي عليها وعلي اولادها مالك وروح

ومد يده الي الدكتور فهمي طالبًا منه عهد وميثاق شرف علي وعد  سيقطعه علي نفسه  قائلا"

عايز منك عهد دلوقتي  انك هتساعدني في مهمتي، وتساعدها تفوق لنفسها ، لان اظن يهمك حمايتها وحماية اولادها

تنهد الدكتور فهمي بقلة حيلة ومد يده اليه كي يعاهده"

للاسف مفيش قدامي مفر من مساعدتك، لاني بمساعدتي ليك هنقذها من مصير ماساوى بانتظاره

يشرفني اعاهدك يا حضرت ال......

 ••••••••••••••••••••••••••••••••••••••••••••••••••☆

يتبع.....

الفصل الرابع اضغط هنا