رواية المؤامرة( الفصل الرابع) رهينة فراشه الجزء الثاني

#المؤامرة

بداية جديدة

البارت الرابع

 ••••••••••••••••••••••••••••••••••••••••••••••••••☆

صُدم دكتور فهمي من التقرير المرفق مع صور لجثة سمير الممزقة بفعل الكلاب التي نهشت جسده ولم تُبقي  الا علي بعض ثيابه وملامح وجهه  الحادة 

القي الملف بجزع وهز راسه بقوة رافضًا عرض الامر علي ابنة اخيه حتي تتعرف علي جثته خوفًا عليها من صدمة موته وهي من تعشقه عشق الجنون وقال لها بحدة"

صعب يا حضرت الضابط اللي بتطلبه مني ده كتير علي فدوي  هيدمرها، ارحموها وسيبوها في حالها كفاية اللي شافته 

اخذ نفس عميق ورد عليه مبررا"

للأسف مفيش قدامك غير انك  توافق، ده احسن له ولينا فدوى لازم تعرف انها اصبحت ارملة وتتعايش مع الواقع ده، لانها مستهدفه ولازم تعرف هي بتتأمن ليه ومن مين، لحد ما نقدر نوصل للخلية كلها وننتقم لحق سمير وغيره كتير

زفر دكتور فهمي بضيق واخذ التقرير مره اخري يطالع ما فيه واخرج صورة لجثة سمير وقال بأسي"

طيب بلاش دي مش هتتحمل تشوفه جوزها بالشكل ده،انا عارف سمير كان لفدوى إية وازاي صعب عليها فكرة فراقه، مش هتتحمل رؤيته بالمنظر ده 

اخذ منه الصورة وابتسم علي مضض"

عارف ان المنظر صعب بس دي الصورة الوحيدة اللي ملامحه واضحة فيها،للاسف يادكتور مضطرين، وكمان في مهمة تانية، عايزك تعرفني علي الضابط نوهير لقائي معه مهم جدا لمهمتي  لان من خلاله هيتحدد عليه حاجات كتير ، ومتنساش اني مكلف بتأمين مدام فدوى وهتكون تحت نظري

تنهد دكتور فهمي بقوة ومد يده يعاهده علي حسن التعاون وتسهيل مهمته قدر المستطاع  واردف قائلًا"

تمام انا بوعدك هنفذ كل اللي طلبته مدام في مصلحة فدوى  يا حضرت المقدم واخذ الملف قرأ اسمه وتبسم قائلًا"

يا حضرت المقدم نضال الرفاعي 

اتفضل معايا اعرفك علي أبني نوهير واشرح ليه طبيعة مهمتك ودورك القادم في حياة فدوى لتامينها وتأمين اولادها

بس لازم تتاكد أن نوهير  مش بالساهل هيتخلي عن دوره كأخ لفدوى ، دا  ابني وانا عارف دماغه وقد إيه هو عنيد فيما يخص صميم عمله، واسرته وعائلته اللي فدوى فرد منها

ونهض من خلف مكتبه واخذ التقرير الذي قدمه له الضابط نضال وخرجا سويًا ليزور الضابط نوهير اكثر شخص متوقع  إن يرفض أن يكون تأمين فدوى  لشخص غريب،  بالاخص بعدما عانت من خداع اقرب الناس لها وهو زوجها الذي تنكر في هيئته الارهابي الهلالي 

 ••••••••••••••••••••••••••••••••••••••••••••••••••☆ 

في غرفة نوهير 

دخل دكتور فهمي عليه وطلب منه ان يحدثه في أمر هام وانه يوجد شخص يريد مقابلته بصفه شخصيه

اعتدل نوهير في جلسته فور دخول  ابيه  وطلب من زوجته مشيرة  ان تساعده في وضع وسادة خلف ظهره حتي يرتاح عليها وبعدها طلب منها مغادرة الغرفة وقال"

روحي انتي لفدوى وخدى جودي معاكي لحد ما اشوف مين ده اللي عايز يقابلني وليه!!!

استوقفها الدكتور فهمي قبل ان تخرج  وقال لها"

خلي مشيرة هنا علشان تسمع اللي هيتقال ليك لانها الوحيدة اللي بتسمع ليها ،وكمان  تساعدنا في عرض الأمر علي فدوى اللي مش عارف هتتقبل الصدمة دي ازاي 

طالعته مشيرة بقلق وارتباك وسالت خالها بتوتر"

اعرف إيه يا خالي معقول سمير ظهر تاني ولا في خطر علي فدوى من الارهابي اللي كان عايش معانا،ولا بيفكرو يخطفوها تاني؟ 

خليه يدخل يا خالي يقول اللي عنده  اناخلاص اعصابي مش متحمله وهولد بسبب كل ده قبل الأوان

ابتسم دكتور فهمي علي مضض وقال يطمئنها"

لا متقلقيش مش هتولدى دلوقتي لسه قدامك شهرين وزيادة المهم دلوقتي فدوى اللي هتضيع منا بسبب اللي حصل ولسه هيحصل،ده غير الحقيقة المفجعة اللي اكتشفتها انا هخلي الضابط نضال بنفسه يشرح ليكم كل حاجه بالتفصيل  

ثم طلب من نضال الدخول عليهم لكي يوضح لهم بعض الامور العالقة والنقط الحيوية للفترة القادمة

دخل نضال والقي التحية علي الموجودين ونظر الي نوهير بتفحص كانه يقيمه كشخص سيكون له الند في الفترة القادمة

مد يده يصافحه قائلا بفخر "

اتشرفت بالتعرف عليك نوهير باشا انا المقدم نضال الرفاعي من العمليات الخاصة بالجيش ومنتدب لمهمة تخص الشرطة   في بيت الشهيد سمير فؤاد 

حدق اليه نوهير بغضب وصافحه بلا ترحاب وقال"

اسف خدماتك مرفوضة يا حضرت المقدم، لو حد هيكون مسؤل عن بنت عمي هكون انا وهنفذ الانتداب حتي لو برتبة اقل لو في حاجه تانية غير كده تقدر تنصرف وانا هكلم المسؤول عن انتدابك للمهمة من الاساس

ابتسم الضابط نضال بتحدى وجلس امامه وقال بتصميم"

بس محدش غيري هينفذ المهمة دي يا حضرت الضابط غيري

وقبل اعتراضك اسمع اسباب انتدابي اولا في خبر لازم تعرفه

انت والمدام بتاعتك، الشهيد سمير لقي حتفة من ثلاث ايام

وده التقرير الجنائي والتحاليل اللي تثبت  انه هو ومجموعة من الصور لجثته بعد ما مزقتها انياب كلاب شرسة

سلمه التقرير  والصور التي اختطفت منها مشيرة بعضها وصرخت من بشاعة المنظر وصاحت بجزع"

مستحيل دي تكون اخرته ياريته مات في الانفجار كان ارحم من الموته البشعة دي،بس ازاي لسه ميت من يومين او ثلاثة

وهو مختفي من يوم الانفجار اومال مين اللي مات مكانه وقتها،  انا مبقتش فاهمه حاجه...

رد عليها نضال بحرفية قائلًا"

اللي وصل للإدارة أن سمير كان اسير عندهم طول الفترة اللي فاتت تقريبا من يوم  حادث الاستشهاد وبدلوه بالهلالي اللي كان يشبه له جدا، والواضح ان اثناء إقامته  في سيناء كان بيدربوه ازاي يكون سمير ويحل محله ، 

لحد ما رجع وقدر يثبت للجهاز ولكل العاملين انه سمير  ويخدع الكل واولهم مراته

اخذت مشيرة نفس عميق وقالت بحزن"

اناكده فهمت ازاي الهلالي عرف ادق تفصيل حياة فدوى وسمير قبل وبعد الجواز واستغل حبها لجوزها وحادث اغتصابها واقنعها انه هو  ولعب علينا كلنا المجرم 

اكيد سمير كان عايش وقدروا يستخلصو منه كل المعلومات والتفاصيل اللي تخص مراته وحياته معاها وعن شغله وده الاهم ليهم  ولما خلصت حاجتهم منه،  قتلوه ورموه للكلاب تنهش لحمه يا حبيبتي يا فدوى ازاي هتتحمل كل ده؟! 

هز نضال رأسه مؤكدا صحه تفكيرها وقال "

هو ده اللي اتوصلنا له وبالذات ان جسمه كان فيه جروح كثير قديمة وحديثه غير انه مصاب بطلق نافذ في كل اعضاء جسده كانهم بينتقمو منه وابقو  علي حياته علشان يتعذب  وهو حي والكلاب بتنهش لحمه للاسف

وضعت مشيرة يدها علي وجهها واجهشت بالبكاء بحرقة اخذها خالها في حضنه وقال لها مواسيًا"

سمير مات بطل انسان ضحي بنفسه علشان بلده وهيفضل في وجدانا المهم دلوقتي نفكر ازاي هنقدر نقف جمب فدوي ونخرجها من صدمة موته ومعاشرتها لقاتله 

اخذت مشيرة تهز رأسها برفض وجزع وتصيح بحسرة"

كده كتير اووي يا خالو كتير اووي ليه كده نصيبها في السعادة معدوم، فدوي كده ضاعت مننا بعد ضياع احلي حاجه في حياتها حب عمرها وخداعه سنين طويله مع شبيهه، اتصرف يا خالو ، دا انا ما صدقت لقيتها اقوم اخسرها لاء  حرام والله حرام اللي بيحصلها ده، هو كل ذنبها انها وفيها ومخلصه 

لم تتحمل اعصابها كل هذه الاحداث فانهارت مغشيًا عليها 

لحقها نضال قبل ان تهوي ارضا وتضر نفسها وجنينها وحملها وارقدها بجوار نوهير الصامت من وقت دخول نضال ورفض انتدابه وبدأ حديثه عن سبب مهمته التي لم يوضحها الي الان غير انه اكد علي وفاة سمير مدعمًا كلامه بالصور والتقرير الطبي

عدل نوهير من جلستها  وازاح نفسه لكي يفسح مكان لزوجته  بجواره لكي يريحها نضال ، وجري عليها خالها دكتور فهمي لكي يفوقها وساعده نوهير في ذلك

الي ان استفاقت ونظرت الي زوجها واراحت رأسها علي صدره واخذت تبكي  وتنتحب"

ربت نوهير علي ظهرها بحنان وجدية وقال لها بحسم"

اهدى يا مشيرة مش وقت ضعف، طول عمرك قوية عارف ان  هرمونات الحمل مأثره عليكي بس فدوى محتاجه لنا  كلنا جمبها ولازم نكون قد المسؤولية لحد ما تخرج من صدمتها

قومي روحي اقعدي معاها شويا وكلميها كتير اكيد هي حاسه بينا لازم تعرف ان ليها اهل هيكونو سندها وقوتها

وانا هخلص كلامي مع حضرت الضابط واحصلك، ياريت تاخدها يا بابا وتروح معاها وكويس ان جودي مشفتكيش وانتي  منهاره كانت اتخضت عليكي

اؤمات له مشيرة بالموافقة وشكرت نضال علي مساعدته لها واستأذنت منهم وخرجت بصحبة خالها لتجلس مع فدوى

بعد مغادرتها طلب نوهير من الضابط نضال إن يجلس امامه واخذ يتفحصه بدقه وتمعن وقال "

من الواضح انك عارف طبيعه مهمتك وفاهم كويس ابعادها 

بس في حقيقة غايبة عنك،اني مش هسمح لحد يقرب من بنت عمي سواء بأمر رسمي او ودي يعني من الاخر كده تنسي امر انتدابك لان فدوى من النهاردة تحت وصيتي ، ومفيش مخلوق في الكون يقدر يتعدي علي الحق ده فاهم

ابتسم الضابط نضال بتهكم وقال متحديًا"

اسف يا حضرت الضابط، في العسكريه اللي اتربيت عليها مفيش مكان للعواطف، حتي لو كنت زوجها دي مهمه تندرج تحت بند السرية ووجودك فيها هيكشف خطتنا للارهابين

ثم اي حقوق اظن مدام فدوى كان ليها زوج هو الوحيد اللي له حق الوصية عليها الا لو بتفكر تتجوزها علي بنت عمتها

حدق اليه نوهير بغضب وامسكه من تلاليبه بعصبيه وصاح به قائلًا بحدة وشياطين الارض تتلاعب امام عيناه"

انت مجنون ازاي تتكلم معايا بالشكل، اسمع وافهم كويس كلامي لاني مش هعيده، محدش هيقرب من فدوى حتي لو جالي أمر جمهوري بتعينك هرفضه انت او غيرك

اتفضل خد اوراقك وتقريرك وبلغ رئيسك المباشر يكلمني قبل ما يفكر يبعت حد غيرك 

جذب نضال نفسه منه وجلس علي مقعده بثقة وكأن شيئا  لم يحدث وقال ببرود افحمه"

انا هقوم بالانتداب وده لمصلحتك قبل مصلحة بنت عمك، طريقتك بتقول انك بتغير عليها وبشدة والواضح ان في مشاعر مكبوته جواك ليها وآن الاوان تخرج للنور

اسمعني يا حضرت الضابط ده شغل ولمصلحة الوطن،انا كُلفت بالمهمة لقدرتي علي قرأه الناس كويس وبفهم جدا في لغة الجسد والعيون

اللي ظاهر قدامي منك انسان  غيور  جدا، بس مش واضح غيرة وفاء للعائلة ولا غيرة انسان عاشق

لو كتبت ده في تقرير اللي هرفعه للادارة هيبقي نقطة سودة في ملفك الناصع البياض ، وهيتشك في نزاهتك

اسمعني وافهم ليه انت متنفعش تكون الحارس الامن لمدام فدوى وبعد كده قول قرارك بعيد عن العواطف 

اشرأب نوهير برأسه وضحك ضحكة مجلجه تعبر عن تهكمه عليه وقال ساخرًا"

بصراحه خوفتنا الظاهر غرورك هيكون نهايته علي ايدى، انت بتحفر قبرك بايدك لو فكرت  تلعب معايا 

انت لو تعرف قد ايه جوايا من حقد وغل علي الهلالي اللي خدعها هتعرف ازاي ليه خايف عليها لاني حاسس بالذنب مساندتي له دعمت موقفه وخليتها عاميه عن حقيقته، كل كلامك عن غيرتي عليها لشخصها مش حبًا فيها ، ده وهم في خيالك المريض،  ومحدش ممكن في الادارة يشكك في نزاهتي ، ده ضرب من  ضروب الخيال ان افكر اتزوج علي زوجتي او أحب عليها ،ومين بنت عمي اللي كنت بكن لزوجها الاحترام والاخوة، اكيد انت متعرفنيش كويس لكن هسمعك وافهم وجهة نظرك ونظر الادارة في انتدابك لتامين فدوى

 ••••••••••••••••••••••••••••••••••••••••••••••••••☆

اخذ نضال نفس عميق وقال بصوته الاجش  القوى"

الواضح من كل التسجيلات اللي اتعرضت علي الادارة ان في حد خائن منهم فينا وصعب علينا نكتشف غير بالحيلة ، ولازم ناخذ الحيطة انه يعرف بشكنا بوجوده بينا ، 

 ومادام الهلالي كشف نفسه لمدام فدوى وبعد كده سابه يبقي قاصد يوصل لينا رسالة، ده غير قتله لسمير بالطريقة البشعة دى،  ممكن تكون خطته مبنية علي ان موت سمير هيخلينا نشك ان اهله غدرو بيه وقتلوه  بعد ما انكشف!!

لكن الاهم من الهلالي بنته ومش بقصد هنا هند ، بقصد روح 

اللي اكيد هيفكر يخطفها زي ما خطف هند

وجودك قريب من فدوى هيخليهم حذرين واحنا عايزينهم يظهرو ويكشف نفسهم

ولان تامين زوجة الشهيد سمير مهمة البوليس، تم انتدابي لمهاراتي القتالية المتميزة وسرعة التدخل في وقت قياسي وده بسبب خدمتي بالعمليات الخاصة لوقت طويل،

لكن الاهم جهل  اجهزة المخابرات اللي بيتعاملو معاهم عني لاني مش ضابط بالداخلية ولا بالجيش 

يعني تقدر تقول كده من فرق الكوماندوز اللي بيظهرو وقت الضرورة لكن ملهمش سجلات معروفة

طبعا يزيدنا شرف اكون تحت قيادتك لكن كل ما يلزم لتأمين بنت عم سيادتك واسرتها هيكون من تخصصي انا وبس

ثم نهض فجأة والقي التحية العسكرية له بأدب جم  قائلًا بصوت قوى وجهوري جاد وحازم "

اتشرف انا نضال الرفاعي بالعمل تحت قيادتك يا فندم

أبتسم نوهير من حماسة وقوة اقناعه وشدة بأسه وتأكد انه الراجل المناسب الذي يستطيع الاعتماد عليه لكن ليس مع ابنة عمه المكلومه في زوجها والمنهارة نفسيا، لم يعلم لماذا هو خائف عليها من هذا الضابط الذي  له قوة حضور لا يستهان بها، ليذكره بشخص ما خدم معه وكان يكن لها محبة كبيرة

مما جعله يتفحصه بقوة كبيرة، وجال بنظره علي صفحة  وجهه الابيض المشرأب بالاحمرار وعيونه الرمادى وشعره الفحمي الناعم القصير كما  هي قوانين العسكرية،

تنهد بحيرة من ملامحه التي تدل اكثر علي انه واحد من ابناء المنصورة، وليس من جنوب الوادى كما هو مدون في ملف خدمته الذي قدمه مع التقرير عن سمير ،

هذا غير إن حصيله مهماته وعمره الذي يعطيه رتبة اقل من مقدم وهذا ما يؤكد حصوله علي ترقية استثنائية في احدي مهماته الخاصة، كل هذا جعل حيرته تزيد مع نفسه بين تردده في رفض انتدابه وبين قبوله  لانه انسب شخص لحماية فدوي  بدون ما ينكشف أمره 

 كما يؤكد ملفه علي حسن وسرعة تصرفه في المواقف الحاسمة، 

لهذا وجه اليه سؤال يقطع به حيرته"

قبل ما اقولك رأيي في  سبب انتدابك، انت كام عملية قمت بيها ومن امتي انضميت للعمليات الخاصة؟؟

ركز نضال نظره عليه وقال بثقة وقوة شكيمة "

نضال الرفاعي ، العمر ٣٥ سنه تم انضمامي للجيش من ١٣ سنه 

والي العمليات الخاصة من ٨ سنوات 

قمت ب٣٥ عملية خاصه تندرج تحت بند السرية بدون لفت انتباه الاعداء  او خسائر للارواح 

كان عرض تعريف  مفصل عن نفسه نقطه قوية  في كسب ثقة نوهير الذي عاد وساله قائلًا بمرح وحس فكاهي ليهدا ما بينهم بعد الاجواء المتوترة التي تعارفا بها في بدأ الأمر "

سؤال سخصي يا نضال متجوز ولا تعشق الحرية ؟!

ابتسم بقوة وقال بحدية "

متزوج يا فندم ووعندي اتنين من الابناء والثالث في الطريق 

هز نوهير راسه مستسلمًا وقال بحسم"

تمام يا حضرت المقدم نضال، انا موافق علي انتدابك وياريت تطلعني علي كل جديد ، تقدر تستلم مهمام عملك

بس لازم تعرف انا وافقت لاني اقتنعت برؤية الادارة لكن انت نفسك كشخص مش عارف حاسس براحه وغموض من امرك وده حاجه كفيلة الايام تثبتها اتفضل انت تقدر تنصرف

شكره نضال بحماس وخرج من عنده وضرب احد جوانب الحائط بقوة وقال مع نفسه"

اول نقطه حصلنا عليها ونجاح ساحق وغير متوقع، 

 فاضل النقطة الاهم والاقوي  مدام فدوى ؟!

 ••••••••••••••••••••••••••••••••••••••••••••••••••☆

يتبع.......

الفصل الخامس اضغط هنا