#حب_أحلي_من_حب
#الخاتمة_ج٢
**__**___***___***___&&&
بعد ان أفضت عبير الي إلياس بسر وليدهم الذي لم يكتمل حمله تشعر بغضبه منها وليس عطف عليها كم توقعت ان يسالها اذا كان يتقبلها بوضعها الجديد
لتتفاجأ به يصرح لها بانه سيؤلمها كما المته ووجعته لتساله عبير بذعر وخوف من نيته قائلة بتوتر"
أنت بتقول اية يا إلياس ، يعني اية هتوجعني زي ما وجعتك
اية هتطلقني ولا هتدفني بالحياة مع زوجه تانية،
ووجع ايه أية اللي عايز توجعني بيه هيكون اكثر من اللي مريت بيه ، انا الالم خد مني كتير خلاص مبقاش عندى مقدرة لوجع اكثر من اللي عيشته في بعدى عنك وحرماني منك
يثور إلياس بطريقة هيستريه لم تكن تتوقعها عبير ليصرخ فيها بكل الغضب الذي كان بداخله وانفجر في وجهها كالبركان"
أيوة يا عبير هوجعك بالكلام زي ما وجعتيني بالافعال لاني مبقتش املك غيره
ترتعد.عبير خوفآ منه ومن شدة غضبه عليها لتنكمش علي نفسها ناظرة اليه بأسف مرددا"
_انا وجعتك قصدك علي فراقي عنك ولا علشان حملي ، والله كان غصب عني انا فعلا طايشه ومتهورة وليك حق تلومني لكن ورحمة عمو عرفة بلاش تقهرني اكثر من كده
يلف حوالين نفسه كالتائه يكور قبضته ويضرب جدران الغرفة بقوة منفسآ فيها عن غضبه المشتعل ليصيح فيها بحدة "
ايوة يا عبير وجعتيني وجع مش قادر اتحمله، ليه يا عبير ليه عملتي فيا كده هو كل ذنبي اني حبيتك
ليجذبها لصدره ويضغط عليها بقوة محطم اعصابها المنهارة سلفا لتأن المآ بين يداه من شده ضمته التي كادت ان تكسر ضلوعها لتحاول ان تخرج من سجن احضانه ، لتستكين فجاة بعد ان شعرت بدموعه علي جبهتها لتساله بارتباك"
إلياس انت بتبكي مش ممكن للدرجة دي وجعتك وشايف اني ظلمتك باللي حصلي ، وحرمانك من اني احمل اطفالك
خلاص يا إلياس دموعك دي غالية عليا ،واثبتت قد اية انت بتحبني وعلشان بحبك انا .....
يقطع أسترسالها في الحديث بوضع يده علي شفتاها ليصمتها وينحني علي ثغرها يقبله برقة وعذوبه جعلت اوصالها ترتجف بشدة من فيض مشاعره الحارة،"
يتنهد بقوة وهو ينثر سلسله من القبلات علي وجنتيها قائلآ بصوت مهزوز مشحون بالعاطفة "
اسكتي يا عبير كلامك بيزيد من المي ووجع قلبي، عايزة تعرفي وجعتيني ازاي يا طفلتي المدلله
وجعتيني لما حرمتيني من ان يكون كتفي ليكي ملجا لتبكي عليه دموعك وصدري لأحتوائك وتخفيف آلامك،
حرمتيني من اني اكون جمبك في محنتك اللي هي محنتي
تواسيني و اواسيكي ونخفف عن بعض
وجعتيني لما كنت انا بدعي عليكي تقاسي اللي بقاسيه وتتألمي ألمي وانتي كنتي بتتألمي ليا وليكي ووجعك يزيد علي وجعي أضعاف، مين ادالك الحق تحزني لوحدك، انت كل ما فيكي ملكي واللي ضاع منك ملكي كل حاجه فيكي حقي انا وبس حزنك وجعك ألمك جرحك بسمتك وفرحتك ليا يا عبير مفكرتيش تكلميني وتشكيلي وتشيلي عنك كل آلامك
وانا اللي كنت بقول سعيدة ومرتاحه، اتاريكي كنتي منبع للالم والحزن ، انا موجوع أوووي يا عبير لاني اتحرمت من كل ده وكان في غيري اللي جمبك وقت ألمك
تحضن وجهه المحتقن من الغضب وتقبل وجنتاه بحب"
مكنش في حد والله يا الياس ما كان في حد، كنت بظهر قوية لحد ما اكون لوحدي اناجيك وابكي علي سيرتك
إلياس انا اشتغلت علشان اصرف علي نفسي وابنك ورفضت كل عروض شوقي بمساعدتي ، رغم انه كان وكيل اعمالي ووقف جانبي كتير، لكني رفضت يكون ليه اي حق عليا ، لاني حقك انت وبس ملكك وهعيش واموت وانا ملكك
يضع يده علي فمها ليصمتها ويضمها من جديد"
ايوة يا عبير انتي ملكي وحبي وكل حياتي، واقسم بكل غالي
عليا ، لاعوضك كل لحظة حزن والم عيشتيها من غيري
تنظر اليه عبير بانبهار وتحتضنه بقوة وتهتف بخفوت"
يعني مش هتتجوز علشان يكون ليك وريث لثروتك، وكمان يمد سلسال العيله
يضحك بقوةويحملها ويلف بها لينزلها وينظر الي عيناها بحب"
اتجوز انتي هبله ، انا ماصدقت انك رجعتيلي ورجعت معاكي الحياة
مش كفاية بعد وفراق عايزه كمان حد يشاركني فيكي
لاء يا عبير كل نساء الارض انت في عيوني، مش عايز غيرك
ولو علي الاطفال كفاية عليا بنتي اللي هتطلع عيني في تربيتها ،بس علي قلبي زي العسل
تتطلع اليه عبير بدهشه وتساله بحيرة"
بنتك هو انت عندك بنت
يمسكها من ذقنها ويهزها وينزل علي ثغرها يقبله"
طبعا عندى بنت مهما كبرت هتفضل طفلتي اللي معاها بعيش احلي مشاعر الابوة ،
انت بنتي يا عبير طفلتي الغبية اللي مش بتكبر ولا بتقدر تفكر بمخ العصفور اللي في راسها ،
مين يبقي عنده انتي ويفكر في اولاد ، انتي بيكي استكفيت
ترتجف شفتاها من شعورها المتزايد بعشق إلياس لها الذي تخطي الحدود لتساله بتردد"
يعني مش هيجي يوم عليك وتتمني ابن يحمل اسمك
يهز راسه بالرفض ويلمس انفه بانفها بشقاوة"
لاء مش هتمني ، لان اولادى لو مش منك انا مش عايزهم،انا ديمآ كنت بحلم ببنت تاخد جمالك ورقتك وغمازاتك ونقاء قلبك، وولد ياخد شقاوتك وخفة دمك وتهورك وطيشك ، غير كده انا مش عايز أفهمي بقي يا عبير انا بعشق تفاصيلك
انا مش عايز من الدنيا دى غيرك،رضيت بيكي تكوني نصيبي منها ، بكل اخطائك ومصايبك وخوفك وتهورك وطيشك وضحتك وغمازاتك وشفايفك اللي لو ملتهمتهش هكلهم اكل
تجول بعينيها علي ملامحه الجميله الهادية التي عادت الي طبيعتها لتملس علي شعيرات ذقنه وتهيم به عشقآ"
انت جميل اوووي يا إلياس كل حاجه فيك حلوة اوووي حبك عشقك حتي غضبك وقوة ارادتك ورزانة عقلك، فعلا انت بتكملني بكل ما فيا من عيوب بعشقك يا روح روحي
يضمها إلياس اليه ويغمرها بحضن قوي بين ذراعيه ويبعدها عن صدره ويحدق بها ليسالها فجاة هو يلعب في احد ازار قميصه الذي ترتديه"
هو انت استوليتي علي قميصي خلاص مش ناوية ترجعيه
تستغرب عبير سؤاله لترد عليه بحيرة وارتباك "
لا طبعا هرجعهولك اصل مفيش ملابس ليا هنا البسها غيره،
تغيم عين إلياس بشكل خطر ليبتسم اليها بعذوبة اسرتها "
وانت هتحتاجي تلبسي ليه ، خليكي علي طبيعتك مع جوزك حبيبك ، مش كان بينا موضوع كده مخلصنهوش لما اتصل بيا
د/ عدلي ، تعالي نكمله وبالمرة نعوض نفسنا سنين الحرمان
تشهق عبير من نظرات الرغبة المشتعله في عين إلياس وجرأته عليها ، لتراه ينزع عنها قميصه ويحملها ويلقيها علي الفراش بطريقة رومانسية ويجثو بجوارها هاتفآ"
مالك يا حبي، مستغربه ليه خلاص خوفي من انك تهربي مني تاني انتهي، سيبيني اعيش معاكي ايامي زي ما كل زوجين بيعيشوا ، ده غير انك عليكي واجب متاخر ٧ سنين يعني حصص الاضافي هتبقي كتير اوووي
ولازم نخلصها علشان نبدا في الجديد ، واوعدك انه هيكون مبهج وسعيد ليا وليكي يا رشيقتي الجميله
تضحك عبير بدلال، وتتقبل عشقه لها بتجاوب كبير ليسرقها إلياس من عالمها ويجرفها معه الي عالم الشغف والمتعه
الا ان ازيز هاتفه المتواصل يعيدهم الي ارض الواقع، ينهض إلياس ويتأفف بغيظ"
اللي اخترع المحمول ده راجل مش جدع ، بعد كده فكريني افصله طول ما انت في حضني
تضحك عبير خجلآ وتساله "
مين اللي بيتصل عليك دلوقتي اكيد مش د/ عدلي
يزفر إلياس بضيق وهو ينظر لهاتفه قائلآ"
ده رقم غريب، احسن لانه لو د/ عدلي كنت هزقته ، سيبك بقي من الفون وتعالي نكمل حصتنا
لكن يعلى ازيز مرة اخرى ليتأفف إلياس ويهم بغلقه لتحمسه عبير بالرد عليه لعله اتصال مهم،
يرد إلياس عليه باقتضاب"
الووو مين
ياتيه صوت مرح من الطرف الاخر يساله"
معايا المهندس إلياس
يجيب إلياس بضيق "
ايوة انا المهندس إلياس حضرتك مين
يرد عليه المتصل بتوتر"
انا شوقي ابن خالة عبير ممكن اكلمها
يحدق إلياس في عبير بشدة ويقول بحنق"
ده شوقي ابن خالتك جاب رقمي منين وعايز اية ، انا ههزقه
تشد منه عبير الهاتف قبل ان يهينه"
اكيد خده من نجلاء او سما، اكيد حاول يتصل بيا بس فوني فصل شحن من الصبح ارجوك متتكلمش هرد عليه الاول وبعد كده هفهمك كل حاجه
يقطب إلياس جبينه ويزفر بضيق وغضب قائلآ باستسلام"
خلصي لما اشوف أخرتها معاكي
ترد عليه عبير بلهفه"
شوقي طمني عملت ايه وانت فين دلوقتي
يرد عليه شوقي بحماس"
انا لسه خارج من مطار القاهرة ، واتصلت عليكي كتير علشان اطمنك واخدت العنوان منك لكن فونك مقفول واتصلت بنجلاء وهي اللي اديتني رقم جوزك
تتهلل اسارير عبير وتسأله باستعجال"
قولي جه معاك ، ولا رفضو
يضحك شوقي "
ايوة معايا ومشتاق ليكي بجنون ، اديني العنوان وساعة زمن هكون عندك وتشوفيه بنفسك
تبتلع عبير ريقها من التوتر والترقب لتعطيه العنوان بالتفصيل وتطلب منها الاسراع لكن بحذر
تغلق معه الاتصال لتري الياس ينظر اليها بغضب ويصيح فيها"
هو مين اللي هيجي هنا عبير انت اتجننتي ، شوقي ده لو جه هنا انا هدفنه حي ، اتصلي بيه وخليه مايجيش احسن
تنهض عبير من الفراش وتحضن إلياس بقوة وتقول وهي تتهلل فرحآ"
لا طبعا ، مقدرش اقول كده انا بانتظاره من امبارح علي نار واتفضل زي الشاطر ، جهز نفسك لاستقبال اجمل واطعم ضيف هينور بيتك
يثور عليها إلياس ويبعدها عن صدره بقوة وقد تملكته الغيرة"
انت اتجننتي بقولك شوقي لو جه هنا هقتله، تقوليلي ضيف
عبير انا عندى استطاعه اتحمل كل حاجه تخصك، لكن شوقي ده بالذات نفسي اخنقه بايدى لانه ساعدك في هروبك، وكان بيسعي لطلاقك مني وانا ما عنديش استعداد اتهاون معاه
ترجع لتلقي نفسها لجوف صدره وتضمه بقوة قائلة بحماس"
بس اللي عمله علشاني من امبارح للنهاردة، يستاهل تسامحه علي كل افعاله معايا
يرمقها إلياس بنظرات تملأها الحيرة ليسألها"
وهو عمل ايه الاستاذ ده علشان اسامحه علي اللي عمله سابق
تقرب ثغرها من شفتاه وتقبله برقه وتهتف بتصميم"
شوقي سافر فرنسا امبارح علشان يجيب ابننا سيف من هناك
يحدق إلياس بها غير مصدق قائلا بذهول"
ابننا ازاي انت مش قولتي انك اجهضتي
تهز راسها رافضه بشدة وتضم راسه المذهوله الي صدرها قائلة بحرارة وحماس "
انا مقولتش اني اجهصت قلت الحمل مكملش.....؟؟؟
☆☆☆☆●●●●☆☆☆☆
يتبع....
معلشى يعنى ايه الحمل ماكملش
ردحذفوعند سيف
يعني اي الكلام قليل بك انت كاتبة مبدعة ورائعة نزلي باقي الخاتمة شوقتينا😍😍😍
ردحذفانا كدا اطمنت اتى اخذت حتة من دماغ سلمى لان توقعاتى صح انا كنت متأكد
ردحذفكدا فعلا أنا تهت
ردحذفانا متأكدة انها مأجهضتش وأن يكون ابنها فى فرنسا ياسلام عليكى ياسلمى لسه مفاجأت ايه تانى
ردحذف