رواية اغتصاب حالمة / الفصل الاول

#حلقة_خاصة

**___**__**___&&&&

بعد مرور خمس سنوات 

من داخل بيت العزبة 

تتمدد عبير علي أحدى الآرائك بأسترخاء تام وبجوارها يجلس إلياس ممسكآ يدها بحب وحنان

تدخل عليهم مهروله طفله لم يتجاوز عمرها الا أربع سنوات وتلقي نفسها بحضن إلياس الذي يتلاقها علي صدره سأئلآ اياها 

في أية مالك بتجري كدة لية؟ ؟

تدفع وجهها في جوف صدره لتلتقط بعض أنفاسها المتسارعة

في حين تدخل  عليهم سارة مندفعه ومعاها ابنها احمد البالغ  من العمر ثلاث عشر عامأ والدم ينزف من جبهته لتصيح في الياس الذي هب  ناهضآ سائلآ عما حدث "

سارة حصل اية لاحمد، والاصابة دي حصلت ليه أزاي؟!

ترمق سارة الطفله بغيظ التي مازالت تتحامي في حضن الياس بثقه  غير مبالية بنظراتها العدائية لها "

المزغودة شهد ضربته بالمنجل كانت هتفتح دماغه لولا ستر ربنا، اقول ايه طالعه لأمها مجنونه وطايشة

تضحك عبير بصوت عالي وصاخب محاوله النهوض ليعاود إلياس الجلوس امامها ويجبرها بالا تتحرك  قائلآ"

اهدى يا ماما مش لازم تقومي من مكانك اتكلمي  وانتي نايمه

لينظر الي اخته بضيق"

في اية يا سارة يعني  اية مجنونه زي امها ، لو زعلانه من شهد متغلطيش في بيرووو محدش يقول عنها مجنونه غيري   ثم انا عندى ثقه في بنتي،اكيد احمد ضايقها او غلس عليها شهد بنت ابوها مش متهوره خالص

تحتج عبير قائلة بحدية "

نعم ياليسووو قصدك اني فعلا مجنونه ماشي ، انا هعرفك الجنان علي اصوله 

-تحاول النهوض مرة أخرى ليثبتها إلياس بقوة حتي لا تنهض ويميل عليها محدقآ في عينيها العسليتان التي يعشقهما ويأسرآن قلبه العاشق المتيم بها  هامسآ برقة"

-مجنونه وبحبك بجنون يماثل جنونك مشاغبة وبعشقك بكل ذرة في كياني متهورة واموت فيكي انا ، سماح يا حب

-ممكن تهدى بقي علشان متجننش عليكي انا يا روح الروح

تستكين عبير  وتهدأ وتعاود تمديد جسدها بأريحية لتجذبه من رقبته وتحتضنه بقوة هاتفآ بحرارة "

-أنا مكنتش هقوم يا حبي انا بس كنت عايزة أسمع الكلمتين الحلوين دول منك علشان كدة قلت اللي قولته

يضمها إلياس إلية بشده ويغمرها بين ذراعه لتصيح سارة"

- يارب صبرني انا جاية علشان اشتكي من بنتك المشاغبة ولا اتفرج علي وصلة عشق بينك وبين مراتك، احترم وجودي يا إلياس وشوف لي حل مع بنتك واللي عملته في أحمد

يضحك إلياس ويرفع راسه عن صدر عبير لينظر اليها"

-اسف ليكي  يا ست سارة، ها يا احمد قولي شهد عملت كده فيك لية وأحكيلي بالتفاصيل وانا اخدلك حقك منها

تجذبه شهد لياخذها في حضنه ويجلسها علي ساقة وتقول"

لاء يا بابا احمد مش هيقول صح انا اللي هقول ، وخلي عمتو متقوليش يا بنت المجنونه  تاني لازعلها انا بقولك اهوه

تكتم سارة ضحكتها وتمثل الغضب قائلة"

بقي انت يا شبر ونص هتزعليني لو قولتلك يا بنت المجنونه

طيب بلاش بنت المجنونه ينفع يا بنت الهربانه

تقهقه عبير من الضحك وكذلك إلياس لتنظر إليه شهد بحيرة"

-بابا هي ماما هربت منين هي كانت  مسجونة!

يغمرها بين ذراعيه بقوة وهو مازال يضحك قائلآ بمرح"

-سيبك من كلام عمتو واحكيلي عملت كده في احمد لية؟ ،ثم مش انتي بتحبي تلعبي معاه ليه كنت عايزة تفتحي دماغه!!

تمسك يدة وتضغط علي اصابع ابيها قائلة"

بص يا سيدي انا هقولك اول حاجة

احمد ده غلس  وانا مش عايزاه يجي هنا تاني لتنزل فجأة من علي ساق ابيها وتدفعه بقوة صائحة"

-أنت يا رخم متجيش هنا تاني ده بيتنا وبيت ماما واخواتي

يجذبها إلياس من امام احمد وقبل ما تحتد عليها سارة التي ظهر علي محياها الغضب من كلام شهد الطفولي المتهور  "

ليميل علي عبير هاتفآ بصوت خافت"

البت طلعالك مندفعه ولسانها عايز قطعه يا زين ما ربيتي يا بيرو  والله 

ينزل الي مستوى ابنته ويرفع اصبع  السبابة في وجهها محذرا" 

-شهد اوعي اسمعك مرة تانية تقولي لعمتو كده او ابن عمتك

ده بيت ابوها اللي هو جدك وكمان بيت اخوها وليها فيه زينا  بالظبط ، وقبل ده كله لازم تحترميها

ولو احمد زعلك عاتبيه وبلاش العنف واسلوبك ده علشان المره دي عدت علي خير مرة تانية ياعالم يحصل ايه!

اتفضلي اتكلمي وقوليلي عمل ايه  أحمد ل ده؟؟؟

تقطب جبينها وتنظر الي ابيها بضيق لتوليه ظهرها  وتعقد ساعديها امام صدرها صائحه بغضب"

- انا زعلانه منك ومش هكلمك، ولما يجي جدو هروح معاه ومش هقعد معاكم علشان انت بتشخط فيا 

وتلتفت لتضع يدها علي صدر أحمد ابن عمتها الصامت "

بسبب الواد الغلس ده انا مخصماك و مخصماه بس

تحملها سارة بصعوبة لمحاولة شهد المستميتة تخليص نفسها  منها  لتحتضنها بقوة حتي لا تتركها تفلت من بين يدها" 

-بقي يا بنت عبير انتي مش عايز حد يغلطك ابدا، وتزعلي لما نفهمك الصح من الغلط طيب يا ست البنات علشان متزعليش انا هاخد احمد ومش هنجي هنا تاني ارتاحتي

تهز اكتافها ببراءة ناظرة الي احمد بغيظ"

يا عمتو انابحبك بس احمد هو اللي ضايقني واصطاد السمان بتاعي وانا بحب اشوفه وهو بيطير ويكون كتير

يحدق إلياس في عبير بشدة ويضحك فجأة بطريقة هستريه

تسترعي انتباه سارة واحمد الذين ينظرو اليه بأستغراب ، وتزيد حالة استغرابهم انفجار عبير في نوبة ضحك هي الاخري

لتسالهم سارة بضيق من ضحكهم الساخر"

-ممكن افهم اية سبب الضحك ده كله ، منك انت ومراتك!!

يرد عليها إلياس بهدوء "

انتي مش واخده بالك يا سارة ان شهد بتعمل في أحمد نفس اللي كانت عبير بتعمله فيا ،

كأن التاريخ بيعيد نفسه حتي جري شهد عليا والاحتماء فيا فكرني بعبير وهي بتجري مني وبتسخبي في حضن بابا بعد ما لطخت قميصي  الأبيض بالطين

بس عبير كانت بتفطسني علي نفسي  وهي بتجري ، كنت بالعافية بحاول اسيطر علي نفسي ومضحكش 

ليتطلع لعبير المنتفخه ويضع يده علي بطنها بحب"

فاكرة يا بيرو كنتي تقريبآ بنفس حجمك، بس الفرق كنتي بنوته مريضه بالسمنه ، مش حامل في ابني وبتربية جواكي بحب وتضحية ملهاش مثيل

تحمم سارة لتجعله ينتبه لوجودها معهم قائلة بسخرية"

لا والله وانت مش بتضحي لما قاعد جمبها بترعاها ليل ونهار 

علشان تكمل حملها علي خير

عارف يا إلياس  كنت دايما شيفاك حنين وعطوف، لكن مع عبير بشوفك اساس الحنان كله ومش  بتتحمل تغيب عن عينيك ساعتين ثلاثه علي بعض 

دا انت بتخاف عليها من النفس اللي بتتنفسه ياراجل

لتندب حظها بتهكم قائلة"

يا عيني عليا اللي جوزي ما بيصدق يسافر ويسيبني  بالاسبوع قال ايه بياخد هدنة من الجواز 

هقول ايه اصلا الجواز ده حظ وانت حظك مع اليأس نار

تفتح كف يدها   في وجهها هي والياس بطريقة ساخرة "

خمسة وخميسة يا سارة امسكي الخشب انتي بتحسدينا ،مش كفاية السنين اللي عشناها في بعدنا عن بعض

يغمرها اليأس بحضن دافئ حنون"

-خلاص يا بيرووو بلاش نفتكر اللي فات ولا انتي ناسية  اي توتر او انفعال زائد خطر عليكي 

وانت يا احمد بلاش السمان اصبر لما يجي الموسم بتاعه بيكون كتير ولما تصطاد مش هيأثر في الكمية

ويقترب من شهد التي انزلتها اخته وينزل لمستواها قائلآ"

اسمعيني كويس يا قلب بابا، احمد ده اخوكي، ومينفعش تزعليه منك ثم السمان احنا اللي بنربية علشان نصطاده وناكله، وكمان بلاش  تغلطي في اللي اكبر منك علشان محدش يكرهك، اتفقنا يا قمر 

لتؤمى رأسها الي ابيها بالموافقه ، ليقول لها إلياس"

- شطورة بنتي يلا اعتذري لأحمد وعمتك علشان لما ملك تيجي ببنتها تخليها تلعب معاكي 

تهز رأسها بالموافقة وتقترب من احمد قائلة له بندم"

معلش  يا احمد مش هعمل كدة تاني بس انت متبقاش تغلس عليا  وتغيظني بصيدك للسمان 

يحضنها احمد بحب وسعادة "

وانا كمان اسف مش هغيظك تاني لاني بحبك ومقدرش علي زعلك يا شوشو يا عسل

تتهلل اسارير شهد بالفرحه  لاعتذار احمد لها وحنانه عليها 

لتقول لها عبير بحماس "

عارف يا احمد ان اجمل ما فيك، صراحتك لمشاعرك وعدم خوفك من الرفض علشان كده انا واثقه انك فعلا لو بتحب شهد بجد عمرك ما هتبخل عليها بمشاعرك وهتقدر تحتويها بسرعه قبل ما يفرقكم اي مشكله تقابلكم

تغيم عين إلياس ويتأفف بضيق "

وانا مكنتش صريح معاكي يا عبير في مشاعري، ولا ناسية انك انت اللي هربتي مني في طفولتك وحرمتيني اكون جمبك

تملس بيدها الناعمة علي صفحة وجهه الخشنه وبنظرة حانية من عيناها التي ترقرقت بها بعض الدموع  علي  أطلال ذكريات فراقهم  المؤلمة"

يا ليسو يا حبي، اللي حصل بينا كان غصب عني وعنك ، كل الظروف حكمت علينا بالفراق،وده كان نصيبنا

ثم  سبب فراقنا كان  خوفك عليا من مرض السمنه ، مش خوفك من البوح بحبك ليا، 

لكن كلامي لاحمد عن احتواء  الحبيب لحبيبته وان لازم يكون في ثقه في مشاعرهم ويبوح بيها ميستنوش لما الزمن يغدر بيهم ويندموا علي حبهم اللي ضاع

تبتسم لهم سارة ابتسامة رضي سعيده باخيها الذي وجد اخيرآ الراحه و السلام الداخلي مع معشوقته لتهتف مازحة"

افهم من كده انك بتفكري ان أحمد يتجوز بنتك شهد !

لا طبعا هو أنت حد مصلطك عليا يا عبير،زمان تاخدى حنان ماما وبعدها حب بابا وعشق الياس ودلوقتي تاخدى ابني

لا طبعا انا هرفض ثم ملقتيش غير ام لسانين دي اجوزها لابني ، هو حد قالك اني غاوية مشاكل

يضحك الياس وينهض لياخد احمد تحت ذراعه وكذلك شهد قائلآ لاخته بتصميم"

اسمعي يا سارة لو احمد عايز شهد هجوزهاله غصب عنك

تجسد تكشيرة غضب  علي وجهها لتقول بمرح"

يا حبيبي ده كل منايا ان أبني يتجوز بنتك ، انا موافقه  شهد شهد هنعمل  اية بقي معندكش بنات غيرها

لتحتج شهد برعونة وتسرع"

ولو في بنات غيري يا عمتو انا اللي هتجوز احمد علشان هو قال انه بيحبني 

وتطلع لها لسانها لتغيظ عمتها وهي تمسك يد احمد بقوة"

قولها يا احمد انك بتحبني انا وبس

تغتاظ سارة من افعالها المجنونه وتصيح فيها"

طيب انا هوريكي يا بنت عبير شوفي مين هيخلصك مني وتجري وراءها وتضحك عبير والياس واحمد يجروا وراء امه يمنعها من اللحاق بشهد ليقف بينهم سيف قائلآ"

لو سمحتي يا عمتو مسمحش لحد يمد ايده علي اختي 

تحدق به سارة بنظرات مملوءة بالاعجاب والفخر"

اهلا بالعاقل ابن العاقل انا بقي هشهدك علي اختك اللمضة علشان ابوك مش فاضي ليا غير يحب في امك ويخلي باله منها ومن البيبي اللي جاي في السكة

يتطلع سيف الي ابيه وامه ويحتضن اخته بقوة قائلآ"

من حق ماما تنال اهتمام بابا لحد ما تقوم لينا بالسلامه ؛؛ وفي الوقت ده انا مسئول عن اختي واخويا مسؤولية كاملة لاني اخوهم الكبير وواجبي اخفف الحمل عن  بابا

اتفضلي يا عمتو قولي اللي حصل ولو ليكي حق هجبهولك

تحتج شهد قائلة "

عمتو ملهاش دعوة بيا هو احمد وسامحني لانه بيحبني مش كده يا احمد قول لسيف 

يهز احمد راسه بالموافقة قائلا"

فعلا يا سيف انا مش زعلان من شهد  خلاص وعدتها مزعلهاش تاني ابدا  لاني بحبها اوووي

تضع سارة يدها علي خدها تندب حظها"

يابختك يا سارة الواد وابوه املي ضايع فيهم ، انا مليش حد كده ينصفني خالص

لتتفاجاة بأحتضان  زوجها  لها من الخلف هامسآ"

ازاي بس يا ست قلبي انا ، هو انا علشان بغيب عنك يبقي مش بحبك انتي عشرة العمر كله يا سارة

تلتف سارة وتتلقي حضن زوجها بفرح "

ربنا ما يحرمني منك يا عمري كله ويا ابو ولادى انا كنت بس بعاكس العيال اللي مطلعين عيني من يوم حمل عبير  

انت عارف  متحمله مسؤوليتهم لحد ما تقوم بالسلامه

ينهض إلياس ليحتضن اخته ويقبل راسها"

ربنا ما يحرمنا منك يا حبيبتي والله من غيرك مش عارف كنت اعمل اية بس فين هادى مشوفتهوش من الصبح يجي يشوف حل مع تؤامته اللي مغلباكي

تجلس سارة بجوار زوجها الذي اخذ بيدها لترتاح بجانبه"

"هادى "حماك جه أخده علشان يسلي عرفان انت عارف بيحب يلعب معاه عن سيف اللي بيكره اللعب ومنطوي علي نفسه

يجذب إلياس يد سيف ويجلسه علي رجله "

سيف ده بيفكرني بنفسي ، بس انا لما كنت في سنه  كنت بقضي  اغلب وقتي  في حل الاحجية وبعدها انشغلت بمجنوتي 

قولها يا سيف انك هتطلع مهندس زيي

يهز رأسه بالرفض القاطع"

لاء يا بابا انا عايز اطلع دكتور زي عمو عدلي، وأخدم الناس

يبتلع ريقة ويقول لابية بارتباك ملحوظ"

متزعلش مني يا بابا ، بس انا ليا عندك طلب ياريت تتصل بعمو عدلي  وخالو شوقي  و عمو عصام  يجو باولادهم يقضوا اليوم معانا  ممكن يا بابا؟؟

يحضنه بقوة وتنضم له شهد الغيرانه من اهتمام ابيها باخيها سيف لتطلب ان  تجلس هي  الاخري علي رجله قائلة بغيظ"

بابا وخلي كمان جدو يجي ويجيب معاه "عزة وعرفة" عشان خاطر" هادى" يلعب معاهم ولا هتعزم اصحاب "سيف "وبس

يضحك الياس ويقبل كل منهما علي وجنته قائلا بسعادة"

ماشي موافق اهو نغير جو البيت لماما اللي مش بتخرج خالص وبالمره يسلوا ماما

انا هتصل بيهم اعزمهم يقضوا يوم الجمعه الجايه معانا "

علي الاقل ارد جميل د/ عدلي  معايا لانه سبب في أن ماما تحمل من جديد ويكون ليك اخوات

ليمسك هاتفه ليتصل بعدلي  وزوجته سما يعزمهم علي قضاء يوم معهم ويسمع صوت يجعل جسده ينتفض بقوة.....!!

     ☆☆☆☆●●●☆☆☆☆

يتبع

 الفصل الثاني اضغط هنا