رواية عشق من رحم الحياة( نوفيلا عشق الأسير) الفصل الرابع

 #عناد_امراة_وكبرياء_رجل

#البارت_الرابع

#نوفيلا_عشق_الأسير

**___**____**_____***____&&&&

تصر  سلمي علي موقفها بان تسمي ابنها علي اسم ابية لتقول لجنا بعصبية ضاربة بعلاقتة وحبها لحمزة عرض الحائط"

لتقول لها بكل رعونة"

 استحاله أتنازل عن حقي في تسميه ابني (ناصر ) حتى لو كانت النتيجه هي فراقي وطلاقي  من حمزه

 ليدخل حمزه وينظر لها بكل حزن يتخيله انسان ازاي في لحظه حبيبه قلبه وعشقه الوحيد طوال ٨  سنوات لم يقسوا عليها في مره من المرات او يذكرها بانها بنت عدوه وكان يتعامل معها على انها سلمى زوجته وحبيبته كان له الاخ والحبيب والعشيق وفوق انها في ثواني باعت كل ذلك من أجل اسم ابنها!! 

 اللي هيكون سبب في فتح جراح جديده ومش هتقدر تخبئ حقيقه ماضي والدها مهما حاولت لانه كان ماضي اسود لا يشرف احد

 يقول حمزه

 للدرجه دي انا رخيص قوي يا سلمى!! هان عليكي عشرتي بالساهل كده ! بس في مثل بيقول" اللي يهون عليه هو عليا  اهون"

 اسف يا سلمى مش انتي اللي هتطلبي الطلاق انت حتى مصبرتيش عليا اهيئ نفسي واللي حواليا لمجرد اسم زي ما بتقولي ؛ بس اسم مش بنحب نذكره لانه شخص جرحنا وكان عايز يسلبنا اعز ما لدينا

 كان بيحاول يدمر مستقبلنا سبنا في شرفنا ؛ بس انتي للاسف مش عايزه تشوفي الحقيقه دي قدامك كل اللي يهمك تفرضي رايك وبس ولو على سبيل عذابنا كلنا 

او يمكن عايزة تحسي بقيمتك!  مع العلم اني عمري ما فرضت عليكي حاجه بالعكس كنت بحاول اعوضك بشتى الطرق جوازنا مكنش انقاذ للعائله زي ما انت متصوره؛  لا علشان بحبك وكان نفسي انتي كمان تحبني بارادتك ؛ عملت كل حاجه تسعدك لكن انت النهارده بكل بساطه بتبعيني علشان ابوك اللي عمره ما كان لك اب حتى لو بالاسم!!! للاسف انتي دمرت كل اللي بنيته على مدار السنين اللي فاتت عشان كده انا بقولها لك يا سلمى انتي طالق

 لتسمع سلمى الكلمه و تنظر له بدهشه وكأن روحها انفصلت عن جسدها ليس مجرد كلمه نطق بها لسانه او مجرد خصام سينتهي بعد بضعه ايام اقتربت منهم والدموع تجري في مقلتيها 

متقدرش تطلقني لحد ما أولد ومش بمزاجك تطلقني انا مسؤوله منك انا اولادك الثلاثه ولا هتطلقهم هما كمان؟!

 مش هقدر اتقبلها منك وخذ بالك مش هسمح لك تفارقني 

 يستنكر حمزه حديثها

 انت بتتكلمي ازاي انتي مش سامعه كلامك مع جنا اني لو ما نفذتش رغبتك وحقك في تسميه ابنك على اسم ابوكي هتطلبي الطلاق،  انت مش مستوعبه انت طلبتي ايه !! 

ولا مش فاهمه كلامك ولا بتناقضي نفسك ازاي متمسكه بيا وفي نفس الوقت عندك استعداد تستغني عني؟

 ولا كرامتك وجعتك اني انا اللي طلقتك مش انت اللي طلبتيها

لا يا سلمى زمان طلبتيها بس مش هستنى تطلبيها مني تاني واقول لك على حاجه انا كنت مأجل سفري بس هسافر واعيش حياتي وانتي عيشي مع ابنك حبيبك( ناصر) اللي هيفكرك  بابوكي،  مش فاهم ايه هي الانجازات اللي ابوكي حققها في حياته علشان تفضليه عليا؟!

 انت اختارتي وانا حققت اختيارك 

عن اذنك يا مدام سلمى

 تمسكه سلمي من ذراعه 

مش هتمشي يا حمزه بالساهل انت جوزي وهتفضل جوزي ومهما هتعمل هتفضل ابو اولادي وابو ناصركمان !!

ليشد يده منها بغضب 

 انتي اتجننتي ابني مش هيتسمي ناصر وده اخر كلام،  ابن حمزه مش هيكون اسمه ناصر واعملي اللي تعمليه ده، 

 ده هيحمل اسمي انا مش انتي لانك مجرد امه  وبس و راجعي نفسك يا سلمى انا قدامي  اسبوع وبالكثير 10 ايام علشان اسافر لو ما راجعتش نفسك وقررتي هسافر من غيرك

 خلاص الموضوع بقى بالنسبه ليا اثبات وجود ، صحيح انتي حبيبتي بس انت مش قادره تستوعبي ان الحب مقياس بيجي عند موقف معين والعقل هو اللي بيبدا يفكر

انا  مش هخلف وعدي معاكي ولا اقول لك هقرأ افكارك لانه مبقاش ينفع عارفه ليه ؟

لاني عايزه اعيش معاكي بمشاعرك واحاسيسك مش انا اللي أملي عليكي تصرفاتك وتكوني ماشيه تحت طوعي او اكون سي السيد بالنسبه لك النهارده اصبح من حقك تختاري اسم لابنك ، عندك الف اسم ممكن تختاري منهم غير ناصر يمكن لو كان عمل عشانك اي حاجه وكنت حابه تسمى على اسم عرفان بالجميل كنت ممكن اقدر اتقبل ده ، لكن صدقيني اصرارك ده هيخليكي تخسريني انا وكل الناس اللي بتحبك

 انتي استعجلتي في قرارك هسميها هرمونات حمل او حاله نفسيه  بتصاحب الحامل في الفتره دي بس انت معاكي  فرصه علشان تقرري لان بعد ولادتك هيكون فات الاوان،وفي نقطه كمان يمكن انتي ناسيها او تغاضيتي عنها ان دي الطلقه الثانيه! يعني لو في طلقه كمان  هتتحرمي عليا ليوم الدين ، اوعي تتخيلي اني لو بعشقك عشق الجنون هقبل تكوني ليا زوجه بعد محلل

 فكري انا خلاص قلت اللي عندي تستجديه سلمى

 لا اسمعني حمزه انت مش فاهم حاجه انا ما اقدرش استغنى عنك عايز تسافر وتسيبني؟!

 ينظر لها حمزه

 قولي لنفسك وشوفي انتي عايزه ايه ! فكري لاني مش عارف فيكي ايه ولو انتي بنفسك مقولتيش على سبب تغييرك انا مش هاحاول اعرف 

واعتقد انا كده عداني العيب و افتكري اني لسه باقي عليكي يا بنت الناس

 لتتدخل مريم

 حمزه مش هينفع اللي عملته وتطلقها كده!  هي ما لهاش حد غيرنا 

يضحك بسخريه

 ماما انتوا كلكم معها ومعها بابا واولاد عمها هي مش ضعيفه زي ما انتي متخيله هي عارفه  قوتها فين ،  قوتها معايا انا ، لكن هي دلوقتي بتستقوى بابنها 

بس عايزها تدعي انها لما توصل لقرار وتفكر صح هكون لسه باقي عليها لان في مغريات كثير بتقابل اي راجل وانا ليا  نقط ضعف واحذري يا سلمى

( اللي بيروح عمره ما بيرجع) اسف يا ماما:  قراري مش هقدر ارجع فيه، عن اذنك انا داخل غرفتي 

ليقف له صهيب ويحدثه بعنف انت رايح فين؟؟

 يرد حمزه 

انا طالع غرفتي 

يرفض صهيب 

لا انت طلجت بتي عارف يعني ايه بتي! وي دارها خذ خلجاتك واطلع بره الدار ملكش مكان اهني من اليوم 

يرد حمزه

 حاضر يا بابا انا فاهمك 

تجري عليه جنا

 انتم بتقولوا ايه هي لسه مراته يا عمو صهيب و يقدر يرجعها صح يا حمزه،  قولي انك هترجعها انا اكثر واحده عارفه انك هتوجع ازاي لو انفصلت عن سلمى

 يطبطب على وجهها 

الوجع خلاص انا واجهته بمجرد ما رميت عليها يمين الطلاق وقدرت انطقها بلساني يبقى قلبي حاسس بها ، وبابا معاه حق مينفعش اقعد هنا وهي اصبحت طليقتي 

 لتمسكه سلمى 

استني بجد هتخرج عندك استعداد تتخلي عني ؟

انا عارفه انك على وعدك معايا  ومش هتمارس عليا  موهبتك ثاني بس بجد هتسيبني!!

ينظر لها بنظرات غير مفهومه وكانه يريد ان يقتحم حصون عقلها ليعرف ما يدور بداخله ويقسم بغلاوه ابنها اللي في بطنها

 انا ما حاولتش اقرا افكارك من يوم ما وعدتك بس انا هاسيب البيت علشان امنحك فرصه تفكري كويس، يا اما تقولي على اللي جواكي يا اما هتكوني سبب في كتابه الفراق علينا 

مش فاهم ايه اللي غيرك؟

 انا منتظرك تقوليلي  عن اذنك لاني بجد مرهق وامامي يوم طويل محتاج أخلص فيه بعض الاوراق بسبب الغاء سفري ، قدامك 10 ايام اليوم ال11 هتكوني ولدتي وعدتك انتهت وساعتها تقدرى تقررى حياتك مع اللي انت عايزاه

 يصعد حمزه لغرفته لتنهار سلمى من البكاء وتحضنها مريم الى صدرها 

قوليلي فيكي ايه 

لتنظر لصهيب

 نادي على هنادي هي الوحيده اللي بتفهمها

 يقول صهيب

 سيبها تجعد لحالها وتختار مصيرها ليه بتعاندوها

ترد مريم

 لانها مش عارفه انها كده بتاذي اولادها التانيين لاختيارها الاسم ده و مش هيقدر يمحي الغضب اللي جوانا وصعب وجوده في وسطنا صعب قوي يا سلمى حمزه له حق يقول لك فكري يطبطب عليها صهيب

 اطلعي ارتاحي يا بتي وربنا هيدبرها 

لتبكي وتقول له

بس حمزه طلقني يا بابا اتخلي عني وسابني

 يرد عليها صهيب

 لا هو سايبك بس علشان تعرفي تفكري بعيد عن اى ضغوط اطلعي بس انتي ارتاحي دلوجت وانت يا جنا جهز لنا الوكل يا بتي ولا هنموت يعني من الجوع راجل ومراته اتعاركوا هنفضل احنا جوعانين

 تضحكني جنا لبراءته وعفويته

 هو ده وقت الاكل برده يا عمو يصعد صهيب  لغرفه حمزه ويجده يحضر شنطته ويطبطب على ظهره

 وااعر جووي يا ولدي 

يبتسم لها حمزه

 اوعى تكون فهمتني 

 يقول صهيب

واهه مش عايزني افهم يا ولدي انت من دمي و من صلبي ولابد افهمك

سلمى يا بابا ما سابتش ليا اي فرصه تانيه!

 وانا اخذت بالي انك فهمتني علي طول من اول ما قولتلي اطلع من البيت 

 يرد صهيب 

لك حج بس يا ولدي سلمى هتتعب جوووي من غيرك ما تطولش الغياب انا عارف انك قصدك انك تحسسها بالوجع اللي أمايتك عاشته يوم فراجها ليا بس انا فارجتها بالغصب لكن انت هتفارجها بارداتك  ، انت عايز توريها ظلم ناصر وجسوته عليكم ودلوقتي هي هتتوجع على فراقك وهي عشجاك روح اجعد يومين عند خيتك او صديقك "زين" 

 يحضنه حمزه

 بابا انت نعمه كبيره اوي في حياتنا وربنا منورلك بصيرتك بس انا فعلا لازم ابعد عن سلمى وأبين لها  احنا ليه رفضنا الاسم عشان تعرف قد ايه امي تعبت وأتعذبت لما اتحرمت من حبيبها وهي كمان لازم تتحرم مني علشان تقدر تقرر هي عايزه ايه! وخلي بالك منها مفيش حد احن عليها منك، ان ربنا عالم بحالي وانا خارج من هنا بس انا سايبها وانا مطمئن لانها معكم كلكم وحواليكم 

يطبطب عليه صهيب 

مرتك دي في عيوني دي بتي اتكل على الله وان شاء الله خير يبتسم حمزه له 

حاضر يا بابا وياخذ شنطه ليغادر ويقابل سلمى التي تفر الدموع منها وتنهار باكيا فور رؤيتها له وهو مغادرا 

مش عارفه تطلب منه السماح ولا تصر على موقفها بس كان عندها ثقه كبيره ان حمزه استحاله يقدر يستغنى عنها ؛ اكيد يومين وهيرجع لها من تاني ازاي هيقدر يفارقها طول الفتره دي!

 تنظر له و تساله

 هترجع يا حمزه؟؟

 يرد  عليها 

لما تقرري هاقول لك هارجع ولا لا تترجاها بعيونها 

ما تعودتش على القسيه دي منك 

يرد حمزة بتهكم 

القسيه دي انتي اللي كتبتيها مش انا

 انتي اهانتيني قدام نفسي وما ينفعش زوجه تحط من قدر زوجها زي ما انتي عملتي واللي بعمله دلوقتي بيحافظ على كياني انا وانتي ؛ لو اتنازلت  مش هينفع اكون لكي الراجل اللى بيحميكى واللي بتتمنيه 

ارجوكي حافظ على كرامتي يمكن ساعتها اعرف قيمتي عندك 

تنظر له سلمي 

 هتقدر تستغني عني؟! انا بعشقك

يرد قائلا 

انتي اللي فكرتي في كده من الاول انا كمان بعشقك بس عشقك ليا مكنش كفايه انك تتمسكي بي ولا تخافي علي اللي بيننا لمجرد فكره مجنونه في دماغك!!

 ترد سلمى

 لا مش مجنونه انت اللي مش فاهم حاجه 

يسالها 

طيب حاولي تفهميني وانا هردلك دلوقتي حالا 

 تخفض راسها في الارض

 مش عارفه اقول لك ايه مش قادره خلاص !!

 يرد حمزة بأسف 

خلاص عندك بدل اليوم عشره حددي وانا منتظر ردك انا هكون عند اختي جويريه ومظنش يكون عندك مانع اني اكون هناك 

تهز رأسها بقوة 

 لا ما تقعدش مع جويريه روح عند جنا أو أي حد تاني لكن جويريه لا

 يسالها باستغراب

 ليه لا ما هي اختي وابن عمي!! ولا تحبي اقعد في فندق عموما كلها ايام وهسافر عن اذنكم

تترجاه سلمي

لو بتحبني ما تروحش لجويريه يجبيها حمزة 

 بحبك بس هروح لجويريه  يالا سلام عليكم

 وخرجت تجري خلفه 

لتمسكها جنا

 اهدى يا سلمى ما تخافيش على حمزه

 تصرخ لا لا انت مش عارفه ايه اللي عند جويريه !! 

تهدأها جنا 

ما تقلقيش هي اخته ومش هتقبل ان واحده تنيه تخطفه منك 

تنظر لها سلمي بعيون دامعه 

ايوه بس هي صديقتها وساكنه في المنزل قدامها علشان تشوفه كل شويه؛ عارفه انها عرضت حتي عليه الجواز حتى لو عرفي تطمئنها جنا 

طب اهدى عشان اللي في بطنك وتتدخل مريم 

بتغيري عليه وبتعشقيه طيب بتتنازلي عنه ليه بإيدك ترجعيه تبكي وتقول 

محدش قادر يفهمني انا كل اللي عايزاه انكم تقدروا أن ناصر ده كان جزء من حياتي انتوا قررتوا تبداوا حياه جديده في ايه المشكله!!

 هو انا مش من حقي ان يكون ابني اسمه ناصر ! ولا ناصر ميستاهلش مش يمكن  ناصر ابني يمحي ظلم ناصر الكبير واللي عملوا فيكم زمان ، انا عايزة اخلق ناصر تاني  بحياه جديده ، افهميني يا ماما مش عايزه اخسر حمزه ولا حبكم ليا 

 ارجوكم حرام كفايه كده وتسقط مغشيا عليها بعد انهيارها من  حزنها على فراق حبيبها وامانها من اجل فكره في دماغها  الله اعلم ما هي !! 

يحملها صهيب بسرعه 

وتصرخ  مريم  في جنا 

 اتصلي بسرعه حمزه قولي له يرجع

 وتتصل بالفعل به جنا لتجده لم يكن ابتعد كثيرا عن الفيلا 

وتستنجد به

الحقني يا حمزه سلمى اغمي عليها ومش عارفين نفوقها يهرول حمزه عليها بكل لهفه حبيب على حبيبته ويحملها الي غرفته ويطلب منهم الاتصال بالدكتور او الاسعاف لنجدتها ويمسك يدها ويجلس بجوارها ويقبل يدها 

ارجعي سلمى انتي اللي كتبتي علينا الفراق مش انا،،  ارجعي وان شاء الله كل حاجه هتتحل ولكن سلمى من شده الضغوط التي تعرضت له رفضت ان تعود بعقله على الواقع ،  عقلها الذي رفض فكره ذهاب حمزه  للبنت اللي كانت بتتمناه من ثلاث سنين وتتذكر بعقلها الغائب عن الوعي عندما كانت في زياره لجويريه وفوجئت بها وهي تقول له

 انا بحبك يا حمزه 

يرد حمزه باقتضاب

 شكرا ولكنها تعرض عليه الحب والزواج !

 لينههرها  حمزه

 انا راجل متجوز وبحب زوجتي ترد عليه البنت 

انا صاحبه جويريه واخذت الشقه المقابله لها عشان اقدر اشوفك لما تيجي في زياره لها وانا بصراحه بحبك

 لكن تدخل سلمى وتقول بغضب انت عايزه منه ايه؟

 تنظر لها بلامبالاه

  انتي مراته بس انتي مش مناسبه له! ايوه حمزه عنده كاريزما ووسيم  وشخصيه  لها حضور طاغي ، لكن انتي مش شايفه نفسك !!

 يثور حمزه فور سماعه  لهذه الكلمات  لا يتحمل على زوجته هذا الكلام المهين 

 يرد لو سمحتي الزمي حدودك و اتفضلي اطلعي بره مش عايز مشاكل

 ولكنها تصرخ وتقول له

 انا مش هسيبك لحد ما تقتنع  بحبي انا مجنونه بك انا بقى ليا سنه براقب حركاتك ومستعده اكمل حياتي معك باي طريقه حتي ولو اتجوزني عرفي او منحتني من وقتك ساعه واحده في اليوم

 ليتدخل والديها

 احنا اسفين بس فعلا بنتي  مريضه بك، هي كانت لسه خارجه من حاله قريب وكانت في حاله الشفاء وقفت علاجها  اول ما شافتك واتعلقت بك انا اسف يا ابني بس دي بنتي الوحيده وانا هحاول ارجعها تاخذ العلاج من تاني، اوعدك انها مش هتضرك في حاجه ، أوقات بيجي لها حالات صرع  وممكن تقتلك انت ومراتك 

تتنفض سلمي 

 ممكن تقتلنا يلا بينا يا حمزه بسرعه من هنا

يرد حمزه عليه

  ازاي سايب بنت كده؟

 يجيبه والدها بأسف بالغ 

 صعب عليا اتركها في مصحه

ما بين جلسات كهرباء وعلاج طويل وكل فتره بتبقى مدمنه لشخص معين وبتطارده وهي حاليا دلوقتي بقيت مجنونه بك سامحني عشان خاطري اديها بس ريق حلو لانك لو صديتها النهارده انا مش عارف هي ممكن تعمل فينا ايه! 

بس  في دكتور هيتابع حالتها بطرق علاج جديده و انا حاليا في انتظاره

 يساله حمزه 

طب ايه اللي اقدر اعمله دلوقتي؟

 يقول والدها 

كلمها بلطف او حتى أوعدها بالزواج !

يستنكر حمزه 

انا شخص متزوج وبعشق زوجتي وعندي ولدين مش هاقدر اعمل كده

 تكمل سلمي بنفس نبره الخوف يلا بينا نمشي من هنا يا حمزه وفجاه يجد البنت تركع تحت قدميه وربنا بحبك اطلب مني اي حاجه وانا هنفذها وشوف انا بحبك قد ايه لو طلبت ارمي نفسي من فوق او اقتل نفسي ؛ أولع في نفسي هاعمل اي حاجه تقولها بدون تردد والله بحبك

 يرد حمزه بتوتر

 انا كمان واستخدم موهبته عليها حتى هدأت البنت وبدات تضحك وتاكد فعلا انها تعاني من حاله نفسيه وبدا يتحاور معها 

يسالها 

اسمك ايه؟؟

 رد قائله

 غاده

يحاول حمزه مجاراتها في الكلام لو عايزه كمان نتجوز معنديش مانع   بس ناخذ  فرصه نتعرف فيها على بعض الاول واخلص من مراتي! 

 ترد بفرحه 

عايز تخلص منها بجد!!

طيب انا ممكن اخلصك منها دلوقتي حالا اخبطها بالعربيه او اضربها بالنار وهي خارجه من هنا يرد حمزة بسرعه 

لا لا اهدي انها هعرف اخلص منها بطريقتي 

هزت راسها  بهدوء 

حاضر لتمسك يده و تقبلها ، وسلمى الغيره تنهش قلبها لتقول حمزه يلا نمشي من هنا مليش دعوه اذا كانت مريضه ولا لا ومش عايزاك تيجي هنا تاني عند جويريه 

ينظر حمزه لغاده وهو مازال مسيطرا عليها ويقول

روحي نامي في سريرك وانتظري بابا هو جايب لك كوب اللبن ثارت سلمي على طريقه تعامل حمزه مع غاده و لكنه اقنعها ان هذه الطريق المثلي للتعامل معها والا سوف تؤذي سلمى هي واولادهم ويقول لها 

انا مش مستغني عنك ولا عني ولادنا 

 لتدخل غاده غرفتها  بالفعل وتغفو في سبات عميق بعد ان سيطر عليها حمزه سيطره كامله تطلب سلمى منه الذهاب فورا وعدم العوده مجددا الى هذا المنزل وتطالبه بتغيير عنوان( الفيلا)   ووعدها بتقديم استقالته من شغله في الجامعه لانه علم بمراقبه غاده له في كل تحركاته، وهذه هي البنت التي بسببها رفض عقل سلمى الحقيقه وغابت عن الوعي لتصحو فجأه وتصرخ مره واحده لتجد حمزه بجوارها تنظر له

 انت هنا !! انا سمعت صوتك وانت بتناديني وبتقول لي ارجعي وكل حاجه هتتحل  انا متاكده 

ينظر لها حمزه 

بس انا لسه داخل  من شويه متاكده اني قلت كده؟! 

 ترد عليه 

ارجوك ما تلعبش باعصابي 

 يجيبها حمزه 

الى ما تعرفوش ان البنت دي تحسنت وخلاص ما بقتش بتفكر فيا 

تكمل سلمي بترجي

 بس برضوا  مش هتروح هناك لعتذر منها حمزه

 للاسف يا سلمى انا مضطر اقول لك اني محتاج اعيش حياتي زي ما انا عايز بدون تدخل منك ، أنا رجعت بس لما عرفت بإغمائك ومكنتش عايزه اشعر اني السبب في ضغوط نفسيه عليكي ممكن تؤثر عليكي انتي وابني

تبكي سلمي

 انا متخيل لو سبتني  هيحصل لي ايه ؟؟ 

ليسكت لبرهه ويسالها

  سلمى قوليلي مالك؟

 تجيبه وتقول

 بحبك

 يسالها مجددا

 مالك؟

 ترد  عليه سلمي

 والله بحبك مش عارفه اقول ايه تاني

 يقول لها حمزه 

طيب قوليلي ايه الحل؟ 

انا خائف  اردك بس ساعتها ممكن اخسرك للابد لاني لو رديتك او حصل بيننا مشاكل مش هقبل ساعتها انك تكوني زوجه لي تاني!

 تساله بلهفه 

يعني هتمشي؟؟

 يتنهد بقوة

 لا مش عايز امشي و اسيبك بس وجع الفراق احسن بكثير من وجع الكرامه 

تمسكه وتضم يده  اللي صدرها

 ارجوك ما تسبنيش علشان خاطري

 يشد يده منها 

أنا عمري ما عملت حاجه تغضب ربنا بس دلوقتي لمستك ليا حرام انت ما بقتيش مراتي، فما ينفعش يا سلمى وبعدين مش يمكن غاده تكون من نصيبي!! تصرخ وتبرق له عيونها 

غاده تكون نصيبك انت عايز تموتني يا  حمزه 

يرد عليها ببرود

 مش هفكر في الجواز غير بعد ولادتك

 تبكي لو خرجت من هنا هاموت نفسي

 يرد حمزة 

انتي مش هتقدري لانك مسلمه وساعتها هتكوني بتقتلي روحين  انتي وابني تفتكري  هيهون عليكي،  قوليلي ايه السبب لاختيارك اسم ناصر وانا اوعدك لو لكي حق هسميه زي ما انتي عايزه 

تطأطأ رأسها  في الارض 

لا مش هقدر اقول لك حاجه! يكلمها بحده 

ما تجبرنيش اني اقتحم  دماغك واعرف ايه اللي فيها

 ترد بثقه غريبه

 جرب كده وساعتها هتكون خسرتني للأبد 

 يهز راسه 

متقلقيش انا راجل وعند وعدي لكي ليخرج بدون ان يتفوهه باي كلمه اخرى

 لتنهار مجددا و يأتي  الطبيب ويشخص حالتها انها في حاجه للراحه النفسيه خلال الفتره القادمه بسبب ضغوط  اثرت عليها 

ويمضي اليوم ويصل حمزة لمنزل جويريه ويتفاجا بسوء حاله  غاده النفسيه ويطلب والدها منه التدخل فور رؤيته قائلا

 حاولت اوصل لك كثير ومعرفتش الاقي طريقك واختك كانت دائما بترفض تقول لنا اي معلومات عنك غر انك مسافر وغاده اول ما عرفت جالها انهيار عصبي وحاولت الانتحار و قطعت شرايين ايديها 

يرد حمزه 

ايوه انا مش فاهم انا فعلا جاي عشان اسلم على اختي قبل السفر و انت شايف شنطتي في ايدي

 يترجاه والدها ويستعطفه 

عشقها لك فاق كل الحدود حاولت اعالجها بشتى الطرق بس بدون جدوي ، ومش عارف الاقي لها حل كل حاله كانت بتدخل فيها كان علاجها بيستغرق حوالي شهرين مش اكثر لكن معاك بقي لها اكثر من سنه ونصف بتتعالج بدون اى تقدم بالعكس دي حالتها ساءت،  وبقت بترسم صورك في كل مكان في غرفتها حتى على جسدها عايشه في انتظارك منتظر حتى لو تسمع صوتك!!  وكانت بتدخل زي المجنونه لاختك علشان بس تقدر تسمع صوتك 

انا بترجاك يا بني 

 ارحمها اعمل اي حاجه لمساعدتها 

لتتدخل جويريه

 فعلا حالتها زادت  جدا الواحد بقي خائف عليها تموت بين اللحظه والتانيه 

يرفض حمزه توسلاتهم 

يا جماعه انا مش عارف مطلوب مني اية! 

وينظر  لجويريه

 انتي ما تعرفيش اللي انا فيه! وانت يا  حضرت انا حاليا مش هاقدر اساعد بنتك انا اسف لاني مسافر فعلا

 تطلب منه جويريه  استخدام موهبته  عليها لعلها تكون سبب في نجاتها

جويريه انا عندي مشاكل مش ممكن تتتوقعيها وعلشان كده انا جئت لك النهارده ولو سمحت ممكن تدينا يا فندم مساحه  اتناقش فيها مع اختي

يرد والدها

 حاضر يا ابني بس صدقني حياه بنتي بين أيديك ، كلمه واحده منك بس ممكن تحييها من تاني ليدخل حمزه لاخته ويقول لها

" انا طلقت سلمى

 لتلطم جويريه على خدها

 انت بتقول ايه طلقتها ازاي! سلمي مراتك حامل وتعبانه وانتوا كنتوا مسافرين ايه اللي حصل لده كله 

ليخرج مرعي قائلا

 انا كنت متوقع كده قلت لك امبارح في الحفله ان سلمى مش على طبيعتها

 يضحك حمزه ويقول لهم 

توقعوا سلمي عايزه تسمي ابننا ايه ؟

 (ناصر) !

 تستغرب جويريه

 ازاي يعني بعد اللي ابوها عمله فينا اكيد مش في وعيها اذا كان مرعي بالرغم من ابوه ما عملش نصف اللي عمله فينا ناصر وكان مقررا انه استحاله يسمى علوان اكيد في حاجه في الموضوع ده! وانت مقدرتش تعرف السبب وفين موهبتك؟

 يرد عليها

 انتي عارفه اني وعدتها مستخدمش  موهبتي دي تاني  وانت جايه دلوقتي بتطلبي مني استخدمها علي غاده عشان انقذ حياتها،  موهبتي دي انا عايز انساها عايز افقدها 

يمسكه مرعي 

بص يا حمزة  اوقات بنكون فاكرين انما موهبه ربنا لينا  نقمه علينا بس هي بتكون نعمه نقدر نساعد بها ناس كثير 

انت تقدر تساعد البنت دي اديها هدف تعيش عشانه او نمط  تسير عليه في حياتها ، البنت فعلا مدمره وانت الوحيد اللي هتقدر تغير البنت دي يمكن ربنا سخرك تكون سبب في شفاءها،، 

اهوه انت شايف  ان شويه مشاكل نشات بينك وبين مراتك في يوم وليله علشان القدر يجيبك هنا وتعالج غاده كنت دلوقتي زمانك مسافر ، بس ربنا بعتلك لها 

فارجوك حاول تساعدها انت معدنك طيب

 يتنهد حمزه قائلا 

مش عارف اقول ايه الموهبه دي كان في ناس عايزني استخدمها في علاج ناس كثير بس انا كان عندي هدف تاني،، عموما انا هاشوف هاقدر اساعدها ازاي 

 انا عايزكم تخلوا بالكم من سلمى وخصوصا انتي يا جويريه لانك قريبه منها اوي وحاولي تقربي منها وشوفي ايه اللي في دماغها لاني مش هتستحمل ابعد عنها يومين مش ١٠ ايام بس اهوه كانت محاوله مني للضغط عليها يمكن تحس انها فعلا هتخسرني هاا هتساعدونى وانا اوعدكم اني اساعد البنت دي

 تحضنه جويريه 

يا ابو قلب ابيض ان شاء الله المشكله هتتحل انا هروح لها النهارده واشوف دماغها فيها ايه  

يقول حمزة وانا هروح ازور غاده بس محتاج ابدل ثيابي الاول لاني  مش هينفع اروح المستشفى بالبدله ويسالها هي محجوزه في انهي مستشفى؟ تقول له اسال والدها وهو اكيد عمره ما ينسى الجميل ده ابدا ويذهب لهم حمزه ويطلب زياره  غاده ليقبلوا يده على معروفه وجميله مع ابنتهم ومحاولته لانقاذها 

ويدخل  المستشفى ليراها  في حاله يرثى لها تقريبا في شبهه غيبوبه ويتحدث معها 

غاده قومي انا هنا حمزه حبيبك اللي هيبقى جوزك  هتسيبني لوحدي

 تفتح عيونها  وتفرك عينيها وكانها بتحلم 

حمزه انت هنا ؟!! 

يرد حمزة 

ايوه هنا  هتيجي معايا ولا اروح لوحدي 

لتقبض على يده بقوه

 مش مصدقه انك بجد معايا اوعي  تحرمني منك تاني 

يقول حمزة 

متقلقيش انا هافضل معاكي

تقول غاده

 طب قولي انك بتحبني 

يضحك حمزة 

 بحبك 

لتساله  هتتجوزني؟

 يرد عليها 

عايزاني اتجوزك ؟؟

تجيبه بسرعه 

اه  طبعا وأوعدك اني مش هزعلك ابدا ولا انت ولا مراتك يسالها 

طب و حوار  انتحارك هعاقبك عليه ازاي ؟؟

ترد عليه 

مستعده اعمل اي حاجه ترضيك يبتسم لها 

طب تمام بس اهم حاجه عندي دلوقتي تاخذي بالك من صحتك وما تزعلنيش منك ابدا يلا خذي علاجك علشان عروستي الحلوه تخف بسرعه وانا مش هسافر ولغيت سفري علشانك

 تتنفس وكان الوح ردت فيها وعادت لها  البسمه من جديد ليراها والدها 

ويهرول ليشكر حمزة على مساعدته لابنته ويقول

 انا مديون لك بكل كلمه بس انت مش ملزم باي حاجه تجاهه بنتي يرد حمزه

 على فكره انا كنت قاصد كل كلمه بقولها لها ؛؛ زمان مكنتش اقدر اقولها علشان مخنش مراتي لكن دلوقتي انا مطلق مراتي! يستغرب والدها 

 معقول انفصلتم اللي اعرفه انها حامل وانكم كنتوا مسافرين

 يرد بحزن

 مش مكتوب لنا نكمل حياتنا مع بعض وكل شيء نصيب وان شاء الله غاده هتتحسن 

يعود لبيت جويريه في انتظار عودتها من عند سلمى لتحكي له ماذا دار بينها وبين سلمي 

 لتدخل غاضبه قائله

سلمى دي  غبيه لسه بقول لها هتتخلي عن اخويا ؟ 

ردت بكل عجرفه مش هو راح لك وعاش معاكي خليه يعيش مع ست الحسن غاده بتاعته ولسه بسالها هي عايزه تسمي ناصر ليه؟

 قالت براحتي اشمعنا انتوا سميتوا صهيب بقولك سيبك منها  ليرد مرعي 

لا يا  جويريه في حاجه مش مفهومه في الموضوع هي حتى من اول ما عرفت انك جئت هنا وهي تغيرت في معاملتها معنا وبقت مش طايقه حد 

ليسرح حمزة بتفكيره 

فعلا هي فيها حاجه وانا  مش عارف ايه هي  بس انا لازم اخذ اجراء تاني، مش عارف هي جابت العند ده منين؛؛  بس في حاجه ثانيه بتحركها و ساكنه  جواها لكن انا هخلي سلمى تعرف ايه اللي خسرته بدون ما استخدم عليها موهبتي 

ليسال حمزة جويريه 

موافقه تقفي معايا في اللي هعمله ؟

ترد جويريه

 طبعا انا معاك قلبا وقالبا بس في ايه بقى؟!!

 يقول بكره عايزك  تيجي معايا نزور غاده جهزي نفسك

 لتشرق شمس يوم جديد وذهب حمزه واخته لزياره غاده والتي في يوم وليله تحولت الى فتاه في قمه نشاطها وحيويتها فور رؤيتها له قامت لتحضنه 

ليوقفها حمزه بيديه

 مش بحب الحركات دي يا غاده ويسالها عن والدها قالت انه ذهب لاحضار بعض العصائر وعندما جاء والدها  وقف امامه قائلا 

انا جيت زي ما وعدتك انا كمان عندي خبر هيفرحكم

 ينظر  له الجميع في انتظار سماع حديثه 

 عمي انا عايز اتجوز غاده!!

 والنهارده جاي اطلب ايدها لتصرخ غاده من شده فرحتها معقول هتتجوزنى؟!!

 وتنظر جويريه بدهشه

 انت بجد هتتجوزها!!

 يرد حمزة بكل ثبات

 ايوة ووالنهارده........؟؟

         ☆☆☆●●●●●☆☆☆☆

يتبع.....

الفصل الخامس من النوفيلا من هنا