رواية مشيئة القدر/ الفصل الخامس عشر

 ((اللهم أرحني بعد التعب وأسعدني بعد الحزن وكافئني بعد الصبر))

____________//

🌹البارت الخامس عشر🌹

***************************
تصل رضوي لبيت خالها واول ما تدخل تصادف خالها اللي يرحب بيها وياخدها في حضنه
خليل:- تعالي يا بت الغاليه طمنيني علي امك كيفها وكيف حالة صحة بوكي دلوجيت اتحسن ولا لسه تعبان
رضوى:- لا والله يا خالي لسه تعبان واماي اتصلت بخالي فتحي يشوفله دكتور كويس بمصر
خليل:- خلاص وانتي مروحه هجي معاكي اشوفه واطمن عليه بنفسي جبل ما ينزل مصروماهقدرش اشوفه بعدها انت عارف خالك صحتي بجت علي جدي ومبجاش فيا صحه للسفر لمصر وجعدت الجطر بالساعات
رضوى:- ماشي يا خالي فين عمتي ومريم ومها عايزاهم
مش انا نجحت وهكمل علامي وهدخل كلية التجارة
ويدخل محمد ويسمع كلامها ويفرح ليها ويهنيها
محمد:- مبروك يا رضوي برافو عليكي بجد اول بت هتدخل الكليه بعد حلا بت عمي بجد برافو عليكي
رضوى:- اه الحمد لله مش كان جدي نفسه بنات العيله يكملو علامهم وتبجي حلا جدوة لينا واديني عملتها وعلشان اكده روحت لمازن شركته علشان يساعدني ويجولي كيف اجدم ورجي في التنسيج والتحج بكلية التجارة او الاداب
محمد:- ولية مجولتليش ليا انا في الجامعه باسيوط وكنت اجدر اساعدك مجموعك كام وانا هجولك هتدخلي كلية ايه
رضوى:- اه صوح نسيت انت في كلية تجارة انجليزي صح طيب كويس علشان تذاكر ليا وتفهمني بس انت في سنه كام
محمد:- يضحك انا في الفرجة الثالثه يعني هفضل معاكي سنتين جبل ما اتخرج واجدر اوديكي واروحك كل يوم
رضوى:- لا متجلجش مازن جالي هيخلي سواج ليا خصوصي يوديني ويجيبني وتنزل مها يبصلها محمد تعالي يا موكوسه
شوفي رضوي هتدخل الكليه عجبالك لما تجبي السنه الجاية
مجموع كبير علشان ندخلك الكلية انت كمان
مها:- مبروك يا رضوي انتي جيتي علشان تخبرينا بنجاحك
رضوى:- لا وحاجه كمان هتفرحكم جوي جوي
مريم في نزولها وقتها هي وامها وتسالها خير يا رضوي
رضوى:- خوي محمود وحلا مراته ربنا رزقهم بولد وسموه مازن هي ولدت النهاردة لسه مخبرني وانا جايه بالطريج
امتثال:- بحزن شديد بجد الف مبروك عجبالك في بت العدل
رضوى:- ان شاء الله هيكون ده بيتي يا عمتي ايه رايك
مريم:- والله ومين جال اكده ليه هتتجوزي محمد ولا ايه
محمد:- وماله انا موافج بس الكبير يوافج ولا ايه يا رضوي
رضوى:- لا طبعا انا مش هتجوز غير مازن وبس
محمد ومريم:- يضحكو لا بجد يبجي بتحلمي مازن عمره ما هيتجوز غير حلا هو وهب نفسه ليه ولحبها وبفراجها زهد في كل الحريم والبنات والزواج من اصله ياريت تفهمي ده
رضوى:- هنشوف ويجي اتصال لخليل والكل يصمت
⚘⚘⚘⚘⚘⚘⚘⚘⚘⚘⚘⚘⚘⚘⚘⚘⚘
في شركة مازن تدخل السكرتيرة عليها وهو لسه شارد الذهن
السكرتيرة:- مستر مازن الاجتماع بتاع بكره ده تقريرة
وده ملف فيه كل معاملات البورصه النهاردة وحركة الاسهم
مازن:- ماشي حطيه في شنطتي هخده معايا البيت اراجعه بنفسي السواج اللي راح يوصل رضوي رجع ولا لسه
السكرتيرة:- رجع وبانتظار حضرتك
مازن:- طيب نزلي الشنطه في العربية وانا نازل وراكي وخدي باجي اليوم اجازةعلشان محتاجالك فايجه بكره في الاجتماع
السكرتيرة:- حاضر بس ممكن سؤال
مازن:- جولي سؤال ايه
السكرتيرة:- انت مالك النهاردة شكل في حاجه مضايقك وشاغله بالك من الصبح خير
مازن:- حاسس بحاجه قابضه جلبي زي ما يكون حلا فيها حاجه حاسيسها مرتاحه لكن جلبي مش مرتاح ليه معرفش
السكرتيرة:- هو انا ممكن اسال حضرتك هي مين حلا دي
مازن:- يضحك حلا هي مازن ومازن هو حلا هي حبة الجلب
السكرتيرة:- اه فهمت ربنا يجمعكم علي خير ويكون ليك معاها نصيب ويريح بالك ويسعدك انت وهي ان شاء الله
مازن:- يارب يلا نزلي الشنطه وانا هدلي وراكي وينزل وراها
ويركب العربيه اللي كانت بانتظاره ويسال السواق
مازن:- انت وصلت رضوي للبيت ولا وصلتها لفين
السواق:- لا يا سعادة البية وصلتها لبيت حضرتك
مازن:- بعصبيه ليه راحه ليه تلجيها راحه تخبرهم بنجاحها
بجولك متروحنيش علي البيت اطلع علي الكورنيش عايز اشم الهواء واتمشي شويا وارتاح مع نسيم الليل علي النيل
السواق:- امرك يا بيه ويرجع مازن راسه لورا ويفتكر من سنه فاتت لما استلم املاك العيله كلها بعد ما اشتري نصيب عمته
وعمها واخد مال اخواته اللي ورثوه مع نص مال جده اللي كتبها ليه واللي مع نصيب اخواته كملو حق عمته وعمه وابتداء يدخل بكل ثروته في تعاملات البورصه اللي بيتقنها وبارع فيها وقبل ما تمر السنه تتضاعفت ثروتهم عشر اضعاف وفتح شركة كبيرة للاستثمار واسهم الشركة صعدت للسما واصبح اسمه في مجال رجال الاعمال من اشهرهم لاجتهاده و تكوين ثروته الضخمه ويفتكر يوم جوز حلا وكسرت جلبه ويسرح فيها ويفتكر عيونها الحزينه اللي بصت ليه بيها بعد ما عمه خرج بشالها وشاف الدم ملطخ قميصها وعرف انهاخلاص بقت ملك لغيره والدموع تجري في عينه ويسال نفسه الف سؤال وسؤال ياتري سعيدة معاه يا حلا يا تري سمحتي ليه يلمسك وبتنامي بحضنه وترتاحي فيه ياتري تجبلتيه كزوج ولا علاجتكم شكلها ايه ويأنب نفسه انا ليه بعذب نفسي بيها وايه اللي بجوله ده دي هي مرته وحلاله حتي لو مرغومه بس هو خلاص خد شاله واتكشف عليه ولازم تطيعه وتكون زوجه صالحه ليه وقلبه يتالم من فكرة انه بتسلم نفسها ليه وبيمارس معاها حقوقه الشرعيه وانها بتنام معاه وفي حضنه كل ليله ويتنهد بالم
السواق:- يا استاذ مازن تليفونك بيرن من بدري مش هترد
مازن:- اه طيب معلش كنت سرحان ويفتح شنطته ويبص لموبيله يلاقيها رقم عمته ويتسغرب بتتصل بيه ليه اكيد هتساله عن رضوي وليه اتاخرت عنده لدلوجيت ويرد عليه
مازن:- ازيك يا عمتي كيفك ويسكت ويتوتر وهو بيسمعها
طيب انا جريب منك عشر دجايج واكون جدامك متجلجيش
ويقفل معاها ويتصل بابوه ويسالها عن محمد اخوه
بوي محمد رجع من رحلتها مع اصحابه بالجامعه ولا لسه
خليل:- ايوه جه من ساعه وكمان بت عمتك رضوي هنا
مازن:- عارف خلي محمد يجيبكم وهات معاكم اماي وخيتي مريم وخلي مها مع ولاد مريم محمود وزياد بالدار
خليل:- ليه يا ولدي حوصل ايه ومحمد هيوديني لفين
مازن:-لبيت عمتي عمي علام تعيش انتي عمتي لسه مخبراني دلوجيت وهي لوحدها ومنهارة مش عارفه تتصرف كيف
خليل:- لا حول ولا جوة الا بالله طيب اسبجنا انت واحنا هنحصلك يا ولدي بس ماعرفش هخبر بتها رضوي ازاي
مازن:- انا وصلت اهوه هاتها ومتجولش ليها حاجه ولما توصل هتعرف لحالها يلا عمتي بتصوت ومفيش معاها غير حريم
ويجفل معاه وخليل ينادم علي مراته امتثال ويخبرها وتحزن وتروح تجهز نفسها وتطلب من مريم تجهز وتسالهم رضوي
رضوى:- لابسين اكده ورايحين علي فين يا عمتي انتي ومريم خير ان شاء الله
امتثال:- خير خالك هيزور بوكي وانا جاية معاه اتوحشت امك
رضوى:- بجد وبالمره تباركي ليها علي ولد خوي محمود
مريم:- ايوه هنبارك ونهني طبعا يلا بينا ومحمد يجهز العربية
وياخدهم وينطلق لبيت عمته ومعاهم رضوي
وهناك ينزل مازن من عربيتة ويطلب من السواق انه يبلغ في شركته عن وفاة عمه ويعمل مجموعة اتصالات لسرعة دفن عمه ويعمل ليه مادة محترمة تليق بعائلة الصفدي وكبيرها مازن ويدخل علي عمته اللي تشوف تقوم تجري عليه وترتمي بحضنه وتنفرج في البكاء ومازن يطيب خاطرها ويحضنها
مازن:- وحدي الله يا عمتي ده جضاء الله وجدرة و وعمره خلص لحد اكده خلاص سامحيه يا عمتي واستودعيه عند ربه
حنان:- استودعته وربنا يرحمه ويغفرله وتبص لمازن وقلبها موجوع مبجاش ليا حد غيرك انت وبوك دلوجيت هتعمل معايا ايه يا كبيرنا وهتسامحني علي اللي عمله جوزي علام
مازن:- انتي فوج راسي يا عمتي ودار بوكي مفتوحه ليكي باي وجت وخلاص من اليوم انتي وبتك بجيتي مسؤوليتي لحد ما ولدك يرجع بالسلامه خبرتيه ولا لسه لموت بوه
حنان:- خبرته وكان صعبان عليه جوي لانه كان عايز ينزل من شهر فات لكن ظروف دراسة وامتحانات حلا خلته مينزلش
ده غير كمان هي لسه ...... وتسكت
مازن:- بلهفه يسال عايز يعرف اخباره غير كمان هي ايه
حنان:- مفيش كانت تعبانه شويا و عامله عمليه بس هو طمني وجالي انها بجت كويسه وبخير الحمد لله
مازن:- الحمد لله يا عمتي انا هروح اخلص تصريح الدفن واتقف مع المقرئين وان شاء ليلتة هتبجي كبيرة وهتشرفك
حنان:- اللهي ما تدمع عليك عيني يا غالي يا ولد الغالي
وقبل ما تكمل كلامها تنزل رضوى وامتثال ومريم من العربية
وتشوف امها متشحه بالسودة تصرخ وتصوت وتجري عليها
رضوى:- هو بوي مات يا اماي اوعي تجوليلي ان بوي مات وتصوت وتصرخ بحرقه علشان يمسكها مازن ويهزها اخرصي وماعايزش اسمع صوتك تاني لوصوتي تاني هدفنك مع بوكي فاهمه ولا لاه خديها يا مريم طلعيها فوج عند الحريم وخليها
تغير خلجاتها دي وانتي يا عمتي اطلع معاها ومحمد وابوي هايجابلو المعزيين وانا هخلص كل حاجه ونغسل عمي وندفنه بسرعه اكرام الميت دفنه ويروح خليل يحضن اخته
خليل:- اتوحشتك يا بت بوي الباجيه في حياتك وربنا يباركلك في ولادك و ويباركلك في حس ولدك محمود بالدنيا
حنان:- تبكي وانا كمان اتوحشتك يا ولد بوي يعني كان لازم توحصل مصيبه علشان اشوفك تاني وتزورني يا خوي
خليل:- والله ابدا واسالي بتك كنت ناوي اجي معاها ازوك لكن امر الله كان سابج ونفذ ومات واد عمي جبل ما اشوفه
حنان::- تسلملي يا خوي وربنا ما يحرمني منك ومن كبيرنا
وتبص رضوي لمازن وعيونها كلها دموع وتحس بكسرة نفسها
رضوى:- تبكي بحرقه حاضر يا مازن هكتم جهرتي علي بوي علشان خاطرك وهطيعك كيف ما بتريد يا كبيرنا وتطلع تجري وتروح ووراها مريم وتاخد امتثال حنان بحضنها وتطبطب عليها وتمسح دموعها وتاخدها وتدخل لنسوان
وبعد كام ساعة يتم الدفن ويقف مازن وابوه واخوه ياخدو العزاء وبالذات ان اخوه الوحيد كارم عايش بره بانجلترا
وباليل في العزاء يحضر فتحي وولادها سالم وسامي ويدخلو
سرادق العزاء ويعزو مازن اللي يبص لعمه باستحقار ويرفض ياخد العزاء معاها ويطلب منه يدخل يجعد. مع الرجاله
فتحى:- بزعل انا هطلع لخيتي اعزيها واخد بخاطرها
مازن:- ادخل انت وولادك خدو عزا واد عمك ولما الحريم
يخلصو عزاهم ابجي اطلع ولا هتدخل تحددت مع خيتك وسط الحربم مالك يا عمي نسيت الاصول ولا ايه
سالم:- تعالي يا بابا البقاء لله يا مازن وانتي الخير والبركه
مازن:-شكر الله سعيكم وعظم الله اجركم يا واد عمي
سامى:- ممكن اقف اخد.معاكم العزا يا كبيرنا
مازن:- يتبسم اجف جمب محمد خوك وواد عمك يا سامي
وقبل القرأن ما يختم يحضر محمود اللي لسه جاي من المطار ويدخل يقف مع الرجاله وباخد عزا ابوه مع خاله وولاد خاله
وبعد ما يخلص العزاء لثلاث ايام متواصله كان قايم بيها مازن علي خير وجه والكل كان بيحترمه ويقدره لوقفته جمب عمته وولدها محمود وبعد ما انتهي العزا اخر يوم !!
فتحى:- انا نازل مصر وكل سبوع هجي ازور خيتي حنان
مازن:- لا متجيش عمتي هتخلص عديتها وهتيجي تجعد معانا في دار الكبير اللي مفتوحه للكل وده امر مني عندك مانع
محمود:- طمنتني والله يا مازن كنت قلقان علي ماما اوووي لانه مش هينفع تجي تعيش معايا بره ولا انا هقدر انزل دلوقتي قبل ما اخلص رسالة الدكتورة بتاعتي ولسه عقدي ممتد ل٣ سنين وكمان دراسة حلا كل ده مش هيخليني اقدر انزل واستقر في مصر حاليا علشان اراعي امي واختي
مازن:- متجلجش دي عمتي جبل ما اكون مسؤول عنها كاكبير للعيله وخيتك اختي وبت عمي وعمتي وهما هيكونو تحت رعايتي ومسؤوليتي بس بعد ما عدت عمتي تخلص الاول
واماي هتجي تجعد معاها لحد ما تخلص عديتها بالتمام
فتحى:- يبجي انا مليش عايزه يلا يا سالم انت وسامي حصلوني خلينا نمشي من اهني
سالم:- مازن عايز اشوف ولادي ممكن تسمح ليا اشوفهم قبل ما اسافر وحشوني وابني الصغير مشفتوش خالص
مازن:- ينادم علي محمد اطلع لمريم وهات منها الولاد لابوهم يشوفهم وخلي مها تدلي معاك لاجل تاخدها وتطلع بيه تاني
ويطلع محمد وينزل بالاولاد محمود وزياد ويحضن محمود ابوه وبايدة الصغيرة ام زيادة يخاف يروحله ويشيله مازن
ويسلمه ليه ويحضن فيه ويبوس ايده ما شاء الله بقيت زي القمر مشوفتكش غير مره واحده وانت بالحاضنة هانت يا
ابني انا بعمل مشروعي الخاص وهبقي حر نفسي وهجي ارجعكم وارجع امك ونعيش كلنا سوا زي الاول بامر الله
مازن:- ينادم علي مها خدى الاولاد واطلعي بيهم فوج يلا
سالم:- يبوسهم وسامي ياخدهم منه ويبوسه ويديهم لمها
و هي تاخدهم وتطلع وسالم يسلم عليهم ويمشي
سامى:- يا كبيرنا ممكن ابقي اجي ازوركم انا وامي
مازن:- تشرفنا وانا اتوحشت خالتي تجي تزورانا زي ما وعدتنا
غالية:- تجي من وراه وتحضنها كله بوجته يا مازن والله الكام يوم دولو اللي جعتهم مع مريم والاولاد وخيتي فرحو جلبي وعوضوني حرماني منكم بس ربنا يهدي الحال ونرجع كلنا نتلم تاني في دار عمي ودارك يا كبيرنا زي الاول
مازن:- وانا بانتظار يا خالتي ويخرج معاها لحد ما تركب جمب سامي وعمه وسالم قدام ويمشو بالسلامه
ويرجع يلاقي ابوه طلع لاخته يطمن عليها ومعاه محمد ومحمود قاعد لوحده ووشها بين ايده وبيبكي
مازن:- يوطي عليها ويشيل ايده وحد الله يا محمود
محمود:- لا اله الا الله والله يا مازن ريحت قلبي لما قلت انك هتاخد امي واختي عندكم كده اطمنت عليهم الحمد لله
مازن:- اعجل اكده يا محمود دي عمتي وبت عمتي كنت متخيل اني اتخلي عنهم ما يصحش وانا كبيرهم يا واد.عمي
محمود:- ياه يا مازن والله اشتقتلك اووي وكنت نفسي اقعد معاك يوم ما نزلت قبل فرحي بس مكنش في نصيب بس في سؤال من يومها نفسي تجاوبني عليه بنفسك يا مازن
مازن:- هو ده وجت اسئلة دلوجيت يا محمود
محمود:- هو صحيح مش وقته لكن مفيش فرصه تاني اقدر اسالك فيها ممكن بقي تجاوبني وتقولي ايه سبب اللي عملته
يوم فرحي انا وحلا هو صحيح انت بتحب حلا بجد
مازن:- بملاح جامده لا تعبر عن ما بداخله مين جالك اكده
محمود:- اصلي مش مقتنع بكلام خالي لما قالي انك عملت كده في نفسك لانك كنت عايز تنفذ وصية جدي اكيد مش ده السبب وبصراحه انا مصدق اللي قالو انك حبيتها وموت نفسك عليها لانها رفضتك وعلي فكرة ده سبب اني وافقت علي الجوازه حسيت اني مهم لما بنت جميله زي حلا ترفض مازن اجدع واحد في عليتنا وتفضلني عليه حاجه كده عبيطه يمكن لاني شايفك طول عمري مقامك عالي عننا كلنا وكبير عننا وتصرفاتك كلها رجوله وشهامه وكمان انسان ذكي جدا ده كله سبب نجاحك في انك تبقي من اكبر رجال الاعمال في البلد وتحقق ثروة من البورصه اللي انت استاذ فيها في اقل من سنه وكمان سمعت بسبب تفوقك عرضو عليك تبقي معيد بكلية الاقتصاد لكنك رفضت علشان تدير املاك جدك محمود
مازن:- يساله بغموض " مين جالك ان حلا رفضتني هي اللي جالتلك اكده
محمود:- لا اختي رضوي اقنعتني اني اقبل الجوازه دي لان خالي فتحي عايز ينقذها منك قبل ما تاذيها بتصرفاتك
مازن:- بغضب رضوي جالتلك اكده طيب وحلا جالتلك ايه
محمود:- اللي بينا وبين مراتي شى يخصنا احنا واللي حصل بعدها حاجه تخصني انا وهي بس ،وبصراحه أنا عايز اسمع منك انت عملت كده ليه، فعلا لانك عاشق حلا وبتحبها وكنت بتموت نفسك عليه عللشان كده ضربت نفسك بالنار ودلوقتي ياتري انتي لسه بتحبها علشان كده متجوزتش
مازن:- عيب عليك لما تكلم كبيرك اكده وتجول اني عيني من مراتك اللي اتحرمت عليا من يوم ما بجت مرتك يعني صارت خيتي زي مريم ومها ومرات خوي وعيب تحكي في سيرة مراتك جدامي يا واد عمي احنا رجاله ما نجيبش في سيرة حريمنا حلا ماتت كحبيبة يوم ما صارت مرتك وطلعت شاله وهي دلوجيت خيتي ومرت خوي وبس فاهم ولا لاه
محمود:- مازن انا لو كنت اعرف انك بتحبها والله ما كنت اتجوزتها او لمستها بس انا اتصدمت من كل الاحداث اللي حصلت ولما رضوي قالتلي انها رفضاك فرحت وقبلت اتجوزها لكن بصراحه حلا بشرفها وعفتها وروحها الحلوه خلوها ملكه
في نظري وبشكر القدر اللي خلاها من نصيبي
مازن:- يقطع كلامها بس دي عرضك ولحمك ودمك ميصحش تتكلم عنها وتوصفها جدامي ربنا يباركلك فيها ويرزقك منها الذرية الصالحه ويسعدك معاها حلا تستاهل كل خير وانت راجل بجد و هتجدر تصونها وترعاها زين
محمود:- يعني انت خلاص مش بتفكر فيها ارجوك ريح قلبي
مازن:- روجك اكده بجي وافهم انا جولتلك حلا مرات خوي وعيب كلامنا عنها اكده و خلاص الحديت لهنا انتهي
محمود:- والله انا فخور بيك ومن حبي ليك سميت ابني علي اسمك مازن وعلشان كده مقدرتش اجيب حلا معايا علشان الولد لسه مولود يوم وفاة بابا وكمان حلا لسه مفكتش سلك العمليه
مازن:- ياخد نفس ويهرب من عيون محمود علشان مش يشوف وجعه ويتكلم بصعوبه مازن ربنا رزجك بولد سميته مازن
محمود:- ايوه وحلا اصرت اسميه علي اسمك وبصراحه ليها حق هو في حد ليهم كبير زيك وميسموش ولادهم علي اسمه
مازن:- مبروك يا محمود ربنا يباركلكم فيه معلش يا محمود
في ناس كانو جايين ليا من مصر منتظريني في الفندج
هروح اودعهم وارجعلك لاني اتاخرت عليهم ويمشي ويسيبه
ويركب عربيتةويسوقها بسرعه لحد ما يوصل دارة ويطلع يجري لشقته الصغيرة اللي كانو بيجهزوها لجوازه هو وحلا وفيها كل حاجات حلا اللي اشتروها سوا
ويدخل ويقفل الباب وراه ويصرخ بقوة من جوه قلبه
صرخه تمزق السكون في الدار ويصرخ اه اه اه اه اه يا حلا
صعبتيه عليا يا بت عمي خلاص روحتي مني اكده خلاص
هنت عليكي وعشتي حياتك ونسيتينا وانا ليه ماجدرش انساكي اه اه يا جلبي كي انزعها منيك وانساها اه اه يا حبة الجلب خلاص اكده ضيعتي مني وبجيتي لغيري وشيلتي في حشاكي بذرة راجل غيري ليه اكده اه اه اه ه ه وصرختها توجعه وتحرق قلبه بزيادة ليلاقي اللي بيشده من السرير وياخده في حضنه وتمسح دموعه ويشوفها مازن يبكي اكتر ويترمي بحضنها و يصرخ اكتر ويقول اه ه ه ه ه ه ه ه ..!!!
 

فيديو عن وجع مازن لخيانة حلا لحبه من هنا