البارت الثاني والعشرون
البارت الثاني والعشرون
" حقيقه غامضه"
تهتف سلمي بحزن وقلق"
حمزة انا محتاجه اتكلم معاك في حاجه ضروريه مصيبه متنفعش تتأجل!
يصفق حمزة بيده بطريقه مسرحيه
طيب اهدي يا سلمي وكل حاجه وليها حل مفيش كلمه مصيبه في قاموسي ها مصيبه ايه بقي ؟
تنظر لعيونه والدموع حبيسه في مقلاتيها حمزة ... انا حامل
يدقق في ملامحها ليتأكد من صحه ما سمعه منها للتو ويضحك بطريقه هيستريه
بتتكلمي بجد.. انتي شايله في بطنك دلوقتي طفل مني !
ايوة انا حامل
طيب متاكده
ايوة اتأكدت وصدقني ملحقتش اعمل اي حاجه ولا اتصرف اني امنع المصيبه دي ؛ ودماغي وقفت عن التفكير من ساعه لما عرفت بحملي الدنيا اسودت في عيني
انا بنت صعيديه قولي ازاي هواجهه أهلي بالحقيقه دي واني اتجوزت من وراهم وحامل كمان!
انا قبل ما أشرحلهم اللي حصل او اتكلم هيقتلوني وهيدوروا عليك ويقتلوك انت كمان
احنا لازم نتصرف ياما انزل البيبي او نعلن جوازنا بسرعه.. اسكتي انتي بتقولي ايه انتي حامل في ابني عارفه يعني ايه
انتي حررتيني من حاجات كتيره يا سلمي
المهم طمنيني علي حملك وانتي حامل في الاسبوع الكام ووضع الجنين اية؟
تنظر له بغرابة مستنكره رد فعله
يعني بتتعامل معايا ببرود قاتل ولا مبالاه ودلوقتي طاير من الفرحه ؟!
بقولك مش عارفه افكر؛ ومش هقدر اواجهه أهلي.. الشرف عندهم أهم من المال أو أي حاجه وبعدين انت متعرفش وضعي انا بنت كبير العائله ومش عارفه حتي انا ازاي طاوعتك وقدرت اعمل في نفسي كدا، معاك بحس ان عقلي ملغي تماما وكأني مسحوره!
حمزة ارجوك اتصرف
يأخد نفسا عميقا... طيب أهدي وتعالي نروح شقتنا وهناك هنتفاهم مع بعض كويس انتي متعرفيش الخبر دا خلاني أتولدت من اول وجديد واتكتبلي شهاده ميلاد جديده
طيب اركبي واهدي واللي جاي هيبقي أحسن متقلقيش
ويصلوا لشقتهم ليحملها حمزة بحرص شديد
مالك ممكن تهدي واول حاجه مش عايز اشوف دموعك دي تاني ابدا، الدموع خلاص انتهت واللي جاي هيبقي كله سعاده وبس انتي شايله جواكي مستقبلي وحياتي متعرفيش مدي سعادتي انا أسعد انسان في الكون انتي شايله حمزة ابن صهيب الاسيوطي قومي اغسلي وشك ويالا بينا نروح للدكتور نتابع حملك معاه ونطمن علي وضع البيبي ولما نرجع في كلام كتير محتاج احكيه معاكي عمرك ما هتتخيله!
تنظر له باستغراب
بجد انت سعيد بحملي؛ معقول بعد إهمالك ليا من آخر مره كنا فيها سوا لدرجه اني خلال الشهر اللي فات كله مكنتش عارفه اوصلك والنهارده جاي تقولي انك فرحان طيب ازاي فهمني؟!
أنا فرحان أوي أنك هتكوني أم أبني وخصوصا انه هيكون منك انتي بالذات، ويتجهوا للدكتوره لعمل سونار ويحدد مده الحمل ليتأكدوا انها حامل في اسبوعها الخامس وان الحمل حدث في ال٤ أيام التي قضوها سويا.
سعادته كانت غريبه بالنسبه لها وهي لا تعي ما يدور في ذهنه حتي بعدما ردد اسم والده لم تتأثر او تعيره انتباهها لانها بالفعل لا تعرف صهيب
ويعزمها حمزة علي الغداء في مكان شيك ويعودوا سويا الي شقتهم ليمسك يدها
عايز أقولك انك يا سلمي بحملك دا حررتيني انا من ٤٠ يوم تقريبا خطبت!
لتتفأجا سلمي قائله
خطبت انت بتقول ايه!
أيوة خطبت بنت أونكل خالد اللي رباني وهو حاليا أصبح وزير خارجيه وهو اللي ساعدني أني أتعين في الجامعة فخطبت بنته اللي بعتبرها في مقام أختي وكنت مسؤؤل عنها طول حياتها وكان لازم ارد الجميل اللي طوق رقبتي انا واخواتي ؛ بس بحملك دا انتي ريحيتني!
لتبكي سلمي
لما انت بتحبها وخطبتها ليه اتجوزتني وحكيتلي ان عندك مشاكل؟
انا مكذبتش عليكي دي فعلا كانت اول مشكله، انا اتجوزتك لاني حبيتك جدا ولقيت فيكي المواصفات اللي بحلم انها تكون في شريكه حياتي .
وبعد اول اسبوع لما مشيتي مع ابن عمك حبيت اردلك القلم وانتقم منك فخطبتها وعلشان اثبت لنفسي اني اقدر اعيش حياتي بدونك، وبعد ما خطبتها بعدت عنك لاني مكنتش طايق اكون معاكي ومع غيرك، لكن النهارده بحملك اللي هيربطنا ببعض طول العمر هقدر اواجه الدنيا بحالها بس محتاج ان حملك في ابني يثبت يا سلمي
طيب ازاي أنا هقدر أواجه أهلي؟
متقلقيش الحمل مش هيبان في الشهور الأولي وأكيد هنلاقي طريقه تداري بيها الحمل
متعرفيش أن الحمل دا فيه نجاتي ! ؛ والخطوبه انا هنههيها بعد لما أعلن جوازي منك يا سلمي
علشان ماما ميكنش لها حجه ها هتساعديني؟
تأخذ نفس عميق
صراحتك معايا بتوجعني بس في نفس الوقت بتطمني مش عارفه اقولك ايه بس طالما عرفتني حقيقه خطوبتك دا في حد ذاته يثبت لي انك مغصوب
حاضر يا حمزة هقف جنبك لانك أبو ابني... والعار هيموتنا أحنا الاثنين وهحط ايدي في ايدك ونعدي المحنه دي وهعمل كل اللي انت عايزة
يحملها حمزة بفرحه عارمه ليدور بها.. اخيرا هيبقي ليا أبن ومحدش هيقدر يسلبه مني وهيمد في اسمي واسم ابويا وهيشيل لقب عائلتي
عارفه هسميه ايه؟
هسميه صهيب حمزة صهيب
يااا صهيب هيرجع للدنيا من تاني ويكون منك انتي بالذات؛ القدر لعب لعبته معايا وهتبقي ضربه في مقتل!
تستغرب سلمي
ضربه في مقتل لمين؟!
لاي حد كان فاكر اني خسرت معركه انتقامي.. تاني يا حمزة انتقامك
احكيلي موضوع انتقامك لاني نسيت
لا يا حبيبتي مش دلوقتي لاني مش عايز اي حاجه تعكر نفسيتك او تشغلك عن الاهتمام بإبننا اللي بيكبر في حشاكي
يالا يا قلبي قومي ارتاحي والايام اللي جايه هتشوفي حمزة جديد
ياا انا فرحان أوي؛ الفرحه بترقص في عينيك ... معقول فرحان أوي كدا؟
طيب ليه مانعلنش جوازنا هل لو مكنتش حملت كنت هتطلقني انت ههددتني بانك هتعمل كدا
لا مكنتش هطلقك انتي مراتي انا كل الحكايه كنت هبعد شويه عنك علشان ما حسش بسيطرتك عليا المهم عايزكي تعرفي والدتك أن هيكون عندك محاضرات إضافيه كل يوم علشان أقدر أطمن عليكي وعلي ابننا
يغمز لها قومي معايا عند كلام خاص عايز اقولهولك ويدخلوا سويا لغرفه نومهم ويقضوا وقتا ممتعا
عادت سلمي لبيتها سعيده بعد أن عاشت لحظات حنان وحب ودلع مع حمزة وأختفي وجعها والمها الذي نال منها في الايام الماضيه
ارتمت سلمي بحضن والدتها
ماما انا سعيده اوي
لتحتويها والدتها
اخيرا يا سلمي ضحكتك رجعتلك تاني
ليه يا ماما هو انا كان باين عليا الحزن اوي كدا؟
لتعاتبتها والدتها قائله
مش شايفه نفسك كنتي عامله ازاي عايشه معانا ولا الاشباح ووشك بيدبل يوم بعد يوم
ااه يا ماما طيب خوديني في حضنك متعرفيش محتاجه لحضنك اوي بس قوليلي بابا رجع ولا لسه ؟
لا يا حبيبتي لسه مجاش بس ايه اللي مفرحك اوي كدا ؟!
هحكيلك يا ماما كل حاجه بس انا حاليا محتاجه انام نوم عميق ودخلت سلمي غرفتها تحتضن جسدها بيدها وتتخيله حمزة داخل احضانها وتتذكر وعوده لها وأحلامهم الورديه التي رسموها سويا!
أما حمزة اتجه لغرفته علي الفور عقب عودته مباشره واجري اتصالا هاتفيا برقم دولي
الوو.. أونكل خالد
اهلا يا حمزة... خير بتتصل بيا ليه دولي طمني حصل ايه؟
اصلي عايز ابشرك..
ها خير فرحني
سهي حامل
بتتكلم بجد يا حمزة؟
ايوة الخطه نجحت ومشيت زي ما كنا عايزن وإحسن وسلمي بقت حامل
ليكمل حمزة حديثه
يااا انا فرحان أوي يعني أكيد احنا كدا صح وانا كدا النهارده أنقذت جويريه!
تصدق اول حاجه تفرحني من حوار علاقتي بسلمي اني أنقذت أختي
ليرد خالد بارتياح
تمام يا حمزة احنا هنكمل خطتنا بس عايزك تخلي بالك من جوجو اوعي توجعها يا حمزة
ليبتسم حمزة بشكل تلقائي
متقلقش هعيشها احلي ليله في حياتها؛ النهارده سعادتي لا تقدر بثمن اولا لإنقاذي لاختي وثانيا ابني اللي هيجي الدنيا وأن الاوان بقي ندور علي البقيه " عامر ومهدي"
احنا كدا خلصنا من سلمي ومرعي فاضل الباقيين
خلاص الدائره بدأت تقفل وخلال الشهرين القادمين عايز اكون انتهيت من الموضوع دا نهائي
حاضر يا حمزة هبعتلك ملفاتهم وهنتبدي نشتغل عليهم يالا سلميلي علي ماما واخواتك
يغلق السكه ويخرج ليتفاجأ بزيد وينظر له بغيظ مكتوم
وينادي عليه زيد
حمزة
يتأفف حمزة وينفخ
نعم يا زيد خير في حاجه!
ليرد زيد بضيق
ايه اللي انا حاسه دا؟
ويسخر حمزة ويرد بتهكم
هو انت بتحس لا قولي مالك مصدع ولا عندك مغص في ايه ؟
قولي الحقيقه يا حمزة
انت النهارده وجعت حد ؟
لا بالعكس انا سعيد جدا ومن فرط سعادتي مستعد اسمع واتقبل منك اي كلام
ليستغرب زيد حاله حمزة
فعلا الفرحه واضحه في عيونك بس حاسس ان في حد أتوجع بسببك!
متكذبش عليا قولي الحقيقه
ليهرب حمزة من اسئله زيد
بقولك ايه تيجي تسهر معانا النهارده انا وجوجو وجويريه؟
عايز أحتفل بجويريه لان اتكتب لها عمر جديد
تعالي نهيص ونأخذ معانا زين بالمره بس مراته مش هينفع بسبب إرهاق الحمل عليها ايه رايك تيجي معانا؟
ليزفر زيد بضيق
مش عايز اروح معاك في أي مكان لاني لو عرفت باللي انت عملته هتعب اوي، محتاج اقعد مع ماما عايزها تحكيلي عن بابا انت مبقتش بتريحيني في الكلام
يسكت حمزة قليلا
خلاص اللي تشوفه واللي يعجبك اعمله عن اذنك لاني منتظر جوجو تجهز ولو غيرت رأيك وحابب تيجي معانا قولي استناك
ويخرج حمزة وهو في قمه سعادته بنجاه جويريه وطول السهره يحضن شقيقته النهارده قومت بأول دور ليا معاكي ربنا يخليكي ليا يا اختي حبيبتي ، وبالرغم من شعور جويريه بأن هناك شيء غامض يخبئه حمزة بالرغم من السعاده الموجوده بعيونه ولكنها لم تستطيع استنتاج او توقع ما هو هذا الشيء كما يفعل زيد
واستمتع حمزة مع جوجو لوقت طويل وعاش احساس سعاده حقيقه لا توصف فحتي مريم لاحظت السعاده الباديه علي ابنها ولكن الجميع يجهل السر وراء فرحه حمزة بهذا الشكل وكميه الطاقه الإيجابيه التي حولت وجهه الي كتله من النور
يعود حمزة لمواظبه حياته بعد أن بدأ في رحله انتقامه - بشكل لا يتوقعه احد- وتستمر لقائته اليوميه بسلمي بدون حدوث اي علاقه بينهم لانه كان حريص علي الاهتمام بصحتها وصحه البيبي وكانوا يخرجوا مره كل اسبوع للتنزة حتي أتمت الشهر الثالث من الحمل
حمزة كان بيحاول يوفق بين سلمي وجنا في وقته بدون ما يشعر أي واحده فيهم بالبعد عنها الصبح كان مع سلمي بعد الكليه والليل كان من نصيب جنا وبدأ خروجهم يزداد مع شهاب صديقه وخطيبته ونشبت بينهم علاقه صداقه وطيده وكل ذلك كان لغرض معين في رأس حمزة !
وبدأت بطن سلمي في الظهور حتي جاء موعد الطبيبه التي طمنئتهم علي استقرار الحمل ووضع الجنين مستقر ونوعه " ذكر"
لتجتاح الفرحه في قلب حمزة واضعا يده علي بطن سلمي
يااا كبرت وهتكبر معاك كل حاجه؛ بدايه كبرك دا هو نهايه انتقامي!
لتشعر سلمي برهبه تسري في أوصالها
انتقام تاني يا حمزة.. ليه انا كل ما بسمع سيره الانتقام بخاف اوي
ليرد عليها
دا انتقامي من الدنيا كلها ومن كل اللي كانوا عايزين يحرموني منها بس الحمد لله فرحتي اكتملت
لتضحك سلمي وهي مصدقه لكلامها ، وعادت للبيت وبداخلها حزن دفين وكأن الرابط اللي بينها وبين حمزة انفصل!
لتخبرها والدتها اه والدها
رجع وتعبان وسأل عليها
طيب يا ماما هدخل أجلس معاه واشوفه
بس انا عايزكي في موضوع مهم يا ماما!
تبتبسم بحنان
طيب ادخلي لبابا وهجهز الغداء واجيلكم
ظلت سلمي بجوار والدها الذي رفض أن يتحدث باي كلمه واحتضنها ومسح علي راسها بحب والدموع منمهمره من عيونه في صمت غريب
لتنظر له سلمي:
ليه بتعيط يابابا مالك؟
يتنهد ويستمر علي صمته الغريب
لتخرج وتسأل والدتها عن حال والدها وسر بكاؤه؟
بابا ماله ياماما؟
مش عارفه بقاله أكثر من شهرين علي الوضع تقريبا مش موافق علي جوازك من مرعي!
لترد سلمي
هو انا لازم اتجوز مرعي يا ماما ؟
سلمي انتي بتقولي ايه ؛ جوازك منه لازم يتم
طيب هو انا كدا اتجوزته!
في ايه يا سلمي مالك ليه حاسكي تايهه انتي يابنتي متجوزه من مرعي من ٤ سنين صحيح هي جوازه علي الورق لحد ما تتخرجي وتخلصي كليتك زي ما اتفق اهله مع والدك
لتستكمل سلمي حديثها
ليه انا يا ماما اللي مفروض اتجوزه هو مفيش بنات في العائله غيري!
لتهتف والدتها
انتي شايفه ان في بنات غيرك تليق بمرعي!
طيب فهميني يا ماما انا ليه اتجوزته وانا عندي ١٦ سنه ؟
وعدتيني تحكيلي بس كل مره بتتهربي مني!
طيب ادخلي غرفتك انتظريني وانا هحكيلك علي كل حاجه علي الحقيقه اللي خايفه عليكي من وجعها وهتعرفي انك ضحيه لكل حاجه وتنتظر سلمي بالفعل لتسمع من والدتها سر زواجها المبكر والسر في إقامتها في مصر بعيدا عن البلد وغربه اخواتها التي طالت!!
اما حمزة بدات في اللعب من تحت الترابيزة وكرس كل وقته في دراسه ملفات عامر ومهدي وكيفيه التخلص منهم
اما عن عامر الذي كان يعمل مهندس إنشاءات تم توريطه في قضيه مخالفات بناء وبدأت التحقيقات معه وفر هاربا للصعيد حيث أثبتت التحقيقات انه تسبب في انهيار عقار كانت السبب في خسائر ماديه فادحه بدون اي خسائر بشريه وستكون عقوبته السجن لمده ٧ سنوات
اما مهدي والذي يعمل طبيب تم التلفيق له بتهمه سرقه الاعضاء وتم وقفه عن مزواله مهنه الطب ولكنه لم يتحمل كل ما مر به وهو يري ثمره كفاحه ومجهوده تضيع سدي وخصوصا بعد أن خسر زوجته اثناء الولاده وبعدها فقد ابنته عقب ولادتها بشهرين وساءت حالته النفسيه بعد واقعه اتهامه ودخل مصحه نفسيه لانه تعرض لازمه نفسيه شديده تفوق احتماله
ومرعي اللي هيصدم صدمه عمره في زوجته سلمي وحملها وجوازها بدون علم أهلها؛ كل ذلك كانت من ترتيبات حمزة في رحله انتقامه منهم
لتدخل والده سلمي عليها لتجدها شارده والحزن يكسو ملامحها
مالك يا سلمي؟
عايزة افهم يا ماما ليه اتجوزت من وانا صغيره وليه محرومه ارجع بلدي وليه بابا بيزورنا في اوقات معينه واخواتي ممنوعه اشوفهم ؟ ليه مبقاش في بنات في عائلتنا والف ليه والف سؤال في دماغي ريحيني يا ماما
تتنتهد قائله آن الأوان تعرفي الحقيقه بعد لما وصلتي لسن العشرين وزفافك علي مرعي مفروض هيتم السنه دي
اسمعي حكايتنا وهتعرفي كل حاجه
الحكايه بدات من اول جدك الكبير " سمعان " وكان لديه ٣ أشقاء أخ منهم استشهد وأخ تاني كان لديه ٣ بنات و٣ ذكور " حمد وكرم وسالم"
حمد ربنا كرمه بزوجه انجبت له ٤ ذكور وبنتين وماتوا جميعا ماعدا ابنه الاخير اللي استطاع عمه سالم انه ينقذه من الموت وهو صغير وكرم اتجوز بنت عمه الشقيقه وانجب منها ٥ ذكور اما سالم بعد سنين هرب للخارج حتي لا يقع في نفس جوازه اخوه واتجوز وهو في الخارج وكانوا بيقولوا علينا أن المعون بتاعنا فيه لعنه ومرض ولكن عمي حمد أنجب انقي شخص في الوجود كان حافظ لكتاب الله كتتي تشعري بالامان والراحه أثتاء حديثك معاه وكان مثال للنقاء والطيبه اللي اتحرمنا منها من بعد فراقه لينا
وعاد عمي سالم البلد مع ابنته ليجبروها أبناء عمومها علي الجواز من حد فيهم مقابل تنقيذهم لوصيه جدهم بس هي رفضت و الطمع في مالهم عما قلوبهم و اجبروها علي الجواز من العبيط " المبروك " واتجوزته علي مضض من أجل إنقاذ حياه والدها الذي تعرض لازمه صحيه ودخل علي اثرها المستشفي ولكن بعد جوازها اتغيرت الامور لانها " شافت فيه اللي ملقتهوش عند حد" وعشقته وهربوا للخارج وعاشوا حياتهم ورمت خلفها الوجع والطمع والحقد واخذت أحسن ما فينا لحد ما جاء اليوم واللي اتقلبت فيه كل الموازين وعرفوا بسببك يا سلمي بوجودهم في مصر لانهم كانوا بيعالجوكي بعد إصابتك بمرض انيميا " البحر المتوسط" وكان لازم تغيري دم باستمرار بسبب نوبات الاختناق اللي كانت بتحصلك
يمكن تستغربي ليه اتقذوكي لأنك غاليه اوي علي ابوكي وجيتي بعد ٣ شباب وكان الحمل اتقطع لمده سنين ومكنش في أمل انه يخلف تاني
ويومها كان أبن المبروك بيتكرم الاول علي الجمهوريه وشافوا صورته في التلفزيون وشعروا أن المال والورث اصبح في خطر ووفكروا بافكار ابالسه ازاي يخلصوا منه واتهموا مريم في شرفها مع انهم واثقين انها حره ولا عمرها تغلط او تزني
ودا كان مبررهم انهم يتهموها بالحرام وممارسه الفاحشة مع انها كان بإمكانها تتطلق من المبروك لعدم الكفاءة بس هي حبيته ولكنهم خطفوها وخطفوا ابنها وعمي سالم وطلعوا بيهم الجبل علشان يعذبوهم والطمع طمث علي قلوبهم وبقوا عايزن ينهشوا في لحم الغلبان اللي عمره ما أذاهم ولا أخد حاجه منهم ٣٥ سنه وهما بيسرقوا ماله وحقه هو ومراته وعمه وعمره ما طلب منهم قرش واحد ، بس استكتروا عليه يعيش في سعاده يومها كانت حالتك ازدادات سوء وانا اللي كنت براعيكي الكلام دا كان من ١٥ سنه كنت في المستشفي معاكي والدكتور طلب تغيير دمك ومكنش معايا فلوس واتصلت علي ابوكي واعمامك بس محدش رد طلبت من الدكتور يكمل إجراءات نقل الدم لكي لحد ما اوصل البلد واجيب الفلوس
يومها رجعت البلد علشان يتوجع قلبي واول ما وصلت الدار لقيتهم رافعين عمي وهو مكتوف الأيدي ومربوط القدمين والدم بينزف منه من رأسه ورجله
جريت عليه عمي سالم مالك ابعدوا هتموتوا عمي
صرخوا فيا ابعدي عنه
عمك دا السبب في قتل جوزك المبروك كمان مات بعد لما جاتله النوبه ورماه في البئر وهو كمان سقط وراه وأنقذنا عمك قبل ما يحصلهم
سألتهم بلهفه طيب فين بنت عمي وابنها اللي طلع الاول علي الجمهوريه
صرخ فيا
اخرصي مفيش حاجه اسمها بنت عمك والوله دا مش ابننا؛ ولقيت عمي سالم بيخرج أنفاسه بالعافيه وبيبكي سالته
بجد يا عمي المبروك مات؟
ايوة مات وفضل كمان؛ مات علشان يرتاح من الدنيا الظالمه وراح وراحت كل حاجه حلوة معاه
لتحضنه بقوة
لا مش ممكن ؛ وطلبت منهم أدواي جروح عمي بنفسي وانهم ينزلوا لكي مصر يتابعوكي بس عايروني
" انزلي انتي ولا بتخلفي ولا معاكي عيل زي الارض البور "
وبسببك جوزك كان هياخد بنت عمه بالغصب لأجل ما تحمل منه وتعوضه الضنا اللي اتحرم منه وبسببك كنا هندوس علي شرفنا اللي عمر ما في صعيدي اتجرأ يعملها وينتهك شرف بنت عمه
يالا كفايه علينا اننا راضيين بيكي وانتي بعله"
الله يسامحكم بس عمي مش هتركه لكم ولقيت عمي بينادي عليا روحي يا هنادي وسبيني انا خلاص انتهيت ومبقتش باقي علي الدنيا اغلي اثتين في حياتي راحوا مني ودول الطمع عماهم بس متقلقيش المال اللي طمعوا فيه وعينهم عليه وعملوا فينا كدا بسببه هقولك علي سره ومش هيقدروا ياخدوه لانه مش من حقهم واصحاب الحق لسه عايشين
ونزلت مصر بعد ما أخذت منهم فلوس كثيره وقولتهم مش هرجع هنا تاني ابدا واخدت الفلوس لمصاريف علاجك وبعد عده شهور اتحسنتي وصحتك بدات ترد من تاني وسافرت اشوف اخبارهم بعد ما انقطعت كل الأخبار عني من ساعه نزولنا لمصر ورجعت وكانت المصيبه ولقيت البلد كلها متشحه بالسواد والنفوس حزينه والوجع صايب الكل ودموع لا تنتهي؛ ربنا أنتقم منهم بعد اللي عملوه في عمي وبنته والمبروك واصابتهم لعنه كل بنت في العائله كان حامل سقط حملها! حتي سلايفي وزوجه علوان وناصر ومنصور كلهم فقدوا اولادهم والموضوع بقي أكبر من كدا بعد ٤٠ يوم اكتشفنا أن كل بنت في العائله تتجوز يكون مكتوب عليها تموت يوم صباحيتها وماتوا ٦ بنات من العائله في وقت صغير حتي أولاد ناصر وعمران وعلوان ماتوا كل بناتهم الصغار ومضي ٣ شهور لتموت كل البنات الصغيره يدفنوا واحده يرجعوا يلاقوا التانيه ماتت!
حتي أمك يا سلمي ماتت من حسرتها علي اختك اللي بعدك واخواتك الاثنين كمان ماتت زوجاتهم وفي يوم وليله ضاعت العائله وانقطع النسل بعد ما رفضت اغلب العائلات انهم يجوزوا حد من عائلتنا ومبقاش في رحم يشيل نسلنا
وروحنا للعرافه الوحيده في البلد "بهانة" علشان تقولنا علي سبب انه بعد مرور سنه علي اللي حصل مبقاش في صريخ لطفل وحتي الرجاله الموت كان بيخطفهم واحد ورا التاني وجت تقولنا انك الوحيده اللي متبقيه ومصيرك مرتبط ببنت تانيه من العائله بس منعرفش هي مين ! ولازم تتجوزي ابن عمك علشان النسل يفضل موجود وانك يا سلمي الارض الطيبه اللي هترجع نسل العائله من تاني ؛ وقالت لنا الحقيقه ان دا انتقام من ربنا واول ما دخلت الدار صرخت بأعلي صوت
" شوبين شوبين عليكم يا ولاد سمعان " وبدأت تحكي لنا اللي عمرنا ما تخليناه!!!
![بينترست](http://pinterest.com/pin/create/button/?url=https://www.salmasa.com/2021/02/blog-post_8.html&media=https://blogger.googleusercontent.com/img/b/R29vZ2xl/AVvXsEjLUqa1YP7XxoCZeaP2QVOGN0WLNKB0TKvE6fPQoh9nF8lWMqjhwca8zl9ORjNyD2hax5XAIBskPDRjqx4FWTXfOORE47DMZFy1euZC4Bko6y76GXQ4mFXGO0yfJdEZtRTYGq29b6jixwQ/s72-c/FB_IMG_1606341739960.jpg&description= البارت الثاني والعشرون البارت الثاني والعشرون " حقيقه غامضه" تهتف سلمي بحزن وقلق" حمزة انا محتاجه اتكلم معاك في حاجه ضروريه ...){kind=link}
رووووووووعة سبحان الله انتقام ربنا كبير يعنى جواز سلمى من حمزة فيه انقاذ للعائلة مش مرعى المقصود صح كظة و اللا انا غلطانة و مصير سلمى مرتبط بجويرية
ردحذفجميله اوي وتجنن وتسلم الايادي على الابداع والتميز وبالتوفيق دائما
ردحذفكالعاده مبدعه فى افكارك ومختلفه
ردحذفيا سبحان الله ربنا انتقم منهم شر انتقام المجرمين دول وهو صهيب وخالد عرفو الحقيقة دى ورتبو انتقامهم على كدة بس يا سلمى برافو عليكى بجد تستاهلى لقب كبيرة ملوك الأبداع عن جدارة الصراحة برافو برافو برافو برافو برافو احلى سلمى 👏👏👏👏👏👏👏👏👏👍🌹🌹🌹🌹🌹🌹🌹😘😘😘😘😘😘😘😘
ردحذف