البارت الثالث والعشرون
بعد كتب الكتاب تنزل بيسام وتسلم علي يارا اللي تتصدم لما تعرف انها اخت باسل وتسيبهم بيسام وبكل فرحة تروح تبارك لاختها علي زوجها من باهر لانها كانت في اوضتها معرفتش اللي حصل وتحضن سهير وتبارك ليه وتروح لجوزها تبارك ليه
تتصدم لما تلقيها رؤوف والكل بيبارك ليه اللي يتفاجا بيها
بيسام:- ابيه رؤوف جيت امتي هو انت العريس
رؤوف:- انتي مين وهو مصدووم
بيسام:- انا بيسام اخت سهير يا ابيه
رؤوف:'- يبصلها بذعر ويرجع لوار بضهره ويخبط في باهر
باهر:- حاسب يا عريس في حد يمشي بضهرها
ويشوف الصدمه والذعر بعينه ويستغرب هو حصل ايه
ويبص للي كان بيحدق فيه رؤوف
بيسام:- تقرب ابيه رؤوف حصل ايه لتستغرب من باهر
اللي بيقرب ليها وبعيونه بادي عليها الذهول
ويحط ايده علي وشها ويلمس خدودها ويلمس ضفيرتها
ويشوف صلاح ردات فعلا رؤوف وباهر
ويشد بيسام من قدام باهر اللي يحاول ياخدها من ايد
صلاح بحاله من الجنون ويصرخ
باهر:- هنا هنا انتي عايشه هنا هنا احمدك يارب ويحاول يوصل ليها وبيسام مصدومه مش فاهمه ايه اللي بيحصل
صلاح:- ابعد ايدك عنها هنا مين دي بيسام اختي
ويدخل باسل ويحضن اختها اللي بقت ترتعش من الخضه
باهر:- لا دي هنا رؤوف قولهم دي مين ويصرخ بابا
بابا قولهم دي مين ارجعي يا هنا مستبنيش
يشعر باسل بارتجاف اخته يهديها ويارا معاه
وصلاح يقف حائل ما بينهم لمنعه من الوصول إليها
ممدوح بيه:- باهر اعقل هي فعلا تؤام هنا بس دي شابه صغيرة حكم عقلك واهدي يا باهر
باهر:- ينزل علي ركبته وينهار وينزله رؤوف
رؤوف:- باهر تعالي معايا الناس بتتفرج عليك
ويحاول يقومه لكنه كل اعصابه وحواسه كانت مركز
علي بيسام اللي بتنتفض وترتعش من الخضه
ودموعها تنزل علي خدودها زي حبات اللؤلؤ
سهير:- رؤوف باهر في حالة صدمة مش فاهمه ايه اللي حصل لكل ده ومين هنا دي
رؤوف:- اخرصي يا سهير دلوقتي مش عايز اسمع صوتك
وساعديني افوق باهر ده ممكن يحصله انهيار عصبي
بيسام:- يصعب عليها حال باهر وتقوم تروح ليه
باسل:- راحه فين اهدي كده واقعدي مش شايفه جسمك بيرتعش ازاي واعصابك سايبه
بيسام:- اصبر انا السبب واكيد هنا دي حد عزيز عليه
وبين في شبه بينا وده عمله صدمه لازم اقف جمبه
وتتتقدم ليه وصلاح يحاول يمنعها سهير تشاور بايده
كانها بتقوله سيبها
بيسام:- توطي وتاخد ايد باهر اللي عينه متسمره عليها
قوم معايا يلا بلاش قعدتك دي
باهر:- يمسك في ايدها بقوة ويقوم يقف بسرعه
وفجاءة يشدها لحضنه وتنتفض بيسام لكنها تهدي وتحس براحه وسكون وتنام علي كتفه وصلاح يتعصب
باهر:- ياه يا هنا اخيرا رجعتيلي ويضمها اكتر وهي بحضنه هادية وسعيدة وتحس احساس جديد عليها
الحنان والامان ممزوجين بحب غير اي حب موجود
رؤوف:- اهدي يا صلاح باهر مصدوم ومش واعي للي بيعمله
وهي زي اخته خليها تطلعه لاوضته يرتاح
سهير:- بيسام طلعي باهر لفوق
بيسام:- تخرج من حضنه بالعافيه وتشد ايده وتطلعه لاوضته
ويطلع وراها ممدوح بيه ومعاه يارا ورؤوف
سهير:- رؤوف متتاخرش انت وبيسام تعالو بسرعه
صلاح:- وبعدين يا سهير عاجبك احتضانه ليها
سهير:- انا مش مصدقه نفسي باهر بقي زي الطفل اللي لقي امه مش معقول كان بيحب هنا لدرجة دي
باسل:- مين هنا دي يا سهير وصحيح بيسام فعلا شكلها
صلاح:- ردي علشان تعرفي تحسبي كلامك قبل ما تنطقي
سهير:- دي واحدة كانت متربيه معانا بس ماتت من سنين
باسل:- اه فهمت يعني هو كان بيحبها وهي ماتت
واتصدم لما شاف بيسام وبيحسبها عفريتها صح كده
صلاح:- ايوه هو كده اطلع شوف اختك وهاتها معاك
ويطلع باسل لاختها يشوف الوضع ايه والمعازيم تمشي
بعد الاحداث الدراميه الغير مفهومه للجميع غير لرؤوف وممدوح بيه وسهير واخواتها بس
سهير:- ماما كانت صح كان ليها حق لما دارت بيسام عن
رؤوف كنت لازم اعمل زيها ومش اخلي باهر يشوفها
مش عارفه هفسر ليهم التشابه بينها وبين هنا ازاي
صلاح:- وبعدين كنا هنخفيها لامتي بيسام شابه وكلها كام سنه وهتتجوز كنتي هتقولي ايه لجوزك ساعتها وكمان دي اختنا هي وباسل دي اللي شهادة ميلادها بتقوله
وموضوع هنا ده لازم يختفي دي ممكن يتحطمو فيها
لو عرفو انها امهم وانهم مجهولي النسب
علي قد حبي لببسام وممكن خسارتي ليها لان مقدرش اقولها عن حبي لاني بنظرها اخوها بس اهون عليا مليون مره من اني اجرحها واحسسها باليتم تاني والعار هي واخوها
سهير:- يا خوفي من اللي جاي بس لحد دلوقتي
اخر حاجه كنت اتوقعها ان باهر كان بيحبها
ممكن يكون هو اللي غلط معاه لا لا لا مش هو
اللي عرفته انها كانت حامل قبل ما تجي هنا
زي ما مصطفي قال لماما يوم ما جابها لينا الله يرحمه
يعني ممكن يكون ابن عمتها زي ما ماما كانت شاكه
منه لله اللي عمل كده معاها ضيعها وضيع ولادها
صلاح:- المهم هتقولي ايه لرؤوف علشان نتفق علي كده
سهير:- خلاص زي ما انت قولت دي اختنا وهي شبهها بس
______وفوق في اوضة باهر
تدخل بيسام ماسكه ايده تقوله اقعد هنا وتطلب من يارا تساعدها تقلعه بدلتها ويفك البابيون
بيسام:- ممكن تنام وترتاح ونتكلم الصبح في كلام كتير
عايزه اقولهولك واسمع منك
باهر:- روحي يا بيسام خدي اخوكي وروحي اسف
علي اللي عملته معاكي والفضايح اللي اتسببت بيه ليكم
رؤوف خد عروستك وروح انا بقيت كويس متقلقوش
عليا بس الصدمة افقدتني صوابي
ممدوح بيه:- ومين متصدمش سبحان الله دي لو بنتها
مش هتبقي شبهه لدرجة دي
فعلا يخلق من الشبه اربعين
رؤوف:- باهر ارتاح وانا الصبح هكون عندك
باهر:- اسف مره تانيه يا بيسام بس ليا طلب واحد عندك
ياريت متلبسيش النقاب تاني
لو سمحتي لي اني اطلب منك ده وتنفذيه ممكن
باسل:- مش هينفع في مشاكل بتتعرض ليها بيسام
وانا اللي طلبت منها تلبس النقاب لاما بلاش تخرج من البيت
باهر:- انا مستعد اعين ليها حارس شخصي وتعيش بحريتها
من غير ماحد يضايقها وانا كمان هكون تحت امرها
رؤوف:- كده ترتيب ممتاز حرام تفرضو علبها النقاب علشان جميله مش اول ولا اخر واحدة جميله بالدنيا
باسل:- خلاص يا دكتور رؤوف اللي تشوفوه يلا يا بيسام
علشان نروح صلاح مستنينا من بدري
بيسام:- تروح لباهر عايز مني حاجه تانيه قبل ما امشي
باهر:- لا اتفضلي انتي في امان الله ويفاجأ الموجودين
ببيسام توطي عليه وتحضنه وتقبل جبينه وتخرج جري
ويروح وراها باسل ويارا علشان تسلم عليهم
ممدوح بيه:- بنت طيبه زي هنا بالظبط يا سبحان الله
زي ما يكون التاريخ بيكرر نفسه بس معقول
الشبة والروح حتي لون الشعر والعنين وضفيرتها كمان
باهر:- يتنهد بحرقه بابا ممكن تسيبني شويا مع رؤوف
ممدوح بيه:- ماشي هروح اشوف علاء بالمرة
رؤوف:- عارف اللي هتقوله بس انا نفسي اتصدمت زيك بالظبط لما خطبت سهير واتجوزتها مشفتهاش ولما رجعت يوم موت امها كانت مع الحريم ومشوفتهاش اول مره كنت
اشوفها النهاردة بصراحه انا عذرك التشابه بينهم خرافي
باهر:- فعلا كل حاجه تقول انها هنا بس لما خدتها بحضني
حسيت باحساس تاني مش شوق واشتياق حاجه زي
الاحتواء حيت اني عايز احميها واحنو عليها
صدقني يارؤوف لو قولتلك اتمنيت اني احسها
لكن فقدت رغبتي فيها بعد ما حضنتها وبقيت عايز اطبط
عليها وبقي كل همي اني امحي عنها لحظات الخوف والرعب
والارتباك اللي حصلت ليها بعد.ما شفتها
رؤوف:- انا خفت عليك جدا وبالذات بعد سكوتك وانهيارك
لكن الحمد لله انك استوعبت الموقف بسرعه
باهر:- استوعبت بس مش فاهم انزل لمراتك واعتذر منها
ليا من االي عملته واسف يا صاحبي لو كنت اعرف انها
مراتك كنت صالحتكم لكنك مجنون وهي زيك
وبعد ما ترجع من شهر العسل ليا معاك كلام كتير
وينزل رؤوف لمراتها سهير وياخدها ويروح ليبدأو حياة
جديدة مع ابنهم ويعوضو حرمانهم من بعض
_________________
بعد ما يخلد الجميع للنوم ينزل باهر من اوضته
لمحراب حبيبته ويدخل ويقفل الباب وراه
باهر:- تاني مره يا هنا تقفي في طريق جوازي
نفسي افهم قدري انتي ولا ربنا مش عايز اكسر قسمي
معاكي بحمد ربنا ان مفيش حاجه بعديتني عنك
بس خلاص مش هقدر اتحمل
فراقك ووحدتي خلاص تعبت من الحياة من غيرك
خديني ليك نفسي بضمة صدرك وحنانك يا قلبي
ويمسك هدومها ويحضنها ويتنهده بشوق
عارفه انا حضنت بيسام صحيح هي شبهك وروحها زيك
لكن محستهاش زي ما بحسك لما لمستك او المس
هدومك دلوقتي بحسك حقيقي بحضني
لكن نفسي افسر احساسي ليها وليه عايزها جمبي باستمرار
لتاني مره هطلب منك السماح لكني هعتبرها مكافاءه من
القدر لتعويض حرماني منك انا هطلب اتجوزها يا هنا
علشان احسك معايا تعبت يا قلب باهر وروحه ونفسي
اكون وياكي حتي لو بالشكل يارب تغفريلي غلطتي
اللي ضيعتك مني ودلوقتي هتخليني لغيرك
ويبكي بحرقه وياخد الهدوم بحضنها كالعادة وينام للصبح
*******************************
وتشرق شمس الصبح وبيسام تصحي من النوم
ويخبط عليها صلاح وباسل اللي قلقنين عليها
وتسمح ليهم بالدخول وتلبس الروب
صلاح:' عامله ايه لما روحنا دخلتي اوضتك ونمتي
علي طول معرفتش اتكلم معاكي
بيسام:- معلش كنت مرهقه جدا باسل قالك علي طلب
باهر بيه في تعين حارس شخصي ليا
باسل:- اه قولتله طبعا
صلاح:- اللي يريحك يا بيسام مدام باسل موافق انا موافق
مش هنفضل نخبيكي عن عيون الناس
هو اللي خلق جمالك اكيد خلق اللي اجمل منه ولا ايه
بيسام:- ماشي يا ابيه خلاص كده تمام
ويرن جرس الشقه ويستغربو مين جالهم دلوقتي
ويروح باسل يفتح يلاقي باهر علي الباب
باسل:- اتفضل يا باشمهندس نورتنا خير
باهر:- قول صباح الخير يا شقي فين اخوك صلاح
صلاح:- يخرج ووراه ببسام صباح الخير يا باهر بيه
خير ليه الزيارة الغربيه دي علي الصبح
باهر:- مفيش جيت انفذ االي قلت عليه لباسل
هو مقالكش ولا ايه عن الحارس الشخصي لبيسام
صلاح:- كنا لسه بنتناقش في الموضوع
باهر:- يارب تكون وافقت مدام باسل وبيسام موافقين
صلاح:- اللي يهمني راحت اختي واكيد مدام هتكون
بامان ومرتاحه فا انا موافق
باهر:- كده تمام يبقي يلا يا بيسام اجهزي انتي وباسل
وتعالومعايا نتفق مع حارسك الشخصي
اللي هيبداء معاكي من النهاردة
صلاح:- بسرعه كده
باهر:- ابوه مفيش وقت وكمان اوصلهم الكليه
علي فكرة يارا مستنياكم تحت
بيسام:- موافقه يا ابيه باهر هلبس واجي معاكم
باسل:- انا جاهز هنزل استني حضرتك تحت
صلاح:- انا شاكر ليك اهتمامك باخواتي وبالذات
ببسام لانها بنت رقيقه وبريئه وطيوبه جدا
باهر:- متقلقش الا بيسام دي جوا العين
صلاح :- ممكن سؤال لحضرتك علي ما بيسام تجهز
باهر:- اكيد اتفضل
صلاح:- مين هنا وكانت بالنسبالك ايه وفعلا هي شبه بيسام
باهر:- بتنهيدة طويله هنا دي كانت مثال للبراءة والطيبه
اتقتلت وهي ملهاش ذنب عاشت حياة كلها حرمان
ولما انكتب ليها الراحه اتحرمت من حياتها
هي بالنسبالي ايه حياة كنت نفسي اعيشها وراحت مني
صلاح:- يعني ايه نفسك تعيشها
باهر:- كنت ناوي اتجوزها لما ارجع من بره لكن لما رجعت لقيتها اختفت وعرفت بعدها انها ماتت
صلاح:- مين قالك انها ماتت وكان عمرك قد ايه
تخرج ببسام انا جهزت خلاص يلا بينا
باهر:- هبقي اكمل كلامي معاك مره تانيه
وياخدها هي واخوها ويروح شركة حراسات خاصه
ويتعاقد مع حارس شخصي يلزمها باستمرار
ويعزمهم علي الغدا وبعدها علي رحله نيليه
ويحس انه رجع لحياته ونفسه... طول ما هو معاهم
وتمر الايام وباهر باستمرار بحاول التقرب ليهم
لتعتاد ببسام علي وجوده هي وباسل والاتنين
محدش منهم بقي يقدر علي االاستغناء
عن وجود باهر في حياتهم اليوميه
***************************
وترجع سهير من رحلة شهر العسل وتزور اخواتها
لتتصدم بحالة اكتئاب عند صلاح
سهير:- مالك يا صلاح عامل في نفسك كده ليه
صلاح:- باهر بيه سرق اخواتك مني
مش بقيت بشوفهم غير علي النوم وبيسام مش كفايه
اتحرمت من انها تكون حبيبتي كمان هتحرم
من وجودها في حياتي كاختي ليا
انا تعبان يا سهير خرجيه بره حياتنا زي ما كنتي السبب
لدخوله فيها انا لو خسرت بيسام هموت من غيرها
سهير:- خلاص انا هروح ليه واكلمه رؤوف راح ليه
وطلب منه احصله وتخده في حضنها متقلقش
انا هصلح كل حاجه وتنزل تروح لباهر ورؤوف
وهناك في سرايا ممدوح الدرملي
باهر:- رؤوف انا عايزاك تساعدني تقنع سهير
رؤوف:- بأيه يا صاحبي
باهر:- عايز اتجوز بيسام خلاص مش قادر اتحمل
فراق هنا تعبت خلاص ووجود ببسام بيعوضني
رؤوف:- بس دي صغيره عليك وكمان ممكن هي ترفض
باهر:- انا هقنعها بس المهم اخوها صلاح وسهير
تدخل سهير وتسمع كلامه
سهير:- هتقنع مين بايه وماله صلاح
باهر:- انا عايز اتجوز بيسام وياريت مترفضيش
قبل ما تفكري انا هكتب كل ثروتي لاختك وكمان
لو حبت تطلق انا موافق بس تتجوز وتعيش معانا بالسرابا
سهير:- ايه الجنان اللي بتقوله ده وليه
باهر:- علشان خلاص مصدقت لقتها علشان تعوضني
وجودها في حياتي سبب اني عايش لحد دلوقتي
ارحميني ووافقي ليكون الموت مصيري من غيرها
رؤوف:- اعقل يا باهر سهير لازم تفهم سبب تمسكك
ببيسام الاول علشان تقدر تساعدك
بصي يا سهير انتي سالتيني كذا مره عن سر علاقة
باهر وهنا وانا قولتلك لما نرجع ودلوقتي جه وقته تعرفي
كل حاجه علشان تساعدي باهر
هنا كانت مرات باهر
سهير:- مراته ازاي وهي كان عندها ١٤ سنه
مفيش جواز بالسن ده اطلاقا
باهر:- اتجوزنا بعقد عرفي موثق بالشهر العقاري
زواج قانوني اتفضلي ويطلع ورقت الحواز
وتبص علي تاريخه وتفتكر وولادة باسل
وبيسام ٩ شهور بالتمام
ا وتكلم نفسها زاي قال مصطفي انها كانت حامل ب٣ شهور
سهير،:- انت لما دخلت عليها كانت بنت بنوت
باهر:- ايوه كانت بريئة وشريفه وطاهرة ونقيه وعندي الدليل
سهير:' فهمت يعني انت عايز تتجوز اختي تعويض عنها
رؤوف:- باهر كان بيموت نفسه علشانها بعد ما اختفت
ولما اهله اصرو يتجوز كان هيموت في الحادث واتحرم من الخلف ودلوقتي هو عايش علشان هنا واختك تؤام ليها
امنحيه السعادة وساعديه يعيش
سهير:' انا موافقه بس قبلها تجي معايا مشوار مهم
باهر:- مشوار ايه
سهير:- تقرير عن حالتك حاليا عند دكتور عالمي موجود بمصر
عرضت عليه حالتك وطلب يشوفك ويشخص حالتك
لو حالتك فيها امل في الانجاب هجوزك اختي علشان اضمن
ليها السعادة لكن غير كده نبقي نتكلم بعدها
باهر:- وانا موافق
سهير:- يلا بينا ويروح كلهم لمستشفي استماري كبير
وتدخل سهير للدكتور اللي يطلب الكشف علي باهر
وبعد الكشف يطلب منه انتظار رائ الدكتور في
حديقة المستشفي ويروح معاه رؤوف وينتظروتقرير
حالتها وامكانية نجاح عمليتة لاصلاح ما افسده الحادث
وباهر بيكلم رؤوف يسكت فجاءة ويقوم بمشي
كالمنوم مغناطيس ويتخطي سياج الحديقه
ليدخل مكان للاستراحة المرضي ويروح لواحدة واقفه
يقرب ليها ويمسك وشها ويحدق فبها
لتصرخ وتجري ورؤوف يمسكه لكنه يتصدم
من اللي شايفه قدامه هو الاخر
الفصل لرابع والعشرون من هنا
تعليقات: 0
إرسال تعليق