البارت الخامس والعشرون ج ١
في المستشفي ....................
باهر :- فضل طول اليوم جمب هنا لحد ما نامت وراح باس جبينها وروح غصب عنه
واول ما روح السرايا لقي ابوه مستنيه
ممدوح بيه:- كنت فين يا باهر وتليفونك مقفول ليه يا ابني
باهر:- يروح يحضنه بحبك اوووي اوووي يا بابا
التليفون فصل شحن ماخدتش بالي حقك عليا
بابا انا جعان اوووعي تجي تاكل معايا ولا اكل لوحدي
ممدوح بيه:- ما شاء الله وشك بيضحك وحاسس بيك فرحان اوعي تقولي انك هتتجوز بيسام علشان تفضل جمبك
باهر:- لا يا حبيبي هتجوز فعلا بس مش بيسام
ممدوح بيه:- بجد هتتجوز فرحتني يا باهر مين هي
باهر:- خليها مفاجاءة ودلوقتي تعالي يا راجل يا عجوز
كل معايا علشان انا علي فطاري من الصبح
ده غير اني عندي مشوار بدري اوووي و لازم ارتاح
واصحي اروحه الصبح يلا مش عايز تاكل معايا ولا ايه
ممدوح بيه:- هاكل معاك يا باهر كفاية اني شايفك سعيد
وبعد العشا يدردش هو وباباها في احوال الشركة
ويطلب منه الاذن في اقامة باسل وبيسام معاهم بالسرايا
ممدوح بيه:- ماشي وانا بحبهم جدا ووجودهم بيخلق جو سعيد بالسرايا وكمان بيونسو يارا وعلاء وفضلو يتكلمو
لحد ما طلع ممدوح بيه ينام وفضل باهر يفكر في هنا
ويدخل اوضتها ويفرد جسمها علي السرير ويغمض
عينه من غير دموع زي كل مره و من الفرحه ينام علي طول
_____________
في الصباح بشقة صلاح يصحي من النوم علي صوت بيسام
بيسام:- صباح الخير يا ابيه صلاح
صلاح:- صباح الخير يا بيسام في ايه علي الصبح وفين باسل
بيسام:- باسل بيلبس بس اونكل باهر اتصل وقال
انه جاي في السكه وعايز يكلمك ضروري انت وباسل
صلاح:- بفرح اهلا بيه يشرف طيب يلا جهزي الفطار
علشان نفطر مع بعض
بيسام:- باستغراب حاضر هروح اجهز فطار ليكم عن اذنك
وهي ماشيه تخبط في باسل
باسل:- مالك يا بنتي فتحي في ايه ماشية نايمه
بيسام:- صلاح اول مره اكلمه عن باهر بيه ويبقي فرحان
انه جاي يزورنا غير كل مره كنت بحسه مضايق
باسل:- يمكن كان رافض جوازه من سهير والحمد لله سهير رجعت لجوزها وبيتها وهو بقي صديق لينا عادي يعني
بيسام:- لا لسه امبارح لما جه وصلنا كان مخنوق ومضايق
حتي مرديش يكلمني وقالي طول ما انا بروح معاه
الكليه متكلمش معاها خالص ودخل وقفل الباب في وشي
باسل:- طيب الحمد لله ربنا هداه النهاردة خلصي بقي شكلك
هتبوظيلي الجوازه من خوفك علي زعل صلاح
يلا جهزي الفطار زمان باهر بيه علي وصول
وبعد عشر دقايق يرن جرس الباب ويروح باسل يفتح
الباب ويلاقي باهر مبتسم ليه وياخده بالحضن
باسل:- ايه يا ابيه باهر وحشتك اوووي كده ولا ايه
انا كنت معاك امبارح
باهر:- امبارح وبكره وكل يوم فين صلاح
صلاح:- اهلا باهر بيه شرفت اتفضل البيت بيتك
باهر:- سهير كلمتك اكيد
صلاح:- ايوه وانا موافق طبعا وينادي بيسام
بيسام:- تروح تسلم علي باهر اللي يفكر ياخدها بحضنه
بس غير فكره علشان متخافش منه وترفض طلبه
صلاح:- باهر بيه هياخدكم تقيمو معاه في السرايا
بيسام:- وانت هتعيش لوحدك مش ممكن هسببك لوحدك
باهر:- لا متقلقيش وصلاح كمان كلكم هتجو معايا
واتفضلي دي هديتي ليكي وانت كمان يا باسل هديتك
ومن بكره هتاخدكم يارا تعلمكم السواقه
باسل:- دي عربيه اسبور ليا انا وزيها لبيسام مش ممكن
انا كان اخر تصوري عربيه زي بتاعت صلاح
بيسام:- ليه الغرامه مدام هعيش معاكم بالسرايا
هروح واجي مع يارا في عربيتها
باهر:- يحوطهم بايده الاتنين من النهاردة انسو كل اللي
فات هشترك ليكم في النادي وكل واحد.ليه عربيته وكمان
ويطلع ليهم احدث موبيلات اتفضل اتفضلي
وانت يا باسل كاريدت كارد انزل هات ليك كل اللي نفسك
فيها مش عايز تحرم نفسك من حاجه لازم تعيشو علي
مستوي باهربيه الدرامللي ومن بكره اعمل حسابك تخلص
كليتك وتطلع علي الشركة تتعلم الشغل فيها
لاني ناوي اسلمك ادارة الشركة وارتاح انا مع مراتي شويا
بيسام وباسل:- في صوت واحد مراتك هو حضرتك اتجوزت
باهر:- ايوه اتجوزت هبقي اعرفكم عليها بس محدش
يقول ليارا حاجه هاعملها ليهم مفاجاءة وليكم كمان
بيسام:- طيب يا اونكل انا لا هروح شركة ولا نادي
لزمة العربيه ايه بردك انا بخاف من السواقه
باهر:- بلاش اونكل ممكن نخليها بابا مثلا احسن
بيسام:' تضحك بابا انت بابا انا اصحابي بيشفوك معابا
عايزين يتجوزوك وانت تقولي اقولك بابا وتضحك
باهر:- بيسام ايوه انا حابب اسمع كلمة بابا منك
بس علشان محدش يستغرب خليها ابيه ماشي مؤقتا
بيسام:- موافقه يا ابيه
باهر:-اتفضلي دي كاريدت كارد علشانك انت كمان ويارا
هتتكفل بيكي او سهير عايزك اشيك بنت في مصر
باسل:- ليه كل ده دا احنا لواولادك مش هتعمل معانا كده
باهر:- بس يا عبيط يلا علشان اتاخرت لو بتعرف تسوق
خد اختك معاك وعربيتها في السرايا مش هتركبها غير
لما مدربها يقول تمام وانت كمان لازم اخد التمام عليك انت كمان اسيبكم انا دلوقتي وعايز ارجع بالليل القيكم في السرايا انا رتبت كل حاجه وهما بانتظاركم
صلاح وانت كمان معاهم انا خصصت جناح ليكم
ويسبهم ويخرج بعد ما باس بيسام علي جبينها هي وباسل
باسل:- هو بيعمل كده ليه معقول كان بيحب ماما كده
صلاح:- هو مش بيحب ماما ده بيعشق ماما موووت
يلا بينا نفطر ونجهز نفسنا انا قبلت اروح معاكم علشان
خاطركم لاني مقدرش استغني عنكم
بيسام:- حاضر بس ابيه باهر حساه بقي اصغر مننا
وشه بيضحك وشكلها طاير من الفرحه اكيد السبب مراته
صلاح:- ايوه فعلا لانه لقي حبه وعشقه بعد سنين
ويفتكر مكالمتة سهير ليه
صلاح:- سهير انتي فين قولتي هتصلحي كل حاجه
طمنيني عملتي ايه طلبت من باهر يبعد عن حياتنا
سهير:- باهر يبعد ايه ده هو حياتهم باهر طلع ابو باسل وبيسام واحتا دلوقتي بالمستشفي وهنا طلعت مراته
صلاح:- انتي بتقولي ايه يعني طلع ولاده بجد انت متاكده
سهير:- ايوه وهو عايزهم يعيشو معاه بالسرايا وانت كمان
لاني عرفته انك بتحب بيسام بس مش هيقولهم انه ابوهم
لحد ما هنا تخف علشان ميجرحش مشاعرهم
صلاح:- انتي احلي اخت واحلي خبر ومدام معا بيسام
اروح معاها اخر الدنيا كده خلاص ممكن اتجوزها مدام
ابوها ظهر يبقي اقدر اعرفها اني مش اخوها
احبك يا احلي سهير في الدنيا
بيسام:- ابيه صلاح روحت فين بكلمك
صلاح:- معاكي يا روح وقلب صلاح يلا بينا نجهز
🎈🎈🎈🎈🎈🎈🎈🎈🎈🎈🎈🎈🎈🎈
في المستشفي يدخل باهر اوضة هنا لكن ميلقهاش
باهر :- يسال عليها الممرضه فين هنا راحت فين
الممرضة:- مدام هنا في جلسة علاج نفسي تقدر تحضرها
ودخلته قاعة فيها مجموعة من المرضي وطبيب ببشرف
علي الحالات بيحاول يخليهم يتجاوبو معاه وراح قعد في الكرسي اللي جمبها والدكتور يعرضهم لبعض الاختبارات
في اللي بيستجيب وفيه الصامت والمتوتر والعصبي
ويمد يمسك ايدها والغريب انها تمسك في ايدها لاحساسها
بالخوف وترفع عينها في عينه علشان يتكوي باهر
بنار الشوق لما عينها جت في عينه وكان هاين عليه يقوم يحضنها ويشده لصدره اللي مشتاق ليها ويزيد من ضغطه علي ايدها تعوض عن احتضانها لترفع عينها فيه تاني
وتحدق فيها ويلاحظ انها ركزت عليها مش عيون تايهه
زي امبارح ويضحك ليها لتقوم عن كرسيها وتخرج
والدكتور المعالج يامرها بالرجوع لكنها تستمر بالخروج
ويخرج وراها باهر وتروح الاستراحه وتقعد ويقعد جمبها
ويمسك ايدها ويحاول يبص في عيونها اللي منزلاهم لتحت
باهر:- انتي متصوره اني هسمحلك تبعدي عني
تاني بعد ما لاقيتك يا حبي
ترفع عينها وتبص ليه وتحدق زي ما تكون بتدور في
ذكراتها عنه ويحس بيها عنيها بتساله انت مين
يقرب ليها ونفسه يجي في نفسها ويشد نفس طويل
باهر:- اه يا عشقي انا حبك وجوزك وانت عمري وحياتي
رجوعك رد ليا روحي اللي ماتت ببعادك عني ارجعيلي
يا هنا مشتاق ليكي ويضمها بحذر لحضنه ترتاح علي كتفه
هنا حبيبتي مشتاقلك موووت تعالي افطري معايا
ويطلب فطار وهي تفطر معاه وتمد تاكل وبكل لقمة تبص ليه
دكتور خالد:- انا مش مصدق اللي بشوفه مش معقول
انت في يوم واحد خليتها
تحرك عينها وكمان تاكل انت معجزة بالنسبالي
استمر انا واثق انها حسا بحبك لانه حقيقي روحه حساك
ياريت تقدر تتواصل معاها علشان نعرف سبب الصدمة
وان شاء الله هتشفي بعدها وتبقي بخير
باهر:- هنا مش حبيبتي دي بتسري في دمى ووجداني
روحي من روحها وروحها من روحي عاش بيهاوعايشه بيا
واتا مش هيأسس انها تخف وترجعلي لاني هعيش علشانها
وهحاول المستحيل لترجع ليا ولاولادها
وترفع عينها ليه وتتفحص ملامحه وباهر يبلع ريقه
انا مش قادر عينك بتسحرني عارفه بنتك جميله اوووي كده زيك لكن انت اجمل بطيبتك وروحك الحلوة وبراءتك
وحشتيني اوووي يا هنا ويضمها بحذر تاني ويزيد في ضمتها
ويفضل طول اليوم معاها لحد ما تدخل اوضتها تنام
ويقعد علي الكرسي اللي جمبها ويملس علي شعرها
لحد ما تغمض عينها ويمسك ايدها يبوسها ويقوم لتضغط
ايدها علي ايده وتفتح عينها وبنظرة راجيه مش عايزاه يسيبها ويمشي يوطي يبوس ايدها اللي مسكاه
باهر:- حبيبتي انا هروحي لكن روحي بتفضل معاكي
لحد ما ارجعلك تاني ولو ينفع كنت نمت هنا معاكي
بصي انا هفضل جمبك لحد ما تنامي وتمسك في ايده
زيادة وكل ما يقوم تصحي وتشده في ايده
باهر:- طيب اتاخري خديني جمبك انا طول اليوم قاعد
اريح ضهري جمبك شويا
ويطلع جمبها علي السرير ويمد ايده تحت راسها
لتتقلب علي جمبها ويشدها لحضنه وتغمض عينها
وهو كمان يرتاح ويروح في النوم لاحساسه بدفأها
ليقلق بعد.ساعه وهنا رايحه في النوم ويقوم بشويش من جمبها ويبصلها وهو ماشي
هتوحشيني يا عمري لحد ما ارجعلك الصبح
____________
ويرجع للسرايا وتقابله يارا فرحانه وسعيدة
يارا:- خالو بيسام وباسل وابيه صلاح جم من بدري
ومستنيانك وقال انهم هيقعدو معانا بجد يا خالو
باهر:- ايوه يا حبيبة قلب خالك هيفضلو هنا علي طول
ويدخل يسلم عليهم ويبص لولاده بفرحه انهم في بيته
وياخدهم جمب ابوه ويتصورو مع بعض سيلفي
يارا:- وانا مش اخدتنا معاكم في الصورة ليه
باهر:- ولا تزعلي وتعالي انت كمان يا علاء ويتصورو
صورة جماعيه ليهم معا بعض
علاء:- مدام بيسام هتفضل هنا انا هتجوزها بقي ماشي
ويمضي وقتهم في ضحك وفرح وموده وبعد العشا
ياخدهم باهر للجتاح المخصص ليهم
ويبص لصلاح:- خد بالك هجهزلك ده الجناح ليك
ولعروستك في المستقبل فاهم ولا لاء
بيسام:- بغيره هو صلاح هيتجوز ويعيش هنا مع عروستة
باهر:- ايوه انا خلاص مش هتنازل عن حد فيكم وانت كمان يا باسل هجهز ليك الجناح التاني ام بيسام هتكون مع
جوزها ويغمز لصلاح دليل علي موافقته علي جوازه منها
بيسام:،-لا انا عايزه افضل مع ابيه صلاح وباسل مش عايزه
ابعد عنهم ابدا ممكن يا ابيه باهر
باهر:- يحضنها من كتفها هي وباسل ولا انا عايزاكم
تبعدو عنا ابدا ابدا السرايا كلها ليكي يا قلبي انتي
ويدخلو ينامو وباهر بنزل لاوضة معشوقته ويفتكر
نومه في حضنها وصعب علي نفسه لانه سابه ومشي ويطلع
هدومها ويبصلها خلاص مش بقيتو تعوضوني حضنها وبس اللي بيرضيني ويرجعهم تاني للدولاب ويلاقي الملايه
ويبصلها ممكن معقول مش هخسر حاجه هجرب
وينتظر الصباح بقلق وشوق واول ما تطلع الشمس
يلبس ويخرج بسرعه يشوفه ابوه ويساله
ممدوح بيه:- باهر رايح فين يا ابني دلوقتي
باهر:- وقلبه منشرح بابا ادعيلي لو ربنا اراد
هرجعلك باحسن مفاجاءة بالدنيا ويخرج يجري لعربيته
ويوصل المستشفي والاغلبيه لسه نايمين ويستاذن
من التمريض يدخل لهنا يصحيها
الممرض:- الدكتور خالد امر اننا نسمحلك تزورها باي وقت
ويدخل يلقيها لسه صاحيه وبتفتح عيونها وتبصله
باستغراب زي ما تكون عارفاه لكنه هو مين
باهر:- يقعد جمبها علي السرير حبيبتي وحشتيني
ويحضنها بحذر ويبوسها علي خدها وخدها التاني
هنا حبي اسمعيني لو قادر فاكره دي
ويطلع ليها ملاية دليل عذريتها اللي تمسكها منها وتبصلها
وتبص لباهر ودموعها تنزل من عيونها و تبكي بحرقه
اتا انا انا شريفه انا انا شريفه يا باهر انا انا انا شريفه
باهر:- اايو يا عمري انت اشرف بنت في الوجود ايوه انت شريفه يا هنا وطاهرة ونقيه انت مراتي حبيبتي
هنا:- ليه ليه يا باهر ليه اديت لمامتك ورقة جوازنا وخليتها تاخد ورقتي وتقطعها وتخليني ساقطه ورخيصه
ليه طلقتتي وااانت اااقسمت ااانك مممش هههتحب غيري
ليه وكل كلامها بتقطع من الدموع وانهيارها
باهر:- يحط ايده علي شفايفها بس بس بس
اهدي يا هنا اهدي انت مراتي بالقانون جوازنا متسجل في الشهر العقاري يعني مراتي رسمي وقانوني ومفيش حد
يقدر ياخدك مني او يفصلنا عن بعض
ويشدها ليه كلام امي كله كدب انا كنت بموووت عليكي
وانت لحد دلوقتي لسه مراتي يا عمري
ويعدلها ليه وينسي نفسه والمكان اللي فيه
ويشدها لحضنه بكل شوقه ليها واشتياق و يبوسها بهستريا
لتحضنها هنا بتملك واشتياق وتنهار من البكاء وهو يستمر
في تقبيلها لياكد ليها حبها و ويستمر ويلمس كل انش في جسدها ليتاكد وياكد ليها انها مراته حلاله لتستكين وتهدي
بين ايدها وتستعيد لحظة سب امه ليها لتبكي وترتعش
انت قلت انك مش عايزاني ولما ترجع مش عايز تشوفني
باهر:- انا مش عايزك انا هموت عليكي ويحضنها زيادة ويبوسها في كل وشها بقبلات متواصله وينهج من شدة
شوقه ليها وفرحة قلبها انها فاقت
ويخبط الباب ليخرجه من حالة التوهان في حضنها
ويكون الدكتور خالد اللي يستاذن في الدخول
باهر:- يحاول يتحكم في نفسه واشتياقه لهنا ويسمح ليه بالدخول وتفضل هنا بحضنه مش قادر يبعدها عنه
دكتور خالد:- سمعت انك جيت وحبيت اقولك اني بفضل
مدام مرتاحه معاك تقدر تاخدها زيارات خارجيه
باهر:- يبص ليها بشوق انا هاخدها علي طول مش زيارة بس
هنا ده الدكتور خالد المسؤل عن حالتك اللي كان بيرعاكي من سنين ماتخافيش سلمي عليها
هنا:- ازيك يا دكتور شكرا ليك ولرعايتك ليا
دكتور خالد:- يسكت من هول المفأجاءة
مش ممكن انت بتتكلمي كمان ازاي حصل كل ده وامتي
باهر:- حاجه بسيطه جربتها ونفعت بس هي كانت بتحس
بيا وبوجودي وفضلت ماسكه فيا امبارح لحد ما نامت
هنا:- هو انا كنت مريضه اووي لدرجة دي وانت يا باهر
شكلك اتغير ليه وكبرت ولا عشر سنين
باهر:- يمسك ايدها بحب قولي عشرين يا هنا انت في حالة
صدمة من ١٩ سنه وعندك ولد وبنت زي القمر
هنا:- انا عندي ولد وبنت مش ممكن يعني لما سافرت
كنت حامل ولا كنت عايشه معاك وانا مريضه فاهمني
والعمليه بتاعة قلبي هعملها امتي ولا عملتها
دكتور:- خالد اهدي علشان كلامك مش مفهوم ومكسر
اهدي واتكلمي واحدة واحدة احب اقولك قلبك
زي الحديد وكمان صحتك ممتازة من الرعاية اللي كنا
بنراعاها ليكي واقدر اقولك انك تقدر تخرجي وتعيشي
حياتك بسعادة العمر لسه قدامك وانتي لسه صغيره
انا اشكرك يا استاذ باهر انك كنت سبب لشفاء هنا
مريضتي المفضله وياريت تاخدها تعيش حياتها
وتسعدو معا بعض باولادكم وتعوضو اللي فاتكم
باهر:- انا اللي عاجز عن الشكر وبطلب منك اني تسمح
ليا وتقبل تبرعي للقسم الخيري بالمستشفي
لعلاج الحالات الغير قادرة مساهمه بسيطه مني
دكتور خالد:- طبعا اقبله لان عمل الخير للجميع واي مال
لمساعدة الغير انا بقبلها علشان مقدرتنا تستوعب عدد اكبر
الطب رساله لتداوي الجراح والالم مش لكسب المال
ويخرج ويسيبهم وتبص ليه هنا
هنا:- انا حصلي ايه وكل السنين دي عملت فيها ايه
باهر:- هوس اللي فات ماضي واللي جاي حاضرنا ويطلع
ليها التليفون بصي دول اولادنا باسل وبيسام ومعاهم بابا
هنا:- دول كبار اوووي يا باهر
والبنت كلها انا بالظبط فعلا شبهي خالص
باهر:- تعرفي اني كنت هتجوزها علشان شبهك
وسبب وصولي ليكي كان حبي لان مقدرتش اتجوز غيرك
ولما شفتها فضلت تبقي جمبي تعويض عن حرماني منك
وبسبب طلبي وصلت ليكي اول امبارح بس
والحمد لله رجعتيلي بسرعه
هنا:- انا ايه بعدني عنكم وبعد ولادي عني وليه ميعرفوش
انك ابوهم ومين رباهم وانت كنت فين عايزه افهم
باهر:- هفهمك بس الاول اتصل اخليهم يجو ليكي
علشان يتعرفو بامهم وكمان اقدر ارجع بيكي للسرايا
هنا:- ونورهان هانم هتقول ايه عليا اكيد هتطردني
باهر:- امي خدت جزاءها لسبك وحرماني منك وماتت
الاول اعمل اتصل ضرور واحكيلك كل حاجه
ويتصل بسهير ويطلب منها انها تجي وتجيب معاها
باسل وبيسام ورؤوف بسرعه للمستشفي
لان .هنا خفت ورجعت لطبيعتها وعايزه تشوف الاولاد
ومحتاج وجودها علشان تخفف وقع الخبر عليهم
ويرجع لهنا يبوسها ويخدها بحضنها ويبداء يحكي ليها
قصة اختفاءها
تعليقات: 0
إرسال تعليق