رواية غلطة العمر الفصل الواحد والعشرون

البارت الواحد والعشرون

في فيلا ممدوح الدرملي 

وباهر من اعلي الدرج يوجه الشكر للدكتورة سهير لرعايتة لها طول فترة مرضه والشكر لاخواتها اللي اضافو السعادة 

لحياتهم لتواجدهم فيها ويطلب من صلاح ايد اخته 

امام كل الموجودين بطريقة ادهشت الجميع 

والجمت سهير عن النطق تخيلت انه ممكن يطلبها للجواز لكن عمرها ما اتوقعت انه يكون فخور وسعيد بارتباطه بيها

صلاح:- انا مليش رأي سهير كبيرة كفاية تقرر بنفسها

سهير:- سعيدة ومش مصدقه نفسها ايوه موافقه 

باهر:- ينزلها ويفتح علبة قطيفه فيها خاتم من الماس يحطف الانظار ويمسك ايدها ويلبسها الخاتم لتتم الخطوبة رسمي

بيسام:- مبروك يا ابله سهير الف مبروك حلمك اخيرا اتحقق

باسل:- مبروك يا دوك ظبطيلي بقي بنت اخته تبقي عملتي معايا احلي واجب يا حبيبتي

سهير:- اتلم انا دلوقتي في مقام مرات خالها لتمشي عدل 

لامي انت عارف هعمل فيك ايه

باسل:- من اوله شكرا بجد ندله صحيح

صلاح:- مبروك يا سهير اخيرا حققتي حلمك القديم

سهير:- انا مش مصدقه معقول انا وباهر هنتجوز 

ونادر ابنها يشد فستانها ماما عايز اروح 

حاضر حبيبي شويا وكلنا نروح 

وتروح بيسام تبارك لباهر بعد ما الكل بارك ليه

بيسام:- دلوقتي اقولك ابيه زي ما كنت بقول لجوز سهير

مبروك يا ابيه الف مبروك وتسلم عليه يشد علي ايدها

باهر:- الله يبارك فيكي المهم انتي سعيده 

بيسام:- طبعا يا ابيه سعيدة جدا جدا

باهر:- كده هتيجي تعيشي معانا في السرايا انتي وباسل علشان تبقو قريبين من سهير ماشي

بيسام:- لا طبعا مبنفعش هنعيش هنا بصفة ايه وابيه صلاح 

هيعيش لوحده مقدرش اسيبه لوحده

باهر:- لا مقصدش كلكم تيجو السرايا كبيره وهتخلي فيها حياه تعالي معايا هوريلك حاجه وياخدها

ويدخل بيها اوضة هنا

عارفه دي اغلي واحلي مكان علي قلبي في السرايا مش برتاح غير فيه باقي السرايا هتبقي ليكم 

بيسام:- بس دي صغيره اوووي هتعيش فيها ازاي انت وسهير

باهر:- لا لا دي ليا انا لوحدي انتي الوحيدة اللي ممكن اسمحلك تدخليها واستحاله اسمح لحد يدخلها لاسهير 

ولا اي حد تاني لان نفسي احساسي وانا هنا هو احساسي وانا معاكي يا بيسام ويقرب ليه زي ما يكون هيقبلها 

لكنه يشم ريحتها وياخد نفس عميق ويبعد عنها 

ويبصلها اخرجي يا بيسام اخرجي وسيبني لوحدي دلوقتي

وتستغرب بيسام تصرفه والغريب انها مخفتش منه لما قرب ليها بالعكس كانت نفسها ياخدها بحضنها وتخرج مرتبكة من احساسها وتشك في نية ارتباطه باختها سهير

باهر:- هنا حسيت بيكي اوووي اه يا هنا لو فعلا في تجسيد للارواح كنت قولت روحك اتجسدت من تاني فيها 

سامحتي يا حبي الوحيد انا لسه علي قسمي معاكي بس انا مشدود ليها علشان بحسك فيها وجوزي من اختها علشان تفضل قريبه مني واوعدك وعد اتحاسب عليه ليوم الدنيا 

اني مش هلمس سهير ولا هاخدها زوجه انت وبس اللي مراتي يا عشقي وحبي الابدي ويقبل هدومها اللي كل يوم بياخدها بحضنه ويخرج للحفله ليكمل التمثليه 

سهير:- كنت فين اختفيت فجاءة ومش عارفه بيسام مصرة تمشي هي ونادر وحبيت اشوفك قبل ما امشي

باهر:- مفيش كنت بقراء الفاتحه لماما ويشوف نادر ابنها

يحمله مالك يا بطل في حد مزعلك 

نادر:- ايوه انت وحش عايز تاخد ماما مني 

سهير:- نادر عيب ده بابا متقولش كده تاني

نادر:- لا ده مش بابا مش شكل صورة بابا انتي كذابة

وينزل من ايد باهر ويجري علي خاله صلاح ويعيط

سهير:- معلش باهر طفل متعود اني ياخد كل اهتمامي 

يومين ويتعود علي وجودك في حياتنا

باهر:- لا ولايهمك فين بيسام عايزه تروح ليه هي كمان

صلاح:- بيسام خرجت وسبقتنا علي العربيه لانها مصدعه

باهر:- الف سلامه صلاح انا مش عايز خطوبه طويله يعني اسبوع او اسبوعين ايه رايك يا سهير

سهير:- مش هينفع في حاجات وطلبات لازم اشتريها

باهر:- خلاص انا هجيلكم بكره ونتفق علي كل حاجه 

ولو علي طلباتك اختك معاكي تنزلو تجبيوها سوا

ولو محتاجه اعينلك مساعدة تساعدك في كل طلباتك

سهير:- شكرا يا بهورتي هستناك بكره نتفق علي كل حاجه

ويودعهم باهر وبعدهم اغلب المدعوين 

____________________

ويصلو لشقتهم وسهير سعيده وفرحانه ملاحظتش وجوم 

بيسام وسكوتها بعد ما خلعت النقاب لاحساسها بالخنقه

واول ما يدخلو الشقه صلاح يشوف حزن بيسام

صلاح:- مالك يا بيسام من ساعة ما خرجنا من الحفله

ساكته ودلوقتي الدموع في عينك حصل ايه ضايقك

بيسام:- مفيش بس مش مرتاحه لخطوبة سهير من المهندس باهر حسا في سبب لجوازه بيها غير اعجابه او حبه

صلاح:- انا كمان مش مرتاح لو عايز يتجوز 

يتجوز سهير ليه وهو غني ووسيم ولسه شباب والف مين تتمناه ليه سهير وايه السرعة اللي عايز يتجوز بيها اكيد ملحقش يحبك ويموت فيكي ولا ايه يا دكتورة

سهير:- انا اتصدمت زيكم بس كنتم عايزيني ارفض

بكره هيجي واساله ليه انا بالذات ارتاحتو

صلاح:- لا المهم راحتك دي حياتك وانتي اللي هتعشيها

باسل:- انا معاكي يا دوك سيبكم منهم دول غيرانين منك يا قمر انت هتبقي سيدة القصر زي فاتن حمامة بالظبط

صلاح:- بطل يا هندسه انت كل اللي يهمك تبقي قريب من يارا بتاعتك بس انا لازم اطمن علي مستقبل اختي

وايه سر عدم جوزاه طول السنين دي وصعب اصدق انها عقدة بسبب حادثة اخته كان ابوه عالجه اكيد في سر

بيسام:- ايوه يا ابيه اكيد في سر وتكلم نفسها

وسر الاوضه الصغيرة اللي بيحس فيها الراحه سرها ايه 

والكل يدخل للنوم الا بيسام النوم يجفيها

وتفتكر قربه ليها وازاي كانت مشدوده ليه

وكانت بتقرب لكن فعله العريب انه يشمها 

ويبعد عنها وليه هي بالذات اللي سمح ليها بدخول الاوضه واتكلم عن سهير كانه عدوته مش حبيبته اللي هتبقي 

مراته وكمان مش مسموح ليه تدخل الاوضه 

وليه بحس باحتياجي ليه وبتمني قربي مني وبحب

وجودي معاه نهار اسود معقول بحبه لا مش ممكن 

بس ده هيتجوز اختي مستحيل لازم اخرجه من بالي

ده ابيه صلاح لو عرف هيزعل مني اوووي

وانا مقدرش علي زعله ابدا 

مالك يا بيسام جرالك ايه باهر ازاي اثر فيكي كده 

وليه بتحبي صلاح يبقي دايما راضي عنك رغم انك مش بيهمك راي باسل فيكي اللي هو تؤامك اطلاقا انا شكلي اتجننت يارب ريح قلبي وبالي وتقراء قران لحد ما تنام

#################

يمر اليوم سريعا بدون احداث تذكر ويحل المساء

وتتأنق سهير وترك العنان لشعرها الجميل ينسدل كشلال علي ظهرها وتلبس فستان ابيض بورود بمبي ولبني تزينه

سهير:- ايه رايك يابيسام هعجب باهر 

بيسام:- زي للقمر بس اكيد ابيه صلاح هيضايق من انك مسيبه شعرك بالطريقة دي ده لسه خطيبك

سهير:- انتي هبله باهر ياما شافني بشعري ثم انا في شقتنا مش هنخرج وانت كمان بلاش لبس النقاب وهو هنا

ليدخل عليها صلاح وهو غاضب بعد ما سمع كلامها

صلاح:- خليكي في نفسك انتي اللي هتتجوزيه مش بيسام وكمان بيسام مش هتقابله خالص

سهير:- انت غريب يا صلاح انت بتغير عليها من باهر ما 

كان من اسبوعين بيوديهم ويجيبهم ودلوقتي وهو خطيبي 

هتمنعها تعرفه او تكلمه هو في ايه كلكم بتحاربوني ليه

صلاح:- يروح يحضنها ابدا حبيبتي بس هو جاي ليكي انتي

ولا عايزه يغرم ببيسام لما يشوفها 

سهير:-تضحك بسخرية كان اغرم بأمها مهي 

كانت قدام عينه ليل نهار 

وتسكت فجاءه وصلاح يبص ليها بغضب

بيسام:- اكيد كان بيحب ماما مش كانت الدادة بتاعته

صلاح:- طبعا حبيبتي سهير بس بتغير من جمالك وانا بقول بلاش لحد ما تتجوز مفيش داعي ان يشوفك دلوقتي

بيسام:- ولا انا عايزه اشوفه انا اسفه يا ابله سهير

انا مصدعه وهدخل انام عن اذنكم وتخرج وتسيبهم

صلاح:- لسانك ده عايز قطعه روحي اتجوزيه لكن تجرحي بيسام بكلمه تاني هقطلعك لسانك فاهمه 

سهير:- اسفه يا صلاح مش عارفه قلت كده ازاي هو فعلا كان بيحب ماما زي ما بيسام قالت انا كده عملت زي جوزي لما أهاني بسبب ان ماما دادة اخص عليا انا اتهورت فعلا

صلاح:- بجد هو ده قصدك فعلا يا سهير انا فاهمك كويس

سهير والله يا صلاح .......

ويفتح باسل الباب عليهم ليقطع كلامهم

باسل:- انتو قاعدين ترغوا والمهندس باهر بره 

سهير:- هو جه امتي 

باسل:- من شويا اتفضل يا ابيه روح سلم عليه علي

ما اخلي بيسام تعمله حاجه يشربها وانتي خلصي

صلاح:- لا بيسام نامت تعبانه سببها دلوقتي

يلا يا سهير نقابل خطيبك ويخرجو لمقابلة باهر

اللي يشوفهم يبتسم لكن البسمه تختفي لما ميلقيش 

بيسام معاهم ويسلمو عليه ويسالهم

باهر:- اومال فين بيسام مش موجوده ولا ايه.

صلاح:- لا مش موجودة خرجت مع صاحبتها 

باسل:- يبص لاخوه ليه بيكذب وقال انها خرجت ويسال 

باهر انت كنت عايزه في حاجه

باهر:- ابدا بس كانت تعبانه امبارح حبيت اطمن عليها

المهم انا اخترت ميعاد الزفاف ايه رايك اول الشهر

سهير:- ده بعد عشر ايام مش هلحق كده 

باهر:- السرايا فيها كل حاجه ولو علي اوضة النوم 

انزلي اختاريها و انا هفتحلك جناح كامل في السرايا كله مفروش جديد لما رجعت من ايطاليا غيرته علي زوقي لو عجبك ماشي مش عاجبك انزلي اختاري اللي يعجبك 

سهير:- لا خلاص كفاية اوضة النوم مدام الجناح فرشته علي زوقك طيب هدومي وباقي طلباتي وترتيبات الزفاف 

باهر:- هتصل بمتعهد افراح يجهز كل الترتيبات في ايه تاني هدومك من بكره انزلي هاتيهم

سهير:- تعالي معايا عايزه اختار كل حاجه علي زوقك 

باهر:- يسرح ويفتكر اليوم اللي نزل اختار الهدوم لهنا والسعادة اللي كانت في عيونها وهو بيجيب ليها اي حاجه

ويمنع دموعه بالعافيه لا انا عند شغل كتير لازم اخلصه

علشان افضي نفسي لشهر العسل ولا ايه يا عروسة

صلاح:- كل ده تمام ممكن سؤال يا باهر بيه

باهر:- خير يا استاذ صلاح اتفضل انا تحت امركم

صلاح:- اشمعني سهير اللي فكرت تتحوزها رغم انك 

عازف عن الزواج من سنين طويله 

باهر:- ايوه عازف عن الزواج دي حقيقه لاني ماحبتش اظلم واحدة معايا واحرمها من الامومه لكن سهير عندها ولد 

وده كان سبب قوي علشان ارتبط بيها وبالذات اني كنت 

بحب امكم لانها ربيتني ونفسي كلنا نتجمع في بيت واحد

سهير:- هو انت مش بتخلف وايه نتلم كلنا يعني ايه

باهر:- يعني بعد ما نتجوز تيجو تقيمو معانا انتي واخواتك

صلاح:- لا طبعا احنا هنفضل هنا في شقتنا

باهر:- ايه المانع السرايا واسعه ويارا وبيسام في نفس الكليه

هيروح معا بعض ويذاكرو كمان مع بعض وباسل هيبقي قريب

مني وهساعده في الهندسه وانت هتبقي قريب من بابا 

تستفاد من خبرته ونادر هيبقي صديق لعلاء

باسل:- والله فكره جميله وافق يا ابيه

صلاح:- مش وقته دلوقتي بعد ما ترجعو من شهر العسل 

باهر:- يعني وافقت من حيث المبداء

صلاح:- هفكر يا باهر بيه بس انت مش بتخلف فعلا

باهر:- ايوه الحادثه اثرت عليا واتحرمت من الخلف علشان كده شهيرة اتطلقت من غير ما ادخل عليها

سهير:' في الف علاج وعلاج ابقي اديني تقرير حالتك

وانا هعرضه علي الدكاترة وفي منهم بره اعرفهم معرفة شخصية هيشخصو حالتك بالظبط

باهر:- مش مهم عندي اي حاجه بس انتو فهموتو السبب

انا عايزكم جمبي محتاجالكم اكتر ما انتو محتاجاني 

سهير:- انا موافقه ومن بكره هنزل اجهز نفسي للزفاف

باسل:- يحضن باهر ممكن اقولك يا ابيه ولا ايه رأيك

باهر:- ماشي قول اللي يريحك اي حاجه منك مقبوله

ويتفقو علي الترتيبات والكل يسعد بالترتيبات 

الا بيسام تخاف من االي جاي وحسا ان حاجه هتحصل

خير او شر متعرفش بس تحس الخوف 

وتبداء سهير في تجهيز نفسها لترتيبات الزفاف اللي قرب

واصبح باقي ٤ ايام عليه 

وكانت بيسام بتتجنب وجودها في اي مكان فيه باهر

بدون سبب بقت تخاف من احساسه لقربه اللي مش عارفه

تفسر سببه لحد دلوقتي معقول تكون بتحبه 

رغم انه يكبرها ب١٨ سنه وزيادة

وفي يوم كاتت سهير قاعدة مع باهر بيجهزو بطاقات الدعوة

سهير:- انا عزمت كل اصدقائي بالمستشفي والكليه وانت

باهر:- اغلب اصدقائي عزمتهم بس الباقي مش عارف

اوصلهم انت عارفه ال١٢ اللي فاتو كنت مسافر 

واتفرقناوانقطعت اخبارهم كلهم عني

الا واحد مش هتنازل انه يحضر فرحي 

سهير:- مين ده 

باهر:- صديق عمري واخويا وصاحبي وسري رؤوف

سهير:- طيب اكتب ليه دعوة هو واسرته

باهر:- لا هو مسافر بفكر ازور والدته وابلغها علشان يحضر

سهير:- طيب خدني معاك نفسي اتعرف عليهم 

باهر:- ماشي انت جاهزة دلوقتي يعني ولا وراكي حاجه

سهير:- لا انا فاضيه يلا بينا 

وياخده ويروح لبيت صاحبه وصديق عمره

ويدخل من باب الفيلا اللي بوابها يفتكره ويرحب بيه 

ويخبط علي الباب وتفتح ليه الشغاله 

الشغالة:-مين حضرتك 

باهر:- مدام فريدة موجودة 

الشغاله :- ايوه ابلغها مين حضرتك 

دولت :- مين يا سماح وتسمع صوت باهر تخرج

باهر حبيب قلبي وتحضنه كده يا باهر متسالش عني ولا مره

ولا بعد رؤوف خلاص ملكش طنط فريدة تسال عنها 

باهر:- والله ابدا يا طنط انا جاي بقالي شهر وحصل حاجات كتير بس اهمها اني هتجوز ولازم تحضرو فرحي وياريت 

تكلمي ورؤوف كمان خليه يحضر ممكن يا طنط

فريدة:- ادخل يا باهر رؤوف مش عايز يرجع بسبب مراته منه لله كسرته وسدت نفسه حاربني كلنا علشان يتجوزها وخدها وسافر سنه وسبيته ورجعت الكارثه انها رفعت عليها قضية خلع واطلقت وهو ميعرفش لو عرف هيتجنن منك لله يا بعيدة حرمتني من ابني مره بجوازه منك ومره بغربته عنا

باهر:- الف خسارة رؤوف القلب الطيب دي انا قلت اللي هتتجوزه هتكون امها دعيالها 

فريدة:- ايوه امها دعت ليها ودعت علينا ببنتها ربنا يرحمها بقي بس تقول ايه اصلها واطي تربية خدمات

باهر:- ياه انتي بتكرهيها يا طنط لدرجة دي انا عروستي حاجه تانيه خالص دكتورة زي القمر وكمان اتربت علي ايدي

تعالي ياسهير سلمي علي طنط فريدة

فريدة:- تشوفها وترجع لورا من الصدمة انتي 

باهر انت هتتجوز دي مش ممكن بنت الدادة بتاعتك 

سهير:- شوفتي يا طنط بنت الدادة هتتجوز البيه وهتبقي صاحبة السرايا وهبقي من الطبقه الارستقراطيه كمان

فريدة:- تاخد ريقها اللي نشف مش ممكن ملقتش غيرها

باهر:- انتي تعرفبها يا طنط

سهير:- تلحقها قبل ما تتكلم ايوه اصلا رؤوف كان استاذي بالكلية وكنت بجي هنا لما بحتاج مساعدة

باهر:- طيب كويس ويجيله تليفون اسف هرد وارجعلكم

فريدة:- يامجرمة ملقتيش غير اعز اصاحبه تتجوزيه

منك لله ابني ممكن يروح فيها ده لسه فاكرك مراته 

وبيحبك خسارة فيكي الحب اللي بيحبهولك

روحي ينتقم منك ربنا يارب 

سهير:- وكان فين طوال الاربع سنين اللي فاتو

فريدة:- استغفر الله العظيم مش انتي اللي سبتيه ونزلتي مصر يعملك ايه يغصبك تعيشي معاه يا مفترية

باهر:- يرجع اسف يا طنط بس لازم امشي 

عندي اجتماع ضروري .يلا يا سهير 

ويسلم عليها طنط هستناكم وادي الدعوة سلام 

سهير:- بتهكم سلام يا طنط فريدة 

فريدة:- تطلع تخبط علي ابنها محمود الحقني الحقني

محمود:- في ايه يا ماما مالك

فريدة:- المصيبه اللي اخوك كان متجوزها هتتجوز

محمود:- وايه يعني ما تتجوز احنا مالنا ومالها مش اطلقت

فريدة:- هتتجوز باهر الدرملي اعز صديق لأخوك

الله يرحمك يا نورهان هانم لو كنتي عايشه مستحيل كنتي توافقي علي الجوازه دي اعمل ايه اخوك هيموت فيها 

لو عرف انها اطلقت وكمان هتتجوز باهر صاحبه

محمود:- ومين هيعرفه خلاص هو اختار الغربه وسابني علشانها سيبه بره وكفاية ابنها اللي مشفهوش لحد دلوقتي

فريدة :- انت بتقول ايه ابنه من مين