رواية غلطة العمر الفصل الثاني والعشرون

البارت الثاني والعشرون 

بعد خروج باهر وسهير وفريده متعصبه تطلع لابنها محمود تقوله وتشتكي ليه غدر سهير تتصدم من كلام ابنها ان سهير

عندها طفل من رؤوف وتساله باستغراب وعدم تصديق

فريدة:- ابن مين من مين

محمود:- ابن رؤوف من سهير يا ماما

فريدة:-ازاي وامتي وليه مقولتليش ان سهير خلفت من اخوك

محمود :- عرفت بالصدفه من كام اسبوع

فريدة:- احكيلي عرفت ازاي واتاكدت ولا لاء يمكن مش ابنه

محمود:- ابنه يا ماما عنده ٣سنين و٨ شهور يعني بعد ما رجعت بخمس شهور والدته 

وهي اتطلقت من سنتين بس. يعني ابنه يا ماما وبشهادة الميلاد كمان اما عرفت ازاي لما كنت بعمل فحوصات الشهر اللي فات واتصدمت لما لقيتها دكتورة بالمستشفي ولما شافتني سالتني بعمل ايه وعرضت عليا المساعدة وفعلا 

عملت ليا كنسولتو من احسن الاطباء واطمنت علي صحتي ولقيت ممرضه بتطلبها بالحاح قلقت وروحت وراها

وسمعت الممرضه بتقولها ان ابنها تعبان وطلبنها بالحضانه

اتصدمت زيك ولقتها بتجري وروحت وراها للحضانه 

لقتها اخدت الولد وطلعت بيه تاني علي المستشفي 

وروحت انا تاني يوم سالت عنه بالحضانه

ولاني عمه سلموني ملف التقديم 

ويفتح درج 

مكتبه ويسلم امه نسخه مصورة ده صورة الملف 

الاسم نادر رؤوف سعد الدين 

السن زي ما انتي شايفه ٣سنين و٨ شهور

فريدة:- طب والحل هنسيب ابننا يربيه باهر لازم نتصرف

لو كانت جت وقالتلي كنت خليتها تعيش معانا هنا

محمود:- تعيش هنا ازي وانتي المره الوحيدة اللي جت

مع ابيه رؤوف اهانتيها وعيرتيها بامها الدادة وطردتيها 

فريدة:- غلطت واخوك نصرها علينا ذنبه رؤوف ايه 

تسيبه وتحرمه من ابنه كل السنين دي 

محمود:- ياعالم حصل بينهم ايه خلاها نزلت وسبيته

فريدة:- ياعيني عليك يا ابني ياحسرة قلبي لو عرفت 

بجوازها من اعز اصحاب وكمان حرمانك من ابنك

****************************************

ترجع سهير الشقه وهي طايره من الفرحه وتقابلها بيسام 

بيسام:- انتي شكلك فرحان اوووي يا ابله سهير

سهير:- ايوه فرحانه انتقمت من فريدة هانم اللي ذلتتي وطرديتتي من بيتها وانا عروسه 

باسل:- ليه عملتي فيها ايه

سهير:- روحت انا وباهر نعزمها علي فرحنا وعرفتها مقامها 

من مقامي ووضغي الجديد

صلاح:- وارتحتي كده ومفتكرتيش ان دي ام الانسان

اللي فضلك عليهم وساب البلد كلها علشانك وحافظ علي كرامتك وساب اهله وماله علشان يرد الاهانه ليهم 

سهير:- وعمل ايه بعدها عايرني زي امه ولما نزلت 

معبرنيش من اربع سنين وانا بستناه

عايزني استناه كام سنه تاني يا صلاح قول 

صلاح:- وهو انتي حاولتي ترحعيه ليكي وهو رفض

سهير:- ايوه حاولت كتير واتحايلت اكتر لكن هو عنيد 

اصر ارجعله وناقش الوضع وبعد كده نحدد نرجع او نفضل

سامحته عن اهانته لامي وطلبت منه نعيش مع بعض في بلدنا رفض وقالي ان فرصته هناك احسن انا تعبت من انتظاره انا اتطلقت وقلت لما هيعرف هيرجع علشان يرجعني ليه 

لكنه عاند اكتر وفضل يبقي بره علي رجوعنا لبعض 

خلاص عرفتو انا قد ايه بقيت عليه وهو باعني 

ودلوقتي جه الوقت اللي اعيش حياتي ولنفسي 

صلاح:- ليه مقولتليش كل ده كنت كلمته انا

سهير:- مكنش ينفع لو حبه ليا مرجعهوش مش عايزاه

بيسام:- خلاص بقي انتي عروسه ووشك محتاج يرتاح 

علشان تبقي منوره في الزفاف بس انا ليا طلب ممكن

صلاح:- طلب ايه يا قمر الدور عليكي انتي كمان بعدها 

بيسام:- نفسي البس فستان سوارية وده مش هينفع عليه النقاب وكمان باهر هيبقي جوز اختي ها موافق يا ابيه

باسل:- انا موافق ده حقك ولا ايه با ابيه

سهير:- تبص لصلاح يقولولها ها رايك ايه 

صلاح:- موافق بس ليا طلب ممكن تفضلي باوضة 

العروسه لبعد كتب الكتاب مش عايز العريس ينبهر 

بيكي ويسيب اختك الغلبانه لوحدها بالكوشه 

سهير:- بقي كده ماشي وانا مش زعلانه 

بيسام جميله بس روحه الاجمل وانا بعشق روحه

وطيبتها وذكائها وحنيتها بصراحه كلك علي بعضك 

تاكلي اكل وتروح تعضها هم هم

وتحضنها عقبال ما افرح بيكي واجوزك انتي

والعكروت ده وتشد ودن اخوها باسل

ام صلاح فربنا يصبر اللي هتكون من نصيبه 

بيسام:- لا يا ابله سهير دي يبقي يا بختها اللي تكون من نصيبه وقسمتها اكيد امها دعيالها 

باسل:- يا بختك يا ابيه اختك بيسام بتشهدلك

معملتهاش معايا وانا اخوها التؤام 

بيسام:- انتي بلوه من بلاوي الزمن لكن ابيه صلاح

حته سكره حد عنده اعتراض ولا ايه

سهير:- بس بس منك ليه انتي وهو ويلا قومو نامو عندنا شغل وطلبات كتير لازم اخلصها فرحي بعد يومين

___________________________

في سرايا ممدوح الدرملي 

ممدوح بيه:- مش مصدق يا باهر خلاص يا ابني كلها يومين

وتتجوز ياما اتحايلت عليك بس الحمد لله 

سهير بنت ممتازه وكلنا واثقين في تربيتها لان اللي ربيتك 

ربيتها واخواتها ما شاء الله روحهه حلوه بالذات بيسام وباسل بحسهم منا وزينا حتي صلاح شخص رزين ومحترم

باهر؛:- فعلا يا بابا علشان كده طلبت منهم يجي يقيمو معانا بعد الزفاف ونبقي عيله وحدة ونتلم كلنا بالسرايا

ممدوح:- بيه ياريت يا ابني كنت بتمنا تملي السرايا باولادك لكن امر الله وقضائه ولا راد لقضاء الله 

باهر:- ان شاء الله يا بابا هيجو ويسعدونا بوجودهم 

زي ما هنا سعدتنا بوجودها في حياتنا

ممدوح بيه:- باهر بلاش سيرة هنا خليك تعرف تعيش

حياتك الحي ابقي من الميت وهنا عند ربها ارحم بيه مننا

باهر:- هنا ماتت بالنسبالكم لكن روحها ساكنه جوايا وعايش بيها حاسس بوجودها اكتر من الاول وقلبي سعيد بالاحساس ده متحرمنيش فرحتي يا بابا ارجوك

ممدوح بيه:- منها لله امك حرمتك منها وقتلت فرحتكم ودفعتها ثمن غلطتك ليها وحدها ودفعت انت الثمن من حرمانك من الخلف وحرمانك من حبك اقول ايه

حسبي الله ونعمة الوكيل ربنا يعوضك بسهير حرمانك

باهر:- لا يابابا لا سهير ولا مليون غيرها يعوضوني هنا انا اقسمت ليها مش هكون لغيرها واديك شفت 

اللي حصل يوم زفاف لما فكرت ارضيكم

واكسر قسمي معاها وكان جزائي اللي حصلي

وحرماني من اختي و شلل امي 

وكمان طلقت مراتي قبل ما ادخل عليها

يعني هي رافضه اكسر قسمي ليها 

وجوزي من سهير مجرد وسيله وبس

علشان اضمن اخواتها يعيشو معانا بالسرايا 

ممدوح بيه:- ليه اخواتها بالذات 

ثم انا مش هسمحلك تظلمها حرام عليك ايه ذنبها

باهر:- معرفش بس انا عايزهم جمبي وهعمل المستحيل 

علشان اضمن وجودهم في حياتي

ممدوح بيه:- مش عارف دماغك هتوديك لفين بس انا هدعيلك ربنا ينور بصيرتك ويهديلك حالك يا ابني 

وتدخل عليهم يارا

يارا:- خالو البدله بتاعتك وبتاعة جدو وصلت 

ومصمم الزفاف عايز حضرتك تحت 

باهر:- وطلباتك وطلبات علاء وصلت ولا لاء

يارا:- كلهم وصلو وعلاء خد بدلته يجربها

ويدخل عليهم علاء وهو لابس البدله وشكله فبها زي القمر

ممدوح بيه:- ماشاء الله انت كده هتغطي علي العريس

علاء:- بجد ياجدو يعني انفع عريس

باهر:- ايوه احلي عريس كمان محتاج بس للعروسة

علي شرط تبقي امورة زيك كده 

علاء:- مفيش اجمل من بيسام اخت العروسه وانا عايز اتجوزها يا خالو بليز 

يارا:- وانت تعرف منين انها جميله وهي دايما بالنقاب

علاء:- يوم الخطوبه كانت بالفراند وكشفت عن وشها لما 

قلت ليها انها وحشه بس طلعت جميله اوووي اووي 

اووي اوووي خالو بليز جوزهالي 

باهر:- يضحك مدام جميله انا موافق انت شوفتيها 

قبل كده يا يارا

يارا:- عمري ماشفتها ومش ببالي اسالها تكشف عن

وشها هي جميله لنفسها صح يا جدو 

ممدوح بيه:- صح يا حبيبة قلب جدو 

الجمال ساعات بيكون نقمة اكثر منه نعمة وياما

كان في اللي اجمل منها وخسرت عمرها في غلطة 

باهر:- صح يا بابا انا هنزل اشوف المصمم

*******************************

ويمرو اليومين بسرعه ويجي يوم الفرح 

سهير:- بيسام ايه رايك مظبوط عليا الفستان كده مش مصدقه كلها كام ساعه وابقي مرات باهر الدرملي 

يارا:- انتي طالعه زي القمر مبروك يا دكتورة

بيسام:- ايوه يا ابله بس ليه حسا انك حزينه 

سهير:- ابدا بس بفكر بحياتي االي هتتغير ٣٦٠ درجة

من بكره وبفتكر حياتي كانت ايه وهتبقي ايه

بيسام:- مش عارفه حسا ان في حاجه مضايقاكي 

سهير:- ولا حاجه متوترة بس شويا انزلي هاتي فستانك 

ويلا علشان اجهزك قبل ما انزل لكتب الكتاب 

بيسام:- حاضر يا ابله ياريت يا يارا تجي معايا 

يارا:- ماشي يلا بينا وهما نازلين يقابلهم باهر

باهر:- رايحين علي فين يا بنات 

يارا:- هنجيب حاجه لبيسام من عربية صلاح 

باهر:- روحي انتي هاتيها يا يارا وانا عايز بيسام في حاجه

يارا:- ماشي يا خالو وتنزل تجيب فستان بيسام من العربيه

ويقابلها باسل علي فين يا قطيتي 

راحه اجيب فستان بيسام تعالي افتحلي عربية اخوك

باسل:- ماشي انا جاي معاكي علشان اساعدك

ويروح معاها وهو سعيد انه هيعرف يكلمها من فترة

غيابين عن بعض ومش عارف يتلم عليها

ويفتح ليها العربيه ويجيب ليها الفستان ويسلمها ليها

وتجي تمشي يناديها يارا

يارا :- نعم يلا واقف ليه 

باسل:- يارا انابحبك موووت وسعيد

اننا هنبقي عيله واحده ممكن تديني

فرصه اثبتلك حبي يا نور عيني

يارا:- خدودها تحمر من الكسوف تقوله مش محتاج لفرصه

لاني انا كمان زيك بالظبط مووووت اووي

باسل:- بجد انا اسعد انسان في الوجود طلب بسيط 

بعد كتب كتاب خالك واختي تسمحي ليا 

اطلب ايدك من جدك او خالك زي ما تحبي 

يارا:- موافقه جدا ممكن بقي نرجع لسرايا 

علشان نلحق نجهز المأذون زمانه علي وصول

باسل:- ماشي يا حبي ويمسك ايدها ويقبلها ويدخلو

في اثناء هذا الحديث كان في حديث اكثر سخونه

بين باهر وبيسام 

باهر:- تعالي يا بيسام عايزاك في كلمتين 

بيسام:- تمشي وراها وتشوفه رايح علي الاوضه اللي دخل معاها فيها اخر مره لكنه يفتح الاوضه اللي جمبها الاكبر

الاوسع ويقعد وراء مكتب فخم وشيك وغالي جدا

باهر:- اقعدي يابيسام عايز اتكلم معاكي من يوم حفلة الخطوبه وحاسس انك بتتجنبيني عارف انك زعلانه 

من اللي عملته بس انتي زي اختي الصغيرة 

وانا بعزك وبحبك زي يارا بالظبط وياريت تتقبلي اسفي

كلها كام ساعة وابقي زوج اختك يعني زي اخوكي

ممكن تتقبلي اسفي ونبداء صفحة جدديده

بيسام:- تفرح وقلبها يطمئن وترتاح من كل شكوكها

اكيد يا ابيه وتسلم عليها وتحس بنبض قلبه من لمسة

ايده وراحه كبيرة زي ما يكون في حاجه ربطاهم ببعض

باهر:- يضحك وقلبه يحس بسعادة غامرة يلا روحي اجهزي

عايزك زي القمر علشان اشوفلك عريس يناسبك يا عسل

وتخرج بيسام من المكتب وتخبط في يارا وباسل

يارا:- خدي فستانك وانا هروح اوضتي اجهز وتمشي 

باسل:- كنتي بتعملي ايه في المكتب مع باهر بيه

بيسام:- كان عايزاني اقنع اختي اننا نقعد معاهم بالسرايا

باسل:- ممتاز اطلع اجهز يلا الضيوف والماذون علي وصول 

ويدخل لباهر المكتب االي كان سرحان 

باسل:- احم احم فينك يا ابيه سرحان في ايه 

باهر:- يبص لباسل وللحظه يشوف تداخل في ملامحه مع ملامح خيال هنا ظاهره علي وش باسل ويستغرب الشبة اللي بينهم بعد ما يبعد خيال هنا ويقوله باسل تعالي

ويحضنه ويحس نفس احساسه لهنا وبيسام ويحضنه 

اكتر واكثر ويعترض باسل بحركات رافضه لاحتضانه

باسل:- يخرج من حضن باهر مالك يا ابيه انا باسل 

مش سهير انت سرحان فيها ولا ايه

باهر:- يضحك ضحكة من قلبه لا حبيبي بس انت شبه حد بحبه وبعزه ولما قربت لقيت في شبه كبير بينا 

باسل:- تصدق في واحد من زمايلي شافك وانت بتوصلني وسالني عليك بيقولي ده باباك بس رجع 

وقال انك انت صغير علي انك تبقي بابا خالص 

باهر:- ياه يارتني عندي ابن زيك ده يبقي ربنا راضي عليا

باسل:- طيب يلا علشان ممدوح بيه لو مخلصتش صلاح من ايده مش هيحضرو الفرح الاتنين والضيوف علي وصول

ولازم حد يبقي في استقبالهم 

باهر:- تمام يلا بينا هطلع اجهز وانزلك يا برنس

ويبداء الضيوف في الحضور ويحضر الماذون

ويطلع صلاح يجيب اخته ويخبط علي الباب ادخلي

صلاح:- عروستنا الجميله جهزت خلاص

تخرج بيسام من ورا الستارة الاول ليقف صلاح مبهور من جمالها وشعرها اللي عملته ضفيرة ونزلتها لقدام 

ووراها سهير بفستانها الابيض الجميل الذي اظهر جمال قوامها الممشوق وابرز مفاتنها الانثويه 

سهير:- ايه رايك لكنه ماخوذ بجمال بيسام الهادي الطبيعي البرئ بدون اي ميكب صلاح ايه نحن هنا 

صلاح:- اه جميله زي القمر يلا بينا المأذون بانتظارك

وانت يا بيسام خليكي هنا وبعد كتب الكتاب انزلي 

سهير :-وهما نازلين مش حابه فكرة باهر يشوف بيسام 

ماما رفضت ان يشوفها رؤوف كنا لازم نرفض كمان تقابل باهر مش عارفه لو شافها هيقول ايه

صلاح:- يقول اللي يقوله محدش ليه عندنا حاجه 

وتنزل وتشوف باهر ببدلته يخطف الانظار بوسامته المدمرة

ويقعدو جمب المأذون لعقد القران 

المأذون :- بطلب بطاقات العروسين والشهود

صلاح يسلمه بطاقه اخته وباهر يسلمه بطاقته 

ويطلب من ابوه يبقي شاهد ويسال باسل انه يبقي الشاهدالتاني بم ان صلاح وكيلها ويمد شخص تاني

بطاقته انا هبقي الشاهد التاني يا صاحبي

سهير قلبها يقف لما سمعت الصوت

وباهر ينتفض ويقوم واقف يحضن صديق عمره رؤوف

باهر:- الله احلي مفاجأه عملتها انك حضرت فرحي 

رؤوف:- بغضب مكتوم انت اللي عملتلي اجمل مفأجاة

انك هتتجوز اخيرا ومين سهير طليقتي

باهر:- طليقتك انت بتقول ايه ويبص لسهير اللي 

الدم هرب منها ووشها يصفر وتهب تقوم بغضب عارم

سهير:- ايوه طليقتك افتكرتني دلوقتي بعد اربع سنين 

افتكرت سهير ياما اتحايلت عليك ترجع جاي دلوقتي ليه

تنقذ صاحبك مني ولا جاي تقولي اني ولا حاجه بالنسبالك

رؤوف:- اخرصي انت اللي سبتيني و عاقبتني علي كلمه قولتها فى وقت عصبيه خلاص نسيتي حب ٦ سنين

في كلمه قولتها كنتي ارجعيلي حسسيني بقيمتي عندك والله كنت تاني يوم رجعت معاكي لكن عندك وكبريائك ضيعونا من بعض يا دكتورة 

سهير:- جاي تحاسيبني بعد اربع سنين مفكرتش عايشه ازاي عامله ايه واخواتي اللي ماما سابتهم امانه اسيبهم ازاي

رؤوف:- اسيبك ايه انت دكتورة جراحه ومتميزه في عملك والكل بيشهد بكفاءتك والف مين يتمني يشغلك عنده 

ام اخواتك معاهم اخوكي كان هيرعاهم ثم هما مش اطفال 

ولو كان عقابك تبعدي عني كان شهر اتنين سنه لكن انتي فضلتي عليا اخواتك وبيعتي حبي وكمان طلبتي الطلاق

بس انتي مراتي وهتفضلي مراتي غصب عنك

سهير:- مفيش حاجه تغصبني غير حاجه واحدة عارفها

رؤوف:- ايوه بحبك وهموت من غيرك يا غبيه 

سهير:- تاخد نفس بتنهيدة ارتياح وتبص للمعازيم وتنكسف ازاي نسيت وجودهم وباهر اللي كانت هتتجوزه 

باهر انا اسفه استغليتك كنت فرصتي الاخير علشان ارجع رؤوف بيها ليا تاني سامحني ارجوك غصب عني صحيح

انت كنت حلمي لكن رؤوف حبي وعشقي وابو ابني

رؤوف:- انا هقتلك وكمان حرماني من ابني يا بنت منصور

باهر:- وانا مش زعلان مرات رؤوف تبقي اختي وانا اللي هبقي شاهد علي جوازكم اتفضلو يا محانين نرجعكم لبعض

رؤوف:- يقعد ويحط ايده في ايد صلاح اللي الفرحه مش سيعاه لرجوع اخته لجوزها ويشهد علي العقد باهر واخوها محمود اللي جه وحط بطاقته كشاهد علي الجواز

وبعد كتب الكتاب الزغاريد تنطلق والالعاب الناريه كمان 

محمود:- مبروك يا رؤوف جيت في الوقت المناسب

فريدة:- مبروك يا ابني وانتي يا دكتورة حسابي معاكي 

كبير جاي تفرسيني وتعزميني وانتي حرماني من حفيدي

تعالي في حضني ونبداء صفحه جديدة سماح يا بنتي

سهير:- انا اسفه ياماما رؤوف كان عنيد جدا مكنش قدامي حل غير اني استفزكم علشان تقولولهم يرجع ويلحقني

رؤوف:- انا هموتك وهطلع عليكي وحدتي طول الاربع سنين اللي فاتو يا عشقي وحب حياتي 

باهر:- خد دول تذاكر السفر لرحلة شهر العسل خد عروستك

وعوضوا السنين اللي فاتو

ونادر يحضن ابوه وجدتها تاخده بحضنها 

الكل فرحان وسعيد والزغاريد تنطلق من جديد

وتنزل بيسام بعد ما اتاكدت ان كتب الكتاب تم

وتشوفها يارا وتغضب من جودها وتروح تتخانق مع باسل

يارا:- بقولك ايه مش عايزه اعرفك تاني فاهم 

باسل:- مالك يا مجنونه عملتلك ايه زعلك 

يارا:- مين سمحلك تعزم حبيبتك السابقه لفرح خالي

باسل:- حبيبتي انا مليش حبيبه وعمري ما حبيت غيرك

يارا:- تمسك وشه وتوجهه لبيسام اومال مين ده 

مش دي اللي سيبتتي اول يوم ورحت ليها

باسل:- يضحك انت واخده بالك مني من زمان بقي تعالي

هعرفك عليها ويمسك ايدها وهي بتحاول تفك ايدها منه

يارا:- لو روحت ليها هتطردها بره السرايا اوعي سيبني 

باسل:- تعالي بس ويا خدها ويروح لبيسام احب

اعرفك علي يارا يارا احب اعرفك علي اختي بيسام 

يارا:- مش ممكن دي اختك بيسام علشان كده ليها حق 

تخبي الجمال ده كله عن عيون الناس

بيسام:- انتي مكنتش تعرفي اني اخته 

يارا:- لا اول مره اتعرف عليكي كان يوم الحادثه وكنتي بالنقاب هعرفك منبن لكن علاء مجنون بيكي وليه حق

بيسام:- علاء ده حبيبي لو ينفع كنت اتجوزته

اوعو بقي هروح ابارك للعروسين

و وتجري تحضن سهير وتبارك ليه وتجي تسلم علي 

باهر تلقبه رؤوف اللي يبصلها باستغراب ويرتبك

رؤوف:- انتي مين 

بيسام:- انا بيسام اخت سهير

يبرق ليها وتحصله صدمه ويرجع بضهره لورا

ويخبط في باهر

باهر:- حاسب يا عريس في حد يمشي بضهره 

ويشوف الذعر في عيون رؤوف 

ويبص باهر يشوف ايه سبب ذعره 

الفصل الثالث والعشرون من هنا