رواية عشق من رحم الحياة الفصل الخامس عشر

 البارت الخامس عشر

#حياة_جديدة

#البارت_الخامس_عشر

**____***___***____&&&&

بعد انهيار مريم بسبب المؤامرة التي حاكاها عليها ابيها ، وقام باستصال رحمها ليحرمها من الانجاب مره اخره ، تواجهه وقد استشاطت غضبآ لتلاقي الاوراق التي تثبت مؤامرته امامها

وتخرج مهروله إلي غرفتها ليلحقها ابيها محاولا تبرير ما فعله ليتدخل صهيب بينهم وييعترف انه هو من طلب من ابيها ذلك لتصرخ فيها شاعره بطعنة الغدر منه هو الاخر ،لتطلب منه الطلاق والانفصال عنه وتكتفي برعايته كحاله  تعالجها فقط 

وتدفعه ليخرج من غرفتها وحياتها للابد"

لتتفاجاء برد فعل من صهيب لم تكن تتخيله او تتوقع ان يصدر  منه، عندما ركع  علي ركبته امامها  وأمسك قدميها واحتضنهم كطفل صغير قد اذنب  وبيطلب الغفران من أمه، وينظر لها بعينين  يملاءها الدموع "

اجتليني يا مريم لكن مراحش اهملك  أبدا وانا حي،اجتلي  صهيب لانه عفش وبكا عيونك وخلاكي حزينه ووموجعه ،  لكن  تبعدي عني واعيش من غيرك لاه،  كيف اهملك  وانا بموت الف مره في بعدي عنيكي

اجتليني يا مريم لان مليش عازه  ولا حدا رايدني ، انتي وبس اللي خليتي ليا عازه وخلتيني أب وبجي ليا جيمه، لكني ولا حاجه من غيرك يا زينه لينهار في عاصفه من الدموع   لا تستطيع مريم مع ما يفعله الا ان يرأف قلبها به وذلك  بعد ان انحني علي قدميها يقبلها ودموعه تسيل بغزاره، ويحتضنهم بقوة  كأنهم ملاذه الامان من الغرق في بحر الحياة"

تنحني مريم لترفع وجهه ،لتري عينيه قد احمرت من الدموع

لتبكي حزنا علي حالها وحاله وتنهار هي الاخري"

لينهض صهيب  ويجذبها لداخل صدره"

انا مستهلش دموعك لاني وجعتك، بس كان غصب عني مكنتش رايدك تتعذبي كي ما انتي متعذبه معايا ومع افعالي الغريبه اللي ممكن تضرك اكثر ما تفيدك"

تنتبه مريم لحديثه الجاد لتساله بحيرة"

قصدك ايه  من انه غصب عنك، هو بابا قالك ايه عن حالتي 

يهز  صهيب رأسه بقوة رافضآ اتهامها ابيها بانه هو السبب في اخذ قرار بأجهاضها  ليهتف بتردد "

عمي ملهوش دخل أنا اللي عرفت بدون جصد، انا هجولك كل حاجه بس بالله  عليكي سامحيني انا بموت بسبب الوجع اللي بعيونك لاني انا السبب  فيه"

تخرج من حضنه وتنظر له بحدة"

عرفت ايه وليه تحرمني من اني احمل منك انا بحبك وولادي منك، جزءبسيط   من تجسيد عشقي ليك مين سمحلك تعمل  فيا كده ليه حرمتني من ان حبنا يكبر مع كل طفل ليا منك"

يبلع ريقه ويكفكف دموعه وينظر لها بحزن دفين قاتل"

هجولك كل حاجه وهجولك ليه هان عليا ولدى منيكي وليه اصريت اسجطك رغم خطورة اللي عملته عليكي، لكن مكنش جدامي غير اكده  علشان انقذك من نفسك"

تحدق إليه بدهشه"

تنقذني من نفسي الا هو ازاي وانت باجهاضك ليا كنت بتعرض حياتي للموت وبعدها قضيت عليا لما خليت بابا  يتأمر معاك ويستاصل لي الرحم  وحرمتني من الانجاب  وكمان حرمت ابننا حمزه من انه يكون ليه أخوات"

يبكي صهيب   بانتحاب وحزن عميق "

واه علي حبك انتي كتير عليا جوي يا مريم وانا مستحجش حبك ده كله ولا ولاد منيكي "

انا هفهمك ليه عملت اكده يوم اللي حوصل كنتي داخله حزينه وحسيت ان جلبك مهموم وجولت لما تبجي بحضني هخليكي تفضفضيلي كي كل يوم  لكنك طلبتي مني استناكي باوضتنا لحد ما تحددتي عمي دخلت اغير خلجاتي لكن  معرفتش افك زراير الجميص فجيت ليكي لجل تفكيهم"

وسمعت حديتك مع عمي وفهمته زين ،،،،،فلاش باك

يجلس سالم خلف مكتبه وينظر لابنته بحيرة"

مالك يا مريم في ايه  ليه الحزن اللي في عيونك  في حاجه مزعلاكي شكلك مش مريحني  قولي في ايه

تتنهد مريم بضيق "

بابا انا حامل  

ينهض ابيها والبسمه تعلي وجهه مع لمحه من القلق يحتضنها ليهنئها"

الف مبروك ها عرفتي صهيب ولا لسه وحامل في الشهر الكام

تبلع مريم ريقها بصعوبة"

حامل في الشهر الرابع وصهيب مش لازم يعرف اني حامل ولما اولد ربنا يسهلها لكن مش دي المشكله وسبب اللي انا فيه ، لتقول بصوت مثقل مهموم 

بابا انا حامل بطفل منغولي

ليحدق بها ابيها بدهشه ممزوج بغضب مستتر ليحتد عليها"

انتي بتقولي ايه الطفل ده لازم ينزل الشرع والقانون اتاح ليكي الحق في الاجهاض  مستحيل  اسمحلك تكملي حملك

تضع مريم يده علي بطنها كانها تحمي جنينها من أبيها"

لاء يا بابا  مستحيل انزله ده ابني وابن صهيب انت مش فاهمني الطفل ده تجسيد لحبنا وتاكيد ليا علي ان حبي لصهيب مكنش نزوه او شفقه يا بابا

يضرب ابيها سطح المكتب بقبضة يده"

لاء يا مريم مش هينفع حبك لصهيب خلاكي عامية عن حاجات كتير انا عشت فيها وشوفتها وياما قلبي اتقتل من الحزن مع كل طفل بيموت من ولاد اخويا قدامي ومش قادر اساعدهم، وانتِ بنفسك  درستي حالات زيه كتير وشوفتي المعاناة اللي بيعشوها لكن مجربتهاش لانهم مش منك، انا لا يمكن اسمحلك تدمري مستقبلك اكثر من كده مره بجوازك من صهيب وقلت ربنا سخرك له واستسلمت لرغبتك حبا في صهيب ورد لجميل اخويا معايا زمان ، لكن اشوفك بتدمري نفسك ومستقبلك بسبب طفل منغولي ، لاء انتي متعرفيش الاطفال دول بيعانو ازاي وابائهم بيكون تعبهم شكله ايه  ، مجربتيش طفل مصاب بمتلازمة داون ، اللي بتغير من شكله وعقليته  وتعامل الناس معاه لما يكون ملامحه غرببه، او لو كان اعاقة معتمدة اعتماد كله علي مساعدتك وتتألمي علي المه لما يصاب بحالة من الصرع ومتقدريش تعملي حاجه غير ان قلبك يبكي وتتمني ليه الراحه حتي لو الموت علشان يخف المه وتندمي الف مره انك كنتي سبب لوجوده في الدنيا

لاء يامريم  دوري كأب لكي اني احذرك من استمرار حملك

مش عايز اشوف الوجع اللي يقتل روحك وانتي بتنتظري يوم موته وخايفه تغيبي عن نظره ثواني ليكون محتاج ليكي ويموت ، انا سمحت ليكي تظلمي نفسك مرة بزواجك من صهيب  وربنا  سلم وعوضك بابن سليم، مش هسمح تظلمي جوزك وابنك ونفسك بطفل هيوجع جوزك قبل ما يوجعك لما يشوف مرضه بيتجسد قدامه في حته منه ويعرف قد ايه كان عبئ ثقيل علي اهله وعليكي  الطفل ده  لازم ينزل فاهمه"

تصيح مريم برعب ولهفه"

لاء يا بابا انت مش فاهم ده ابني ضنايا حته من دمي ومن دم  صهيب، بتقول حبي لصهيب عماني لا يا بابا حبي لصهيب منحني اجمل هبة في الحياة،،من انى اعيش اصعب تجربة ممكن تعيشها الأم واضرب المثل في ان  مشاعر الامومه اقوي علاج لاي مرض بالكون ، انا هساعد  طفلي وهقومه ،هكون قدوة لكتير من الامهات في طريقة معاملة اولادهم المعاقين هعمل دراسة ومعايشه يوميا يستفيد بيها الامهات ويتعلمو   منها ازاي يتعايشو مع حالة زي متلازمة دون او اي متلازمة اخري تتسبب في تشوهات خلقيه لطفل معاق ذهني:

بابا انا مش هتنازل عن ابني لو كان فيها موتي ، انا معنديش نيه اتخلي عن رسالتي اللي وهبتها لنفسي بحبي لصهيب

قبل ده كله مش هتنازل عن نعمه ربنا وهبني بيها من جوزي 

اللي بعشقه اكثر من نفسي وبذرته اللي في حشايا منه اغلي من نفسي وروحي حتي لو جالي ١٠ كلهم معاقين

يهزها ابيها بقوة وقد تملكها الغضب "

انتِ مجنونه رسالة ايه ، اللي بتتكلمي عنها، كل اللي عملتيه مع صهيب  مكنش رساله تربيتك لابنك اللي محتاجلك مع احتياج صهيب مش رساله"

انا مش هعيش العمر ليكي يا مريم،وانت كده بتحملي نفسك فوق طاقتها، الطفل المعاق مش طفل عادى او محتاج مجهود عادى علشان تقدري تنقذيه من  تردي حالة اعاقته، افهمي يا مريم  ابنك هياخدك من صهيب اللي محتاجلك  ومن حمزه اللي في اشد احتياجه ليكي، وهتلاقي نفسك فجاءة لاما بتهمليه لعدم قدرتك علي الاهتمام بيه، لاما تهملي جوزك وابنك ،ولما يضيع منك وده مؤكد هترجعي لحياتك ، وهيكون فيكي شئ مفقود وجزء مات منك بموته، لكن قبلها هيكون ابنك اتدمر من اهمالك وجوزك كسرتي نفسه، لما يشوف المعاناه اللي هتعشيها مع طفل شبيه لحالته، وهتعيشيه كل اللي اهله عانوه معاه ، انت بتحطميه في سبيل تبقي علي طفل عمره ما هيكون اخ لابنك يدفعه ويحفزه للنجاح والتقدم ولا رفيق يكون عون ليه بالعكس هتشيله همه والخوف انه ممكن يكون ليه ابن زيه في يوم من الايام"

قبل ما تفكري بامومتك وبذرة حبك فكري، بكل اللي حوليكي واعتمادهم عليكي بلاش تضيعي مجهودك علي صهيب بانك تحطميه في انه يشوف نفسه بطفل معاق ، هي دي رسالتك ده غير الدموع اللي مش هتفارق عيونك مع كل لحظة الم هيعيشها او تنمر من اصحابه او رفض اخوه والمجتمع ليه

ارحمي نفسك وقلبك من جرح عمره ما هيندمل "

ترفع راسها في كبرياء لترد عليه بتصميم"

اسفه يا بابا مش هحرمه من الحياة لمجرد انه مشوه ، لو هخسر زي ما بتقول انا عندى من الكفاءة اللي تخليني اقدر اتعامل مع صهيب وابنه المعاق وابني السليم  انا اخترت ابني يا بابا ومفيش حاجه هتخليني اتنازل عنه 

يثور ابيها عليها غير مستوعب  منطقها "

ماشي يا مريم بس انت هتخليني مجرم لانك بتتكلمي بعاطفة الامومه وليس بعقلية  الدكتورة اللي عارفه مختصر اختيارها، لكن انا بحذرك  زي ما هو ابنك انتي بنتي ولما يتكسر قلبك وتموت روحك بسبب تعبه ومرضه انا هخلصك  من الالم زي ما  هتتمني تخلصيه  من المه وهقتله وساعتها هتحوليني لمجرم  وده اخر نصحية اقدر اقدمها ليكي فكري يا مريم قبل الاوان ما يفوت ونندم كلنا

تضع مريم يدها علي بطنها"

قبل ما تفكر تمد ايدك علي ابني لازم تموتني يا بابا، ابن صهيب هيعيش وانا هضحي بنفسي في سبيل انه يتحسن

حتي لو كان الوجع والالم نصيبي فانا راضيه بيه وهعتبره  نعمه من ربنا بيخفف بيها ذنبي لكن انا اللي هتوجع واتلم محدش تاني فريح نفسك ابن صهيب هيعيش"

وتخرج قبل ان يوجه  إليها ابيها محاضرة اخري عن خطر حملها ، ليسبقها  صهيب الي غرفته وقد اخذ قرارها الذي سينقذ به مريم من نفسها ......باك

ينهار صهيب باكيا،"

هو ده اللي حوصل مجدرتش اتحمل ان حملك مني يكون سبب وجعك طول عمرك ايه ذنبك تتجوزي واحد زي وكمان تربي ولدك وتشيلي همه ، جولت لازم اخلصك ،وجررت اسجطك

وانا عارف اني هوجعك بس اخترت وجع دلوج احسن من وجع العمر كله، ندرتك بتتوجعي وجلبي بيتجطع عليكي بس كنت لازم اتوكد انك خلصتي من بذرتي العفشه اللي هتدمرك

ولما لجيتك هتروحي مني جريت علي  عمي لجل ينجذك

وهناك بالمشفي  خرج الدكتور وجال انه هيحاول ينجذ الحمل

صرخت فيه وجولتله لاه ماعايزش حمل المهم هي 

عمي فكر اني رافض الحمل لانك حملتي من ورايا مكنش يعرف اني عرفت ان بذرتي عفشه  وكل ولد مني هيكون عذاب ليكي ، روحت ليه واترجيته يشوف حل المهم  متحبليش مني تاني حتي لو وصلت اني اموت هموت لكن مش هجبل تحملي تاني

لاني مهجدرش ابعد عنيكي ولا احرم حجوجك اللي بتخليني جريب منيكي جوي وبحس بحبك وحنانك جوي جوي

جالي انت صح يا صهيب مريم عاطفتها بتتغلب علي قرارتها ولازم تعقل وقالي انه هيتصرف"

مكنتش اعرف ان اللي عمله هيخليكي حزينه اكده، لو كنت اعرف يعني ايه شال رحمك كنت موت حالي ولا اني اوجعك انا مجدرش اسامح نفسي من يومها،

وبعدت عنيكي علشان اعاجب نفسي واتحرم منيكي لكن خلاص مجدرش اتحمل بعدي عنكي اكثر من اكده اجتليني يا مريم لو مجدرش تسامحيني اجتليني  ولا انك تفارجيني

انا اكده ميت واكده ميت يبجي اموت احسن تكفير عن ذنبي

ليبكي بانتحاب يقطع  نياط القلب"

تذهب مريم من امامه ليجري وراءها ويحتضنها بقوة"

خلاص يا مرمم انا هريحك مني ، متزعليش يا زينه انا اللي عفش ربنا ادالي نعمه وانا محفظتش عليها وعلشان اكده

اتحرمت منيها ليبعد عنها لكن قبل ان يخرج

تضمها لصدرها "

هتوحشني يا صهيب ...

 يقطع حديثها وهو يمرمغ وجهه في شعرها ويبكي حزن"

انا اللي هتوحشك جوي جوي  

تجذب يداه وتمسح دموعه  وتبتسم بحنان لم يراه سابقا"

رايح فين هتوحشني لحد ما اخدك في حضني ادخل خد شور 

وانا هخرج اجهز العشا وحشني اكلك بايدى وكمان اعتذر من بابا لاني غلطت في حقه

يشدها صهيب  ويحضنها بطريقه هيستريا ليثقل حديثه"

بجددد يا مريم سامحتيني

تلثم ثغره ودموعها تغزو وجنتيها لا تعلم لماذا"

ايوه سامحتك يا قلبي ، وكمان مش عايزك تتسرع اهدأ وانت بتتكلم ما صدقت بقيت افهم كلامك يلا ادخل اتحمم علي ما اجهز العشا نتعشا سوا وتخدني في حضنك زي زمان

تقبل راسه وتملس علي لحيته التي كبرت وتبتسم"

تعرف تحلقها ولا اجي معاك الحلقها ليك

يحملها بين يداه ويجلسها علي الفراش ويجري يحضر ادوات الحلاقه ليضعها امامها "

خدي احلجيها رايد اكون زين كي ما بتريدي  وفجاءة يمسك يدها يقبلها وينزل عليهم  لينام عليها طفل صغير "

انا بحبك  جوي جوي يا زينه، وبعشج ضحكت عيونك جوي

 تضحك ووتلعب بيداها بشعره برفق"

طيب قوم وبطل دلع، بقولك جعانه،  هحلق ليك وروح اجهز الاكل ولما نخلص هاخدك في حضني واخليك تحكيلي  بتحبني  قد ايه وووحشتي ازاي  

يرفع راس ليعتدل امامه مسلم له نفسه ، تحلق له ذقنه وتملس غليها بكف يداها ليسحببها صهيب ويقبل قلب كفاها 

ويجذبها لحضنه بقوه ويهتف"

انا فرحان جوي جوي انك سامحتيني يا مريم

تضع يدها علي فمه وتهتف بقرب اذنه"

بحب اسمعاها منك مرمم يا قلب وروح وعشق مرمم

ينهض ويتهلل فرحآ"

انا بحب مرمم ومرممم بتحبني انا بحب مرمم ومرمم بتحبني

تجذبه مريم وتدفعه لداخل الحمام"

بطل فضايح واتحمم وحصلني ، انت بقبت مصيبه بس علي قلبي زي العسل وتقبل خده وتخرج

تذهب للمطبخ تجهز العشاء وبعدها تدخل الي غرفة مكتب ابيها لتري ابيها .........

انتظروني في السهر والفصل السادس عشر

اقتباس نار من هنا