🤘🌺البارت التاسع🌺🤘
تتصل الممرضة برقم باهر وتدي الفون لهنا خدي اتكلمي
هنا :- ليه كده هقوله ايه
وتسمع هنا صوت واحد.مميزتوش الو مين معايا
انا هنا يا باهر بيه مش ده رقمك
هنا مين وجبتي الرقم ده منين
هنا:- بدموع انااسفه يا باهر بيه ولا انت مين اصلي معرفش اتصل من البتاع ده اللي ادهولي ممدوح بيه وقالي عليه رقمك ورقم بهيرة هانم ورقمة
والممرضة هي اللي اتصلت انا اسفه
تتصل الممرضة برقم باهر وتدي الفون لهنا خدي اتكلمي
هنا :- ليه كده هقوله ايه
وتسمع هنا صوت واحد.مميزتوش الو مين معايا
انا هنا يا باهر بيه مش ده رقمك
هنا مين وجبتي الرقم ده منين
هنا:- بدموع انااسفه يا باهر بيه ولا انت مين اصلي معرفش اتصل من البتاع ده اللي ادهولي ممدوح بيه وقالي عليه رقمك ورقم بهيرة هانم ورقمة
والممرضة هي اللي اتصلت انا اسفه
الصوت:- طيب خلاص بتعيطي ليه يا حبيبة قلب باهر
هنا:- تاخد نفس وتميز صوته وتتنهد بارتياح
باهر:- هنا روحتي فين اتكلمي
هنا:- تتلكلك اصلا اصلا انا مكسوفه
باهر:- اه يا مين يجيبني القاهرة اجي ابوس الخدود اللي احمرت وبقت تفاح
هنا:- وبعدين يا باهر بيه
باهر:- انا مش هكلمك وكنت ناوي انزل بكره مش هجي
هنا:- ليه بقي عملت ايه زعلتك
باهر:- انتي عارفه
هنا:- تضحك حاضر يا باهر بس كويس كده
باهر:- وليه بس خليها باهر بهور بهورتك اي دلع كده
هنا:- كل ده والله ما ينفع انا بكلمك وحسا اني بحلم
باهر:- طيب اقفلي وانا هبقي اكلمك علشان في واحد غلس راشق في المكالمه عايز يسمع بكلم مين
هنا:'- ماشي يا باهر ب وتضحك
باهر:- لحقتي نفسك علي اخر لحظه سلام يا حبي 😍
ويقفل المكالمه وصاحبة رؤوف يبصلها باستغراب
رؤوف:- ايه كل ده حب انت واقع علي الاخر مين اللي قلبت كيانك وغيرت حالك وخلت قلب باهر الدرملي ملك ليها
باهر:- دي بقي ملاك علي الارض براءة زيها مفيش جمال رباني زيه متلقيش عيون في حزن السنين وحنيه مش معقوله وطيبه اختفت من الوجود
رؤوف:- ايه يا عم هو فيه االي انت بتقوله ده محدش موجود بالصفات دي غير الملايكه والارض مفهاش ملايكة
باهر:- والله موجوده وصغيرة خالص كمان انا هورهالك بقولك ايه ما تيجي معايا المستشفي ازورها بكره ونرجع
رؤوف:- وهي بتعمل ايه في المستشفي وتعرفها منين
باهر:- بقولك ايه شوفها وبعدين اقولك كل حاجه في وقتها
ويمر اليوم بسلام وباهر يروح الفيلا علشان ينام
نورهان هانم :- حلو اوووي جاي معانا ومش معانا هترجع الفيلا كل يوم علي النوم هو ده نظامك وانا اللي بقول معايا راجل اعتمد عليها
باهر:' يا ماما انا معاكم زي ما انتو عايزين بس انا بغير جو مع رؤوف وبكره خارجين رحلة بحريه للصيد لما ارجع هفضل معاكم واكون موجود وتحت امركم ممكن تسمحيلي اطلع انام علشان هصحي بدري
ولا تحبي اروح انام مع رؤوف اللي سايبه لوحده
بهيرة:- اجي معاكم يا باهر نفسي اطلع رحلة صيد وعلاء جاي الصبح يجي معانا ونقضي يوم في البحر ايه رايك يا ماما
نورهان هانم:- لا مينفعش خطيبك جاي علشان نختار الديكور العام للكوشه معاكي تاخديه وتطلعي رحلة بحرية
باهر:- خلاص يا بهيرة لما تخلصي كل ترتيبات الزفاف هعملكم رحلة بحريه جميله وماما تجي معانا كمان
يلا بقي سلام علشان هصحي بدري
بهيرة:- ليه يا مامي كنتي خلينا اروح معاهم
نورهان هانم:- خليه براحته مش ده كلامك وبلاش اخنق عليه بتنسي كلامك بسرعه ولا ايه
خليها يقضي وقته بالمرح والرحلات علشان ينسي مصر واللي بمصر لحد ما يسافر يمكن قلبي يرتاح
ويطلع باهر اوضته ويتصل بهنا
هنا:- الووو الووو
باهر:- الله حلو اوووي الوووو منك قوليها تاني
هنا:- باهر ب انت بتتصل متاخر ليه كده
باهر:- مفيش فايده يا حبيبتي اسمي باهر من غير ب دي والجميل ايه مسهره لحد دلوقتي
هنا:- مش عارفه انام بقولك انا روحت اوضه عادية رقم(...)
باهر:- كويس اوووي يعني ادخل ازورك علي طول
طيب يلا نامي علي صوتي لحد ما اجيلك الصبح
_______________ وتشرق شمس الصبح
ورؤوف وباهر في طريقهم للقاهرة
رؤوف:- عارف لو طلعت مقلب هسيبك ترجع الساحل لوحدك
باهر:- ههههه هنشوف يا صديقي العزيز
ويوصلو للقاهرة وباهر يشتري زهور وشيكولاته
ويروح للمستشفي
رؤوف:- ياسيدي يا سيدي ورد وشيكولاته انت عاشق صبابه الحب ولع في الذرة
باهر:- تصدق انا غلطان علشان جيبتك معايا ادخل يلا شوفي ملاكي الجميل البرئ
وهناك عند هنا الممرضه لبستها بنطلون جينز وبدي كحلي ابرز جمال عيونها وسرحت شعرها وعملته ليه ضفيرة وجابتها لقدام اظهرها كبنت ١٧ مع تورد خدودها بلون الدم اصبحت ايه من الحمال
الممرضه:- لو شافك كده هيخطفك وياخدك ويجري
خفي شويا عليه ده لسه صغير ما شاء الله عليكي جمالك زاد اضعاف لما صحتك اتحسنت والدم رجع لخدودك الحلوة
هنا:- بس بقي يا نجوى انتي كده بتكسفيني
الممرضة:- انا هخرج لو اتكسفتي اكتر من كده الدم هبنفجر
من خدودك اللي بقت بلون الدم
وتخرج وتشوف باهر هو صديقه جايين بيدورو علي غرفه هنا
الممرضة:- تعالي اوضة هنا اهي.اتفضل
باهر:- يضحك ويشكرها ويدخلو الاتنين الاوضه وهنا تشوفها قلبها يطير من الفرحه وعيونها تشع ببريق يجعلها كملكه
رؤوف:- يوطي علي ودن باهر
اوبس ايه دي وقعت عليها ازاي بصراحه جمالها وهم
باهر:- بس ومد سلم وطرقني للعربيه لحد ما ارجعلك
رؤوف:- ليك حق من لقي احبابه نسي اصحابه
باهر:- ده رؤوف صديقي واخويا اعتبريه زي بالظبط
هنا:- تمد ايدها في خجل اهلا
رؤوف:- اتشرفت بيكي يا انسه
استأذن انا هستناك بالعربيه با باهر متتاخرش عليا
باهر:- طيب بلا روح ويدي لهنا الورد والشيكولاته
ويقعد علي طرف السرير ويبص لعيونها
هنا من الاخر كده انا بحبك ليه وازاي معرفش بس لازم تعرفي ان بعدي عنك بقي زي الموت انا هسافر ادرس بره غصب عني بس هي سنه واحدة هظبط اموري بره واحاول اعملك جواز سفر وارجع اخدك ونتجوز وهنعيش بره ومش هرجع مصر غير لما اهلي يوافقو علي جوازنا ويرحبو ببه
هنا:- تسكت من الصدمه وكلام باهر نفس كلام الممرضه انه الحب ما بيعرفش غني وفقير ولو بيحبك هيحارب الدنيا علشانك لكن موضوع سفره ده جديد سنه بطولها هيبعد عنها
باهر:- هنا ردي عليا موافقه مالك ساكته ليه مش عايزاني يا هنا ردي مش عايزه تتجوزيني
هنا:- تبكي بحرقه انا اتجوزك انا بنت البواب الجاهله وبعد كرم ممدوح بيه معايا ورعايته ليا اخونه واسرق ابنه
باهر:- احنا مش هنخون حد انتي هتبقي مراتى انا دلوقتي مقدرش اواجه اهلي لسه بتعلم وسفري حطيني في الموقف ده انا بحبك يا هنا ومقدرش اتخيل انا ارجع بعد اربع سنين القيكي اتجوزتي انتي عارفه ماما مس هتسببك من غير جواز وانا واثق انها هتعلمك وتخليكي شيك علشان تجوزك بسرعه
ارجوكي وافقي يا هنا انا من ساعة موضوع سفري وتعليمي بره وانا تعبان لاني هبعد عنك ودي الفكره الوحيده اللي هداني ليها تفكيري علشان اضمن انك تبقي ليا وتكوني كبرتي كمان انتي لسه صغيرة اوووي علي الجواز
هنا:- بكل براءه عندنا في الصعيد بيتجوزو اصغر مني
باهر:- يضحك ويضمها لصدره افهم من كده انك موافقه تتجوزيني وتبقي شريكة حياتي
هنا:- انا موافقه ابقي خدامتك وتحت رجلك وامرك
باهر:، انتي حبيبتي وروحي وهتبقي مراتي يا قلب باهر
هنا:- بكل خجل انا مقدرش ارفض طلب لانك حلم اتمنيته ويارب يتحقق انا تحت امرك يا باهر
باهر:،- اشهد ان لا اله الا الله اخيرا قولتي باهر بمووت فيكي يا قلب باهر من جوه ويوطي يبوس خدها وجبينها
انا لازم امشي لسه هسافر للساحل ويومين وارجع ازورك تاني
هنا:- لا انا هخرج كمان يومين من المستشفي
باهر:- كويس يبقي نتقابل في السرايا
ويسلم عليها ويخرج ويشوفه صديقه فرحان
رؤوف:- جميله جدا وشكلها فعلا طيوب ربنا يجعلها من نصيبك مش هتقولي حكايتك معاها ايه
باهر:- يفكر لو قال لرؤوف ممكن يخاف عليه ويبلغ اهله وساعتها عمره ما هيتجوزها
لا ده هيبقي سره هو وهنا لحد ما بتجوزو
رؤوف:- ايه ما تنطق حكايتكم ايه وعرفتها منين
باهر:-مش وقته خالص لما يخلص فرح بهيرة هبقي احكيلك
ويرجعو للساحل هو وصديقه
ويحاول باهر يعوض امه غيابه علشان يقدر ينزل مره تانيه يزور هنا بدون ما تشك نورهان هانم في غيابه
وتمر الايام وتخرج هنا من المستشفي انسانه تانيه خالص
جمال وصحه وتغير جذري شكلها الخارجي والداخلي بحبها لباهر اللي اضاف جمال لروحها واعطها قوة اكبر
وباهر كان بيهرب خلسه من امه ويجي لهنا يزورها ويرجع
وكانت هنا في الصباح ترافقها سعدية وولادها باستمرار
سعدية:- انتي بكره تجي تقعدي معايا انا تعبانه شويا
مش هقدر اجي بكره الحمل داخل علي شهرين ومحتاجه للراحه ماشي يا هنا
هنا:- كان اتصل بيها باهر وبلغها انه هيجي بكره يقضي معاها اليوم ويبات ويسافر تاني يوم لانه تعب من سفره في نفس اليوم كل ما يجي يزورها
لا مينفعش ممدوح بيه بكره عنده قضيه وانا مقدرش اخرج بدون اذنه خليكي انتي اليومين الجايين ارتاحي فيهم ولما يجي البيه هجي قعد معاكي
سعدية:- طيب خلي بالك من نفسك ولما يجي ممدوح بيه استئذاني منه وتعالي انا هستناكي يلا يا سهير انتي واخوكي
سهير:- تبوس هنا انا نفسي ابقي حلوة اوووي زيك
هنا :- لما تكبري هتبقي اجمل مني الف مره
سهير:- بجد واتجوز باهر علشان بحبه
سعدية:- اه يا مضروبه باهر بيه يا بت عيب تقوليله باهر بس وكمان عايزه تتجوزيه انتي بتبصي لفوق اوووي
بصي علي قدك يا بنتي هو فين واحنا فين وانتي صغيره عليه اوووي كمان
سهير:- انا هبقي دكتورة كبيره وساعتها هو االي هيتمنا يتجوزني مش انا
سعدية:- اه منك يا سهير يارب يا بنتي اشوفك دكتورة كبيرة
هنا:- يا بختك يا سهير بتتعلمي وهتبقي دكتورة والف من هيتمناكي لكن انا هفضل بنت البواب الجاهله طول عمري
سعدية:، لا يا حبيبتي كفاية قلبك الابيض وروحك الحلوة وكمان الهانم قالت هتدخلك مدرسة تتعلمي فيها وهتبقي زي الفل بس قولي يارب
هنا:- يارب يا اما سعدية
وتمشي سعديه ويجي ممدوح بيه بعد الظهر
ممدوح بيه:- عامله ايه يا هنا
هنا:- بخير يا ممدوح بيه
ممدوح بيه:- فين سعدية مجتش النهاردة تقعد معاكي
هنا:- اه بس روحت لانها تعبانه وكانت عايزاني اروح ليها بكره
ممدوح ببه:- ماشي روحي ليها خلي مصطفي البواب يوديكي
هنا:- مين مصطفي ده انتو جبتو بواب جديد
ممدوح بيه:- لا ده متربي هنا كان ابن الجنايني واتربي علي ايدك ابوكي بس كان محبوس في قضيه كده وخرج امبارح متقلقيش هو هينام في الجراج مش في اوضة ابوكي
هنا:- ده بيتك وانت حر التصرف فيه
ممدوح:، عارف المهم خليه يوديكي بكره علشان انا هسافر بعد العصر النهارده وهرجع بعد يومين
هنا:- حاضر يا بيه هروح عندها وتسمح ليا ابات مدام مش هترجع السرايا غير بعد يومين
ممدوح :- ماشي وهو بيتكلم يدخل باهر عليهم
باهر:- بابا حبيبي وحشتتي اوووي ويحضنه
ممدوح:- انت جيت امتي وليه حصل حاجه لمامتك واختك
باهر:- لسه جاي كنت بسحب ورقي من المدرسه علشان اخلص اجراءات السفر وماما واختي بخير
ويبص لهنا اللي قلبها بيرقص من الفرحه للمفاجاءة دي
ازيك يا هنا حمدلله بالسلامه خرجتي امتي
ممدوح:- خرجت من اسبوع انت هتسافر امتي لمامتك
باهر:- انا هسافر بكره الفجر ليه هتجي معايا
ممدوح:- لا انا مسافر كمان ساعه للصعيد عندي قضية وهرجع بعد يومين خلي بالك من هنا وعلي فكره مصطفي هيبقي بواب السرايا هو سافر لاهله وهيرجع بكره
باهر :- طيب كويس بس هنا بقت امورة اوووي يا بابا بيقنع ابوه انه اول مره يشوفه مش كل يومين بينزل يشوفها
ممدوح:- اه فعلا يلا اتشطر وانا اجوزهالك
باهر:- بفرحه انت بتتكلم بجد
ممدوح بيه:- طبعا لا دي خسارة فيك ايه رايك يا هنا تتجوزيني اتا ولا بتحبي الشباب
هنا:- تنكسف وتخجل منهم انا مش قد المقام
ممدوح:- مين قال كده انت ست البنات واللي يقدرك بس هقبل بيه يتجوزك حتي لو كان ابني
باهر:- خلاص وانا موافق بس اخلص كليتي
ممدوح:- انسي انت عايز الجمال ده كله يستناك الحقي نفسك لتطير منك ويخطفها عريس احسن منك
باهر:- هههه انت عايز تخلص منها ولا مني لما نشوف راي ماما
وفي الوقت ده يرن تليفون باهر يبص ويضحك
باهر:- هي ماما معانا اهي بتتصل الو ايوه يا ماما
نورهان هانم:- سحبت ورقك ولا لسه
باهر:- ايوه ورجعت السرايا ومعايا بابا اهوه
نورهان هانم:- ومرجعتش ليه علي هنا بعد ما خلصت
باهر:- ماما انا تعبان من السواقه والصبح هكون عندك ممكن
نورهان هانم :- فين باباك ادهولي ويدي التليفون لابوه
ممدوح بيه:- عامله ايه يا نورهان وبهيره اخبارها ايه
وترتيبات الزفاف هلصتوها ولا لسه
نورهان هانم كويسين وكل خاجه جاهزه وتمام التمام
انت هتجي امتي زفاف بنتك الاسبوع الجاي
ممدوح بيه:- عندي قضيه يوم الاربعاء في الاسكندرية هخلص واجيلكم علي الساحل كنت بفكر اجيب هنا معايا
هنا:- لا يا بيه مينفعش انا مش هقلع الاسود علي ابويا وكمان ده فرح مينفعش انكد عليكم بوجودي سامحني يا بيه
نورهان هانم:- خلاص سيبها براحتها هستناك وخلي بالك من باهر وخليه يكون عندي الصبح محتاجاله ضروري
ممدوح بيه:- سامع يا باهر تسافر لماما الصبح
باهر:- حاضر يا ماما هصحي واجيلك علي طول
باهر انا تعبان جدا هتغدي واخد شاور وهنام
ممدوح بيه:- وانا هطلع اغير واخد شنطتي واسافر خلي بالك من هنا لحد ما تسافر لماما الصبح
ويمر الوقت ممدوح بيه يسافر بعد الغدا
وباهر راح اوضة يستريح
وهنا قعدت في اوضتها تنتظر ان باهر يصحي علشان يقعد معاها بعد ما كل الشاغلين مشيو بعد العشا
وتطلع تخبط عليها لما الوقت اتاخر ولسه مصحيش
وتفتح اوضتها اللي غارقه في ظلام دامس
وتروح تصحيه ميردش عليها مره واتنين وتتخض عليه
وتروح تنور النور وتشوف وشه ازرق
وقلبها ينقبض عليه وتحاول تصحيها تاني
وتصرخ من قلبها باهر باهر باهر باهر
الفصل العاشر من هنا
تعليقات: 0
إرسال تعليق