نوفيلا المجهول/ الفصل الرابع

 البارت الرابع

البارت الرابع

___________

في قهوه بحي السيده زينب

رفعت:: اهلا اهلا عاش من شافك يا محمود سمعت انك خلصت بيعه لبيت اكيد كسبت منه مبلغ محترم هو ده سبب انك  مكنتش بتجي تسهر معانا زي زمان

محمود ::  اهلا بيك يا حبيبي لا والله ابدا  اه اخدت نسبيتي لكن من البايع بس علشان اللي اشترت البيت  واحده غلبانه بتربي ايتام وصغيره علي البهدله اللي هي فيها 

وبصراحه ربنا بعت ليا البيت ده وانه يكون من نصيبه لانه تستحقه وربنا وفقنا وخلصته ليه بمبلغ رخيص 

رفعت :: ايه هي احلوت في عينك ولا ايه انت مش بتسيب مليم لحد ابدا من يوم ما عرفت طالع واكل نازل واكل زي المنشار اشمعني دي 

محمود :: لا والله ابدا بس صعبت عليا وهمها كبير ربنا يعينها

رفعت :: صعبانه عليك وتشتري البيت ده كله اكيد مرتاحه وشكلك بترسم عليها

محمود :: والله ابدا الموضوع اصلا غريب ولحد دلوقتي مش فاهمه ولا مرتاح

رفعت:: مش فاهم ايه  هي اشترت بيت وصعبانه عليك ازاي يعني معاها فلوس انت ايه بقي اللي مش مريحك

محمود :: هفهمك الست دي جاتلي من يومين بعتها ليا محروس بتاع موقف العربيات كانت بتسال عن شقه للأيجار وطلبت مني شقه ليها ولولادها والمبلغ اللي معاها يدوب يجيب شقه وحتي طلبت مني كمان اشوف ليها شغل باي مصنع علشان تقدر تصرف علي اولادها انا اخدتها وسكنتها في اوضه من اللي بسكنهم باليوم لحد ما اشوف طلبها تمام كده

رفعت ::تمام ها كمل

محمود:: يدوب انزل للمكتب الاقي واحد عنده بيت وعايز فلوسه بسرعه علشان صاحبه مسافر وقالي هيديني عمولتي اللي هطلبها قولتله اشوف البيت روحت لقيته بيت جديد و٣ شقق منهم شقتين مفروشين فرش اخر جمال ومحل كبير تحت البيت انا قولت فرصه اخد شقه للست الغلبانه لقيت الراجل رافض وطلب اللي ياخد البيت ياخده كله وبنفس السعر اللي كانت الست عايزه شقه بيه تصدق دي المهم قلت رزقها واهي تفتح المحل او تأجره تكسب منه وعجبها البيت واشترته لكن الفلوس اللي معاها مكنتش تكفي غير تجيب بضاعه للمحل علشان كده مقدرتش اطلب عمولتي منها 

رفعت:: بيان عليها بنت حلال وربنا بعتلها رزقها وانت كنت سبب في كل ده

محمود ::: الاغرب اللي حصل بعد كده 

رفعت :: خير حصل ايه

محمود ::يدوب انا سكنتها وطلبت مني احط ليها يافطه للايجار علشان الشقتين اهو قرش يساعد قولتها بكره اجبهالك مع البضاعه 

علشان اروح تاني يوم تقولي جت مستأجره خدت الشقتين وكمان بدون عقد ودفعت مقدم وقالت ليها لما تقوليلي امشي همشي عرفت منين ده ان في شقق للأيجار ده اللي نفسي اعرفه ده غير انها اتصلت بيا وقالتلي ان البضاعه خلصت ومكسبها ٣ اضعاف وابن المستاجرة وصي تاجر متجول يجبلها بضاعه تاني تصدق محل كامل يخلص بضاعته في يوم واحد ولسه محل جديد ومش معروف

قولي انت ايه رايك في الموضوع ده اصلي حاسس في حاجه غريبه مش مريحاني

رفعت :: والله ليك حق حاجه  غريبه فعلا بس البيت ده فين وانا اعرفلك بتاع مين

محمود :: ده الاغرب مش في السيده زينب خالص ده في شبرا مش منطقتي لكن الراجل اللي جالي قالي ان واحد شكرله فيا واني امين وبعرف اخلص شغلي بسرعه ايه رايك

رفعت ::: لا كده الموضوع في ان هاتلى عنوان البيت وانا ليا واحد قريبي في شبرا هيجيبلي قراره  وهيعرف ايه حكايته

محمود :: ياريت يا رفعت علشان انا قلقان وحاسس اني دبست الست الغلبانه دي في مصيبه مش عارف ليه .🤔🤔

__________في بيت زينب 

مصطفى مزعور ::: ماما حصل ايه مالك 

فتحي::: ماما مالك

ودعاء تيجب جري ماما حصل ايه

زينب ::: بتبص لفتحي مصدومه ايه اللي حصل في بيجامتك 

الكل يبص علي هدوم فتحي الهدوم محروقه تماما من الامام واحمرار شديد في جلده زي ما يكون نار كانت مولعه فيه

فتحي باستغراب :: والله مش عارف انا سيبتك وجيت نمت وصحيت علي صرختك

مصطفي :: ازاي ده حصل وانا نايم جمبه مش حسيت بحاجه

زينب :: تتحسسه الحمد لله مفيش حروق احمرار بس لكن ايه حرق البيجامه كده وازاي مفيش حاجه مولعه جمبك ولا تحتك الحته اللي قدام بس باسته وقامت غيرت ليه هدومه وطبطبت عليه و وقعدت جمبه تقراء ليه قرأن لحد ما نام

واخدت دعاء وراحت اوضتها 

وحاولت تنام لكن مش عارفه تغمض عينيها من اللي جري لفتحى وحست بقبضه في قلبها وخوف علي ولادها وان في حاجه مش كويسه هتحصلهم لحد ما اذن الفجر قامت تستغفر ربها و وصلت ونامت 👁👁👁___________

تشرق شمس الصباح لتعلن عن بداية يوم جديد

زينب :: مرهقه من قلة النوم قومي يا دعاء فطري اخواتك وهاتي اعملكم السندوتشات

دعاء:: حاضر يا ماما بس انا مش هروح المدرسه وشك اصفر وشكلك تعبان جدا ماشي

زينب :: بأعياء لو معندكيش دروس مهمه ماشي خليكي انا فعلا تعبانه حتي مش هقدر افتح المحل 

دعاء:: مش مهم لو خلصت الغدا وشغل البيت هنزل افتحه لحد ما اخواتي يجوا

زينب:: لا يا حبيبتي تعب عليكي 

دعاء :: هي طنط جمالات معقول مش سمعت صوتك بالليل 

زينب؛؛ ممكن وكمان ابنها بيقول بيطلع الشقه اللي بالرابع يمكن كانوا فوق ومش سمعوني 

دعاء ::: يمكن هروح اصحي مصطفي وفتحي يصلوا علي ما اجهز الفطار

زينب :: معقول مش سمعتني ولا ايه حكايتها وبيروحو فين ليكون بيشتغلو حاجه بالليل مش كويسه ومخبيين يوووه استغفر الله العظيم انا مش شفت حاجه وحشه منها ليه كده بس ياربي ان بعض الظن اثم 

_____بعد الظهر التليفون يرن دعاء

تصحيها بشويش ماما ماما عم محمود السمسار عايز يكلمك

زينب ::: هاتي سلام عليكم خير يا استاذ محمود

محمود ؛؛ ابدا حبيت اسالك لو عايزه حاجه او حصل حاجه يعني انا في الخدمه او بضاعه للمحل اي حاجه 

زينب:: تشكر والله ما انا قولتلك في تاجر هيجيب لينا طلبات المحل أول بأول والست ربنا يكرمها بتساعدني هي وعيالها

محمود:: هي عندها كام عيل 

زينب؛؛؛ ٣ ولدين وبنت 

محمود::: يعني زيك 

زينب:: اه ومن سن ولادي بالظبط وبيذاكرو معاهم كمان وليد هيقعد بالليل شويه بالمحل مع مصطفي

محمود:: كويس جدا هو مصطفي ووليد بينزلو امتي المحل علشان لو ناقص حاجه بردك انا افهم احسن منهم

زينب :: بعد المغرب ان شاء الله

محمود :: كويس جدا سلام عليكم ويقفل السكه

_______دعاء تخلص تجهيز الغدا 

دعاء:: ماما انا هنزل افتح المحل شويه لحد ما اخواتي يجوا

زينب:: كفايه عليكي شغل البيت بلاش المحل وقومي ذاكري

دعاء :: مش تقلقي هقعد ساعه ولا ساعتين لحد اخواتي ما يجوا تحبي اجبيلك الاكل

زينب:: لا هتغدي مع اخواتك لما يرجعوا 

دعاء تفتح المحل بعد العصر واخواتها يجوا من المدرسه وتجهز طلبات ام وليد

مصطفي :: اطلعي انتي وانا هقف في المحل وخدي طلبات خالتك ام وليد معاكي

دعاء:: اطلع انت اتغدا الاول وبعدين انزل انا هستناك

مصطفي :: طيب وهغير كمان وارجعلك بسرعه

دعاء::: ازيك يا عمو محمود اتفضل 

محمود :: اومال فين ماما ومصطفي وواقفه انتي ليه

دعاء::ماما تعبانه ومصطفي هيتغدا وينزل 

محمود :: الف سلامه علي ماما خلاص هستني مصطفي واطلعي انتي

دعاء:: حاضر 

مصطفي ينزل بعد شويه ويشكر عمه محمود علي مساعدته ليه ومحمود ينصرف

لكن محمود يقعد علي قهوه قريبه من البيت و ويراقب الوضع

محمود :: بيراقب مصطفي لوحده وفين وفين علي ما حد بيشتري حاجه

وبعد ساعات... لكن غريب امر مصطفي كل شويه يكلم نفسه وكانه بيذاكر مع حد بس محدش معاه 

دعاء من البلكونه:: مصطفي ماما بتقولك اطلع انت ووليد علشان العشا 

مصطفي:: حاضر بس وليد مش عايز بيقول اتعشي هسيبه يقفل المحل وبخرج ويترك المحل لوحده مفتوح

وينتظر محمود ساعه واتنين علشان يشوف وليد ده او حد ينزل المحل مفيش وفجاءه النور يطفي والمحل يتقفل يروح يجري يشوف مين قفل المحل ملقاش حد 

محمود في حاجه غلط انا لازم افهم

في الشقه عند زينب____ ________بعد كام ساعه من طلوع مصطفي 

وليد:: يطلع مساء الخير 

زينب:: مساء النور ايه يا وليد مش عاجبك اكلنا ولا ايه 

وليد:: لا ابدا بس انا باكل اكل مخصوص علشان التدريبات المهم ده الايراد بتاع النهارده

زينب :: ما شاء الله 

وليد :: وقفلت المحل وادي المفاتيح وكمان التاجر جه واخدت منه الناقص عايزه حاجه مني تاني يا خالتي وانت يا مصطفي محتاج نكمل ولا كفايه كده النهارده

مصطفي :: لا ميه ميه انا حفظت المنهج صم

وانت يا فتحي ويا دعاء محتاجين اي مساعده من خالد ووولاء

دعاء،وفتحي:: لا شكرا 

وليد :: طيب تصبحو علي خير اشوفكم بكره يلا بينا وياخد اخواته ويطلع 

زينب :: وانت من اهله الخير ومسي علي ماما

وليد :: حاضر ويمر باقي اليوم بسلام

لكن محمود اتاكد ان في حاجه مش طبيعيه يا تري ايه هي 

ها عرفتو ايه هي 

************

يتبع......